चेला चिब्मैंए केमैं 22:25 - परमेश्‍वरए ताँ तमु क्युइर

²⁵ झाइले सिपाइमैंइ पावललाइ ट्हिबिए छोइ फैबर होंमा पावलइ चेंदो रारिबै कप्‍तानने “तोइ छ्याब् आरेबै रोमी नागरिकलाइ क्हेमैंइ कोर्राइ प्रुब ठिक मुँ वा?” बिसि ङ्योएइ।

चेला चिब्मैंए केमैं 22:25 ပူးပေါင်းရင်းမြစ်များ

मत्ती 10:17

म्‍हिमैंउँइँले न्हक्रों मि क्रोंले टिद् तलेबिस्याँ चमैंइ क्‍हेमैं क्‍हासि अड्डर उजुर लब्‍मुँ, धै च्हों धिंजगोर बोसि कोर्राइ प्रुब्‍मुँ।

मत्ती 27:54

सयो खब नेरो चर तबै ताँमैं म्रोंसि चर्बै कप्‍तान नेरो चने मुँबै येशूलाइ रुँबै सिपाइमैं बेल्‍ले ङ्हिंसि “चु म्‍हि क्‍ह्रोंसेन परमेश्‍वरए च्‍हन् मुँन,” बिइ।

मत्ती 8:8

दिलेया च कप्‍तानइ बिइ, “प्रभु, क्‍हिलाइ ङए धिंर बोसि मान लबै लायगर्बै ङ आरे। क्‍हिजी सुँइ मत्‍त्रे सयाद् बिसि पोंमिंनु, धै ङए के लबै म्हि सयाम्।

चेला चिब्मैंए केमैं 10:1

कैसरिया बिबै क्ल्ह्‍योर कर्नेलियस मिं मुँबै म्हि घ्रि मुँल। च इटालिया बिबै पल्टनर्बै कप्‍तान मुँल।

चेला चिब्मैंए केमैं 16:37

दिलेया पावलइ पुलिसमैंने बिइ, “ङि रोमी नागरिकमैं मुँलेया चमैंइ तोइ छ्याब् आस्यालेया ताँन् म्हिमैंए उँइँर धोंसि झेलरै या च्युवाइ। तारे म्हिमैंइ आसेल्‍ले ङिलाइ तेल् म्हैल् वा? छ तल् आखाँ। चमैं खेंमैंन् खसि ङि तेइ बोरिगे।”

चेला चिब्मैंए केमैं 22:26

चु ताँ थेसि कप्‍तानइ पल्टनर्बै चिब ङाँर ह्‍यासि “क्हिइ तो लल् म्हैल? चु म्हिम् रोमी नागरिक मुँन,” बिइ।

चेला चिब्मैंए केमैं 23:17

झाइले पावलइ कप्‍तानमैं न्होंर्बै म्हि घ्रि हुइसि बिइ, “चु कोलो पल्टनर्बै चिब ङाँर सथेमिंन्, तलेबिस्याँ चुइ चिबने तोइ ताँ बिदा ङ्हाँइँमु रो।”

चेला चिब्मैंए केमैं 23:27

यहूदीमैंइ चु म्हि क्हासि सैबर म्हैल, दिलेया च रोमी नागारिक मुँन बिब ङइ सेइ। छतसि ङ सिपाइमैं बोसि चलाइ जोगेमिंइ।

चेला चिब्मैंए केमैं 25:16

दिलेया ङइ चमैंने बिइ, ‘छ्याब् ल्हैदिबै म्हिमैं नेरो छ्याब् योंबै म्हि ङ्हिंना-ङ्हिंन्‍ने सुँने सुँ आतन् समा, धै ह्रोंसए फिर ल्हैदिबै छ्याब्मैंए बारेर पोंबै मौका आयोंन् समा, खाबलाज्यै या छलेन् दण्ड पिंब रोमी सरकारए रोसर आरे।’

चेला चिब्मैंए केमैं 27:1

झाइले ङि इटालिया ह्‍युलर ह्‍याल् त्हुम् बिसि क्रथे फेस्‍तसइ निर्नय लइ। छतमा चमैंइ पावल नेरो अरू कैदिमैं युलियस मिं मुँबै कप्‍तानए जिम्मार पिंइ। च “आगस्ट थेबै म्रुँ” बिबै फौजर्बै कप्‍तान घ्रि मुँल।

चेला चिब्मैंए केमैं 27:3

प्‍हँन्हाँग्धों ङि सिदोन बिबै सहरर फेनेइ। चर कप्‍तान युलियसइ पावलए फिर ल्हयो खसि चने “क्हिलाइ तोइ सैमैं खाँचो तस्याँ क्हिए थुमैं ङाँर ह्‍यासि चैदिबै सैमैं किंल् खाँम्,” बिइ।

चेला चिब्मैंए केमैं 27:43

दिलेया कप्‍तानइ पावल जोगेबै सैं लसि चमैंलाइ छ लल् आपिं। बरु “क्योवालल् खाँम्मैं ताँन् क्यु झाजउँइँले ओंसों फाल् न्हेसि छेउउँइँ त्होंन्।