चेला चिब्मैंए केमैं 21:16 - परमेश्‍वरए ताँ तमु क्युइर

¹⁶ ङिने बालु कैसरियार्बै को-कोइ चेलामैं या ह्‍याल। चमैंइ ङिलाइ मनासोन बिबै साइप्रसथेंए धिंर बोइ। च ओंसोंन प्रभुए फिर बिश्‍वास लबै म्हि मुँल। चए ङाँर्न ङि टिइ।

चेला चिब्मैंए केमैं 21:16 ပူးပေါင်းရင်းမြစ်များ

भजनमैं 92:14

खिब् तयालैया चमैंइ रो ल्हें रोब्मुँ; चमैं ताजा नेरो पिंक्यो ब्योंब् तरिब्मुँ,

हितोपदेश 16:31

सारबै क्र ङ्‍हेबै क्रेगि ग; ठिक के लब्मैंइ ह्रिंबै छ्ह योंम्।

चेला चिब्मैंए केमैं 10:24

नुँइम्धों चमैं कैसरिया फेनेइ। कर्नेलियसइ ह्रोंसए ङेमैं नेरो क्ह्रिबै थुमैं हुइसि चमैं खागु तसि पत्रुसलाइ प्रेंरिल।

चेला चिब्मैंए केमैं 10:48

छतसि चइ येशू ख्रीष्‍टए मिंरि चमैं बप्‍तिस्मा पिंन् बिइ। धै चमैंइ “दे त्हिंइ गार आम्हाँदिन्ले चुर्न टिमिंन्,” बिसि पत्रुसने बिइ।

चेला चिब्मैंए केमैं 11:19

स्‍तिफनस सैवाबै लिउँइँ प्रभुए फिर बिश्‍वास लब्मैंलाइ ल्हाबइले ताँन् भौदियाइ। दिलेया को-कोइ फोनिके, साइप्रस नेरो एन्‍टिओखिया बिबै ह्‍युलमैं समा फेनेसि अरू ह्रेंमैंने आबिल्‍ले यहूदीमैंने मत्‍त्रे परमेश्‍वरए ताँ बिप्रइ।

चेला चिब्मैंए केमैं 15:39

च ताँइ लमा चमैं न्होंरि सैं ख्रेलेयासि चमैं फ्रेयाइ। धै बारनाबास मर्कूस किंसि मा ङ्युँइए क्याँ ततै साइप्रस बिबै टापूर ह्‍याइ।

चेला चिब्मैंए केमैं 15:7

ल्‍हें ताँमैं तबै लिउँइँ पत्रुस रासि चमैंने बिइ, “ओ अलि-अङाँमैं, अरू ह्रेंमैंज्यै या प्रभु येशूउँइँले खबै सैं तोंबै ताँ थेसि मुक्‍ति योंरिगे बिसि परमेश्‍वरजी क्हेमैंए म्हाँजोउँइँले ओंसोंन् ङ त्हाँइ बिसि क्हेमैंइ सेइमुँ।

चेला चिब्मैंए केमैं 21:8

प्हँन्हाँग्धों ङि चमैंने फ्रेसि कैसरियार खइ, धै सैं तोंबै ताँ बिदै प्रबै फिलिपए धिंर ह्‍यासि चर्न टिइ। फिलिप यरूशलेमर प्रभुए सेवा लबर त्हाँबै ङिउलो न्‍होंर्बै म्‍हि घ्रि मुँल।

चेला चिब्मैंए केमैं 4:36

च त्हेर साइप्रस ह्‍युलर्बै लेबी कुलार्बै योसेफ मुँल चलाइ कुल्मिंबै चेला चिब्मैंइ बर्णाबास बिसि मिं थेंल। (च मिंए अर्थ अरूए सैं भोंब् लमिंब् ग।)

चेला चिब्मैंए केमैं 8:40

दिलेया फिलिप अश्दोद बिबै क्ल्ह्‍योर म्रोंखइ, धै कैसरिया आफेन् समन् ताँन् नाँसजरे सैं तोंबै ताँ बिमिंदै प्रइ।

रोमी 16:7

झाइले ङने बालुन् झेलर च्युवाबै यहूदी थुमैं एन्‍ड्रोनिकस नेरो चए प्ह्रेंस्यो युनियाने जय मसीह मुँ बिमिंन्। चमैं येशू ख्रीष्‍टए कुल्मिंबै चेला चिब्मैं न्होंर्बै ताँनइ ङो सेब्मैं ग। झाइले ङइ बिश्‍वास लब् भन्दा ओंसों चमैंइ येशू ख्रीष्‍टए फिर बिश्‍वास लल।

फिलेमोन 1:9

दिलेया ङइ क्हिलाइ बेल्‍ले म्हाँया लसि ङइ क्हिने ताँ मत्‍त्रे थेंब् ग। ङ खेब् तयाइमुँ, येशू ख्रीष्‍टउँइँले खबै सैं तोंबै ताँ बिप्रइ बिसि छाबै खेब् तयाबै म्हि या झेलर टिल् त्हुइमुँ।