चेला चिब्मैंए केमैं 21:24 - परमेश्‍वरए ताँ तमु क्युइर

²⁴ चमैंने बालु क्हि या चोखो तदु, चमैंए खर्ज या क्हिइन फोमिंनु। धै चमैंइ क्र खोररिगे। छले क्हिइ ठिम म्हाँदिब् म्रोंसि क्हिए बारेर ओंसों थेबै आछ्याँबै ताँ क्ह्रोंसेंन् आङिंन बिसि ताँनइ सेब्मुँ।

चेला चिब्मैंए केमैं 21:24 ပူးပေါင်းရင်းမြစ်များ

प्रस्थान 19:10

याहवेहजी चने बिइ, “क्हि म्हिमैं ङाँर ह्‍यासि ‘तिंयाँ नेरो प्हन्हाँग पबित्र तसि ह्रों-ह्रोंसए क्वें ख्रुद्,’ बिद्।

प्रस्थान 19:14

मोशा कोंउँइँले क्युरु म्हिमैं ङाँर युबै लिउँइँ चइ म्हिमैंलाइ पबित्र लइरि चमैइ ह्रों-ह्रोंसए क्वें ख्रुइ।

यूहन्‍ना 11:55

च त्हेर यहूदीमैंए दुःखने फ्रेबै चाड खबि छेल। छतसि नाँ-नाँसर्बै ल्‍हें म्हिमैं ह्रों-ह्रोंसलाइ चोखो लब् बिसि दुःखने फ्रेबै चाड खब् भन्दा ओंसोंन् यरूशलेमर ह्‍याइ।

यूहन्‍ना 3:25

च त्हेर्न यूहन्‍नाए चेलामैं यहूदी घ्रिने क्‍युइ ख्रुसि चोखो तबै बारेर छलफल तइ।

चेला चिब्मैंए केमैं 18:18

च लिउँइँ पावल ल्हें त्हिंइ समा कोरिन्थर्न टिइ। धै अलि-अङाँमैंने फ्रेसि किंक्रिया बिबै नाँसर ह्‍याइ। पावलइ ओंसोंन् भक्‍कल लसि क्र आखोरल, दिलेया च भक्‍कलए त्हे पूरा तबइले चइ किंक्रियार क्र खोरइ। झाइले क्यु झाजर क्रेसि सिरिया ह्‍याइ। चने बालु प्रिस्‍किला नेरो अकिलासै या ह्‍याइ।

चेला चिब्मैंए केमैं 21:26

छबिमा पावलइ च भक्‍कल् लबै म्हि प्लि बोसि प्हँन्हाँग्धों चमैंने बालु ह्रोंसै या चोखो तबै के लइ। धै खेंमैंए चोखो तबै त्हिंइ खोंयों पूरा तब् ङ्‍हे धै चमैं घ्रि-घ्रिए ल्हागिर ख्रो खोंयों पिंब्मुँ बिसि था पिंबर पावल मन्दिर न्होंर होंइ।

चेला चिब्मैंए केमैं 24:18

चुमैंइ मन्दिरर ङलाइ त्होमा ङइ चोखो तबै के ताँन् लल् खाँल। चर म्हिए हुल नेरो खै‍ला-बैला तोइ आरेल, दिलेया एशियार्बै को-कोइ यहूदीमैं चर मुँल।

१ कोरिन्थी 9:20

यहूदीमैंइ येशू ख्रीष्‍टए फिर बिश्‍वास लरिगे बिसि ङ यहूदी धोंन् तइ। छलेन मोशाइ पिंबै ठिम (नियम) म्हाँदिबै म्हिमैंइ येशू ख्रीष्‍टए फिर बिश्‍वास लरिगे बिसि ङइ च ठिम आम्हाँदिलै या चमैंए ल्हागिर ङै या च ठिम म्हाँदिबै म्हि धोंन् तइ।

गलाती 2:12

याकूबइ कुल्मिंबै म्हिमैं एन्‍टिओखियार युब् भन्दा ओंसों चइ अरू ह्रेंमैंने बालु चब् थुँब् लमल। दिलेया च “अरू ह्रेंमैंए बिश्‍वासीमैंलाज्यै या ज्युर चिनु लल् त्‍हुम्” बिबै म्हिमैं चर फेनेबै त्हेर अरू ह्रेंमैंने बालु चब आचल्‍ले स्‍योले टिल। तलेबिस्याँ [ज्युर चिनु लल् त्हुम् बिबै यहूदीमैंइ चिनु आलब्‍मैंने चब्-टिब् लल् आत बिमल।]