चेला चिब्मैंए केमैं 21:34 - परमेश्‍वरए ताँ तमु क्युइर

³⁴ चर्बै म्हिमैं न्होंरि कोइ तिथो, कोइ अर्कोन् ताँ लसि ओरइ। छले चर्बै म्हिमैंए हल्‍लाइ लमा चर तो तरिइमुँ बिसि क्होल् आखाँबइले पल्टनर्बै चिबइ सिपाइमैंने “पावल ब्यारेकर बोयाद्!” बिइ।

चेला चिब्मैंए केमैं 21:34 ပူးပေါင်းရင်းမြစ်များ

चेला चिब्मैंए केमैं 19:32

रङ्गशालर मुँबै म्हिमैं स्यो-स्योबै ताँ बिदै ओरबर होंइ। च म्हि हुलर खैला-बैला तरिल, धै चर्बै ल्हें म्हिइ “ङ्यो तले खागु तगे?” बिसि था आसेल।

चेला चिब्मैंए केमैं 21:37

ब्यारेक न्होंर होंबि छेमा पावलइ पल्टनर्बै चिबने “चिब, ङइ ताँ घ्रि क्हिने बिल् योंम् उ?” बिमा चिबइ बिइ, “क्हिइ ग्रिक क्युइ पोंल् ह्रम्मा?

चेला चिब्मैंए केमैं 22:24

छतमा रोमी पलटनर्बै चिबइ बिइ, “चलाइ ब्यारेक न्होंर पखसि कोर्राइ प्रुद्। चए बिरोधर म्हिमैं तले छले कै तेसि ओररिइमुँ बिसि चने ङयोएद्।”

चेला चिब्मैंए केमैं 22:30

दिलेया प्हँन्हाँग्धों यहूदीमैंइ पावलए फिर तो ताँर छ्याब् ल्हैदिगे बिसि पल्टनर्बै चिबइ क्होबै सैं लसि चलाइ प्ल्हमिंइ, धै ख्रो पिंबै खेगि क्रथेमैं नेरो थेबै म्हि च्हों खागु लसि पावल क्युरु पुइसि चमैंए उँइँर राल् पिंइ।

चेला चिब्मैंए केमैं 23:10

छले चमैंए सैं ख्रेलसि चर थेबै खैला-बैला तबइले “चमैंइ पावल लाछिवाम्दो!” बिब् मैंसि रोमी पल्टनर्बै चिबइ सिपाइमैंने “क्युरु ह्‍यासि चमैंए म्हाँजोउँइँले पावल पखसि ब्यारेक न्होंर बोद्,” बिसि ल्हैदिइ।

चेला चिब्मैंए केमैं 23:16

चमैंइ छले जाल रोबै ताँ था योंसि पावलए भान्जइ ब्यारेक न्होंर ह्‍यासि चु ताँ पावलने बिइ।

चेला चिब्मैंए केमैं 23:32

प्हँन्हाँग्धों प्हलेइ प्रयाबै सिपाइमैंइ पावललाइ घोडा क्रेबै सिपाइमैंए जिम्मार पिंथेंसि यरूशलेमर्बै ब्यारेकर एखइ।

चेला चिब्मैंए केमैं 25:26

दिलेया चुए बारेर ङइ रोमी थेबै म्रुँलाइ प्ह्रिबै ताँमैं तोइ आरे। छतसि ङइ चु म्हि क्हेमैंए उँइँर नेरो खास लइरि अग्रिपास म्रुँए उँइँर पखइमुँ। ङ्योइ चने ताँमैं ङ्युँलु-च्युलु लबै लिउँइँ चुए बारेर ङइ रोमी म्रुँलाइ ताँमैं प्ह्रिल् योंब्मुँ।