चेला चिब्मैंए केमैं 21:31 - परमेश्‍वरए ताँ तमु क्युइर

³¹ झाइले चमैंइ पावल सैल् म्हैल। च त्हेर्न यरूशलेम तिगोंन् खैला-बैला तरिइमुँ बिबै ताँ रोमी पल्टनर्बै चिबए न्हर थेनेइ।

चेला चिब्मैंए केमैं 21:31 ပူးပေါင်းရင်းမြစ်များ

मत्ती 26:5

दिलेया चमैंइ बिइ, “चाडए त्हेर क्‍हाब आत। ङ्योइ छ लस्‍याँ म्‍हिमैं खैला-बैला तब्मुँ।”

मत्ती 27:27

झाइले क्रथेए सिपाइमैंइ येशू दरबारर बोइ, धै ताँन् पल्टनर्बै सिपाइमैं खीए उँइँर खागु लइ।

मर्कूस 14:2

दिलेया “चाडए त्हेर ङ्योइ छ लल् आत। छ लइ बिस्याँ म्‍हिमैंए म्‍हाँजोर खैलाबैला तब्मुँ बिसि,” शास्त्रिमैंइ बिल।

यूहन्‍ना 16:2

म्हिमैंइ क्हेमैं यहूदीमैंए च्हों धिंउँइँले तेवाब्मुँ। क्हेमैंलाइ सैब्मैंइ परमेश्‍वरए सेवा लसिन् मुँ बिसि मैंबै त्हे खसिन् मुँ।

यूहन्‍ना 18:12

च लिउँइँ रोमी कप्‍तान, सिपाइमैं नेरो यहूदीमैंए मन्दिर रुँबै म्हिमैंइ येशू क्हासि फैइ।

चेला चिब्मैंए केमैं 10:1

कैसरिया बिबै क्ल्ह्‍योर कर्नेलियस मिं मुँबै म्हि घ्रि मुँल। च इटालिया बिबै पल्टनर्बै कप्‍तान मुँल।

चेला चिब्मैंए केमैं 17:5

दिलेया कोइ यहूदीमैंइ ह्रिस लसि बजारर्बै बदमासमैं खागु लसि ल्हें म्हि रेसि सहरर खैला-बैला लबर होंइ, धै यासोनए धिंर खैच्हिजिले होंसि पावल नेरो सिलास म्हिमैंए उँइँर पखल् म्हैइ।

चेला चिब्मैंए केमैं 19:40

तलेबिस्याँ तिंयाँबै चु म्हिमैंइ लबै खैला-बैलाए छ्याब् ङ्योए फिर खलै खाँम्, तलेबिस्याँ चु फाक्‍कर्न तबै ताँए ज्वाफ ङ्योइ पिंल् आखाँ।”

चेला चिब्मैंए केमैं 21:38

क्हि च मिश्रथें आङिं वा? चइ ओंसों प्होंगि कैगि लसि हजार प्लि प्होंगि लब्मैं क्यु आयोंबै क्ल्ह्‍योर बोयाल।”

चेला चिब्मैंए केमैं 22:22

म्हि हुलइ पावलए ताँ च्हौ समा छेनाले थेइ। दिलेया च लिउँइँ चमैइ “छाबै म्हि पृथ्‍बीउँइँले स्योवाद्। च सोबै लायकर्बै आरे,” बिदै ओरबर होंइ।

चेला चिब्मैंए केमैं 23:17

झाइले पावलइ कप्‍तानमैं न्होंर्बै म्हि घ्रि हुइसि बिइ, “चु कोलो पल्टनर्बै चिब ङाँर सथेमिंन्, तलेबिस्याँ चुइ चिबने तोइ ताँ बिदा ङ्हाँइँमु रो।”

चेला चिब्मैंए केमैं 24:22

दिलेया फेलिक्सइ मुक्‍ति योंबै घ्याँए बारेर छेनाले था सेल। छतसि चु ताँमैं थेबै लिउँइँ बिइ, “पल्टनर्बै चिब लुसियस चुर युबै लिउँइँ ङइ क्हेमैंए मुद्दा फैसला लमिंस्यो।”

चेला चिब्मैंए केमैं 24:6

चुइ यरूशलेमर्बै मन्दिर या अशुद्ध लल् म्हैल। छतसि ङिइ चुलाइ क्हाइ। [ङिए ठिमइ बिब् धोंले चुलाइ सजैं पिंदा ङ्हाँल।

चेला चिब्मैंए केमैं 24:7

दिलेया पल्टनर्बै चिब लुसियस ङि ङाँर खसि ङाँमाङाँज्युले ङिए योउँइँले चलाइ प्हेंसि क्हि ङाँर पखइ, धै चुए बिरोधर छ्याब् ल्हैदिब्मैं क्हि ङाँर ह्‍याद् बिसि कुलइ।]

चेला चिब्मैंए केमैं 25:23

प्हँन्हाँग्धों अग्रिपास नेरो बरनिकि थेबै मानले खइ। धै रोमी पल्टनर्बै चिब्मैं नेरो कैसरिया सहरर्बै चिबनाँब्मैंने थेबै च्हों धिं न्होंर होंइ। धै फेस्‍तसइ “पावल चुर पउ!” ल्हैदिमा सिपाइमैंइ च पखइ।

चेला चिब्मैंए केमैं 26:21

छबिमा यहूदीमैंइ मन्दिरर ङलाइ क्हासि सैल् म्हैइ।