चेला चिब्मैंए केमैं 21:19 - परमेश्‍वरए ताँ तमु क्युइर

¹⁹ चमैंने जय मसीह लसि पावलइ “अरू ह्रेंमैंए म्हाँजोर सैं तोंबै ताँ बिप्रमा परमेश्‍वरजी ङउँइँले तो-तो केमैं लइ,” बिसि ताँन् ताँमैं घ्रि-घ्रिले चमैंने बिइ।

चेला चिब्मैंए केमैं 21:19 ပူးပေါင်းရင်းမြစ်များ

मत्ती 23:7

बजारजरे स्‍युरबर ह्‍यामा म्‍हिमैंइ खेंमैं मान लसि ‘गुरु’ बिसि म्हाँदिरिगे ङ्हाँम्।

चेला चिब्मैंए केमैं 1:17

ङि धोंलेन् चैया प्रभुए च्युसे ङ्हि कुल्मिंबै चेलामैं न्होंर्बै घ्रि मुँल, छतसि ङिइ लब् धों तबै के चज्यै या लल् योंइ।”

चेला चिब्मैंए केमैं 14:27

झाइले चमैं एन्‍टिओखियार फेखसि चर्चर्बै म्हिमैं खागु लसि परमेश्‍वरजी खेंमैंउँइँले लबै ताँन् केमैं सुनेइ, धै परमेश्‍वरजी खैले अरू ह्रेंमैंए ल्हागिर प्रभुए फिर बिश्‍वास लबै म्रा थोंमिंइ बिबै ताँ या बिइ।

चेला चिब्मैंए केमैं 15:12

चु ताँ थेसि चर मुँबै ताँन् म्हिमैं च्याँ तयाइ, धै अरू ह्रेंमैंए म्हाँजोर परमेश्‍वरजी खेंमैंउँइँले खैबै औदिबै चिनु मुँबै केमैं लइ बिसि बारनाबास नेरो पावलइ धबै बिमिंमा चमैंइ छेनाले थेइ।

चेला चिब्मैंए केमैं 15:4

झाइले चमैं यरूशलेमर फेखमा चर्चर्बै म्हिमैं, कुल्मिंबै चेला चिब्मैं नेरो एल्डरमैंइ चमैंए मान लइ। परमेश्‍वरजी खेंमैंउँइँले लबै ताँन् केमैंए बयन चमैंइ चरै या लइ।

चेला चिब्मैंए केमैं 20:24

दिलेया ङइ ह्रोंसए छ्ह ह्रोंसए ल्हागिर तोइ सैइ आमैं। बरु परमेश्‍वरजी म्हिमैंए फिर दयाम्हाँया लबै बारेर सैं तोंबै ग्वाइ बिप्रबर प्रभु येशूजी पिंबै के ङइ ताँन् लल् खाँरिगे बिब् मत्‍त्रे ङइ मैंम्।

१ कोरिन्थी 15:10

दिलेया परमेश्‍वरए दयाम्हाँया योंसि ङ तिंजोरो कुल्मिंबै चेला चिब तइ। झाइले परमेश्‍वरजी ङए फिर लबै दयाम्हाँया फाक्‍कर्बै आतइमुँ, बरु ङइ अरू कुल्मिंबै चेला चिब्मैंइ भन्दा ल्हें के लइमुँ। दिलेया चु छाबै के ङ ह्रोंसैन लब आङिं, ङने मुँबै परमेश्‍वरए दयाम्हाँयाजी लब् ग।

२ कोरिन्थी 12:12

“ङ क्‍ह्रोंसेंन कुल्मिंबै चेला चिब ग” बिसि उँइँबर ङइ सैदिल् त्हुबै सैमैं तोन्दोंरि सैदिसि क्‍हेमैंए उँइँर ङइ औदिबै चिनु मुँबै केमैं लल।

२ कोरिन्थी 6:1

ङि परमेश्‍वरने बालु के लब्मैं तबइले क्‍हेमैंने यो छ्युँ लमुँ, क्‍हेमैंइ योंबै परमेश्‍वरए दयाम्हाँया छलेन् खेरो ह्‍याल् आपिंन्।

कलस्सी 1:29

ङए सैं न्होंर ख्रीष्‍टजी थेंमिंबै भोंउँइँले ङ खैबै दुःखन् तलेया चु के लम्।