चेला चिब्मैंए केमैं 20:7 - परमेश्‍वरए ताँ तमु क्युइर

⁷ आइतबार त्हिंइर ङि प्रभु भोज चबर खागु तमा पावलइ प्हँन्हाँग्धों ह्‍याबै सैं लबइले म्‍हुँइँस आधा समन् चमैंने बालु ताँमैं सेरिल।

चेला चिब्मैंए केमैं 20:7 ပူးပေါင်းရင်းမြစ်များ

मर्कूस 16:9

येशू आइतबार न्‍हाँगर्न सिबउँइँले धबै सोगों तबै लिउँइँ मग्‍दालाथेंस्‍यो मरियम ङाँर म्रोंखइ। येशूजी ओंसों च च्हमिरिउँइँले मों ङि ल्‍हामिंल।

लूका 22:19

झाइले येशूजी योर क्हें किंइ धै परमेश्‍वरलाइ धन्‍यबाद पिंसि क्‍हें लुँसि चेलामैं चुमिंसि बिइ, “चु क्‍हें ङए ज्यु ग। क्‍हेमैंए ल्हागिर ङए ज्यु ख्रो पिंब् ग। छतसि ङ मैंबै ल्हागिरि छलेन् क्हें चब्रें लद्।”

लूका 24:35

झाइले च चेलामैंइ घ्‍याँर तबै ताँ नेरो येशूजी क्‍हें लुँसि पिंमा खीलाइ ङो सेबै ताँ अरू चेलामैंने बिमिंइ।

यूहन्‍ना 20:1

आइतबार न्हाँगर्न मि छेनाले आम्रोंबर्न मग्दालाथेंस्यो मरियम छगोंर ह्‍यामा छगोंउँइँले युँमा स्योथेंब् म्रोंइ।

यूहन्‍ना 20:19

च आइतबारए ङेसार चेलामैं यहूदी चिबनाँब्मैंने ङ्हिंसि म्रा तोरसि धिं न्होंर टिरिल। छले टिरिमा येशू चमैंए म्हाँजोर राखसि “क्हेमैं छिं ङ्हाँरिगे,” बिइ।

यूहन्‍ना 20:26

प्रेरो लिउँइँ खीए चेलामैं म्रा तोरसि धिं न्होंर्न टिरिल। थोमा या चमैंने बालुन् मुँल। च त्हेर्न येशू धिं न्होंर होंखसि चमैंए म्हाँजुर रासि “क्‍हेमैं छिं ङ्हाँरिगे,” बिइ।

चेला चिब्मैंए केमैं 16:10

पावलइ छाबै दर्शन म्रोंबै तोंदोंन् ङि माकेडोनियार ह्‍याबर छेइ। तलेबिस्याँ चमैंने सैं तोंबै ताँ बिमिंबर परमेश्‍वरजी ङि हुइना बिसि ङिइ सेइ।

चेला चिब्मैंए केमैं 2:42

चमैं प्रभु येशूए फिर बिश्‍वास लसि कुल्मिंबै चेला चिब्मैंने लोदै, संगति लदै, बालुन् चब् चसि प्रभु भोज चदै, खोंयोंन् बिलै प्राथना लरिमल।

चेला चिब्मैंए केमैं 2:46

चमैं त्हिंइ ह्रोंसे मन्दिरर खागु तमल, धै धिं-धिंर चमैं सैं घ्रिले प्रभु भोज चसि सैं तोंदै बालुन् चब् चब्रें लमल।

चेला चिब्मैंए केमैं 20:11

झाइले पावल फिर क्रेयासि क्हें चुसि प्रभु भोज चल् खाँबै लिउँइँ न्हाँगर मि आम्रोंन् समा ल्हें त्हे ताँ लसि टिइ, धै च लिउँइँ फ्रेयाइ।

चेला चिब्मैंए केमैं 20:31

छतसि चु ताँ मैंसि छेनाले टिद्! सोंदिं समन् त्हिंयाँ म्‍हुँइँसा मिक्लि पिंदै ताँन् म्हिमैंने ङइ लोमिंबै ताँ आम्‍लेद्।

चेला चिब्मैंए केमैं 20:5

ङि ह्‍याब् भन्दा ओंसोंन् चमैं ह्‍यासि त्रोआस बजारर ङि पैंरिल।

चेला चिब्मैंए केमैं 20:9

युटिकस मिं मुँबै फ्रेंसि घ्रि झ्यालर क्हुँल। पावलइ ल्हें त्हे समा ताँ लरिमा चलाइ न्हरु खइ। न्हरुइ लमा च तल सोंउँइँले तेयाइ। च रेबर ह्‍यामा च सियाल् खाँना।

चेला चिब्मैंए केमैं 28:23

च लिउँइँ चमैंइ पावलए ताँ थेबर त्हिंइ घ्रि तोक्दिइ। छतमा ल्हें म्हि पावल टिबै क्ल्ह्‍योर खइ। धै चइ न्हाँगउँइँले ङेसा समा परमेश्‍वरए ग्याल्सर्बै ताँमैं लोमिंइ। चइ मोशाइ पिंबै ठिम नेरो अगमबक्‍तामैंए कितबमैंउँइँले पावलइ परमेश्‍वरए ग्याल्सर्बै ग्वाइ पिंसि यशूए बारेर्बै ताँमैं क्होमिंबै भों लरिल।

१ कोरिन्थी 10:16

ङ्योइ प्रभु भोजरि परमेश्‍वरलाइ धन्‍यबाद पिंसि प्‍हेलाउँइँले थुँम्। छले थुँमा ङ्योइ ख्रीष्‍टए कोए भाग योंम्। छलेन क्‍हें चमा ङ्योइ ख्रीष्‍टए ज्युए भाग योंम्।

१ कोरिन्थी 15:10

दिलेया परमेश्‍वरए दयाम्हाँया योंसि ङ तिंजोरो कुल्मिंबै चेला चिब तइ। झाइले परमेश्‍वरजी ङए फिर लबै दयाम्हाँया फाक्‍कर्बै आतइमुँ, बरु ङइ अरू कुल्मिंबै चेला चिब्मैंइ भन्दा ल्हें के लइमुँ। दिलेया चु छाबै के ङ ह्रोंसैन लब आङिं, ङने मुँबै परमेश्‍वरए दयाम्हाँयाजी लब् ग।

१ कोरिन्थी 16:2

सद् ह्रोंसे क्हेमैं ताँनइ ह्रों‍-ह्रोंसए कमैं अनुसार मुइ स्यो थेंन्। छ लस्याँ ङ खबै त्हेर मुइ स्योरिल् आत्‍हु।

२ तिमोथी 4:2

प्रभुउँइँले खबै सैं तोंबै ताँ म्हिमैंने बिप्रद्। खैतबै त्हर्न बिलैया प्रभुउँइँले खबै सैं तोंबै ताँमैं बिब्रें लद्। म्हिमैंलाइ अर्थि बुद्धि पिंन्। चमैंए सैं क्होबै ताँमैं लद्। आतबै ताँमैंर हौदिद् धै म्हिमैंलाइ छेनाले लोदा सैंदा लद्।

दर्शन 1:10

प्रभुए त्हिंइर पबित्र प्ल्हजी ङलाइ प्लिंइ। च्हमा ङए लिउँइँ थुतुरुल् धों तबै कैइ,