चेला चिब्मैंए केमैं 22:24 - परमेश्‍वरए ताँ तमु क्युइर

²⁴ छतमा रोमी पलटनर्बै चिबइ बिइ, “चलाइ ब्यारेक न्होंर पखसि कोर्राइ प्रुद्। चए बिरोधर म्हिमैं तले छले कै तेसि ओररिइमुँ बिसि चने ङयोएद्।”

चेला चिब्मैंए केमैं 22:24 ပူးပေါင်းရင်းမြစ်များ

यूहन्‍ना 19:1

झाइले पिलातसइ येशू न्होंर बोसि कोर्राइ प्रुबर ल्‍हैदिइ।

चेला चिब्मैंए केमैं 16:37

दिलेया पावलइ पुलिसमैंने बिइ, “ङि रोमी नागरिकमैं मुँलेया चमैंइ तोइ छ्याब् आस्यालेया ताँन् म्हिमैंए उँइँर धोंसि झेलरै या च्युवाइ। तारे म्हिमैंइ आसेल्‍ले ङिलाइ तेल् म्हैल् वा? छ तल् आखाँ। चमैं खेंमैंन् खसि ङि तेइ बोरिगे।”

चेला चिब्मैंए केमैं 21:34

चर्बै म्हिमैं न्होंरि कोइ तिथो, कोइ अर्कोन् ताँ लसि ओरइ। छले चर्बै म्हिमैंए हल्‍लाइ लमा चर तो तरिइमुँ बिसि क्होल् आखाँबइले पल्टनर्बै चिबइ सिपाइमैंने “पावल ब्यारेकर बोयाद्!” बिइ।

चेला चिब्मैंए केमैं 21:37

ब्यारेक न्होंर होंबि छेमा पावलइ पल्टनर्बै चिबने “चिब, ङइ ताँ घ्रि क्हिने बिल् योंम् उ?” बिमा चिबइ बिइ, “क्हिइ ग्रिक क्युइ पोंल् ह्रम्मा?

चेला चिब्मैंए केमैं 23:10

छले चमैंए सैं ख्रेलसि चर थेबै खैला-बैला तबइले “चमैंइ पावल लाछिवाम्दो!” बिब् मैंसि रोमी पल्टनर्बै चिबइ सिपाइमैंने “क्युरु ह्‍यासि चमैंए म्हाँजोउँइँले पावल पखसि ब्यारेक न्होंर बोद्,” बिसि ल्हैदिइ।

चेला चिब्मैंए केमैं 23:27

यहूदीमैंइ चु म्हि क्हासि सैबर म्हैल, दिलेया च रोमी नागारिक मुँन बिब ङइ सेइ। छतसि ङ सिपाइमैं बोसि चलाइ जोगेमिंइ।

चेला चिब्मैंए केमैं 28:18

रोमीमैंइ ङलाइ ङ्युलु च्युलु लमा सैल् त्हुबै छ्याब् तोइ आस्यासि ङ पिवाबै सैं लल।

हिब्रू 11:35

कोइ च्हमिरिमैंइ खेंमैंए सियाबै म्‍हिमैं सोगों तसि धबै योंइ। कोइ सिबै लिउँइँ झन् बेल्‍ले छ्याँबै अर्को छ्ह योंबै ल्हागिर थेबै दुःख नोइ।