चेला चिब्मैंए केमैं 22:26 - परमेश्‍वरए ताँ तमु क्युइर

²⁶ चु ताँ थेसि कप्‍तानइ पल्टनर्बै चिब ङाँर ह्‍यासि “क्हिइ तो लल् म्हैल? चु म्हिम् रोमी नागरिक मुँन,” बिइ।

चेला चिब्मैंए केमैं 22:26 ပူးပေါင်းရင်းမြစ်များ

यूहन्‍ना 18:12

च लिउँइँ रोमी कप्‍तान, सिपाइमैं नेरो यहूदीमैंए मन्दिर रुँबै म्हिमैंइ येशू क्हासि फैइ।

चेला चिब्मैंए केमैं 22:25

झाइले सिपाइमैंइ पावललाइ ट्हिबिए छोइ फैबर होंमा पावलइ चेंदो रारिबै कप्‍तानने “तोइ छ्याब् आरेबै रोमी नागरिकलाइ क्हेमैंइ कोर्राइ प्रुब ठिक मुँ वा?” बिसि ङ्योएइ।

चेला चिब्मैंए केमैं 22:27

झाइले पल्टनर्बै चिब पावल ङाँर खसि “ङने बिद्, क्हि रोमी नागरिक वा?” बिसि ङ्योएमा खिइ बिइ, “ओं, ङिंबन् ग।”

चेला चिब्मैंए केमैं 22:29

चु ताँ थेबै तोंदोंन् पवालने ङ्युलु-च्युलु लबै म्हिमैं स्योयाइ। पावल रोमी नागरिक मुँन बिब् सेसि चिबै या ङ्हिंयाँइ, तलेबिस्याँ चइ पावल फैबर ल्हैदिल।

चेला चिब्मैंए केमैं 23:27

यहूदीमैंइ चु म्हि क्हासि सैबर म्हैल, दिलेया च रोमी नागारिक मुँन बिब ङइ सेइ। छतसि ङ सिपाइमैं बोसि चलाइ जोगेमिंइ।