चेला चिब्मैंए केमैं 20:27 - परमेश्‍वरए ताँ तमु क्युइर

²⁷ तलेबिस्याँ परमेश्‍वरजी ङ्योए ल्हागिर लमिंबै केमैंए बारेर ङइ क्हेमैंने तोन्दोंरि ताँ बिल् खाँइँमुँ।

चेला चिब्मैंए केमैं 20:27 ပူးပေါင်းရင်းမြစ်များ

भजनमैं 32:11

ओ ठिक के लब्मैं, याहवेहजी लबै केमै मैंसि सैं तोंसि कै तेद्, ओ छ्याँबै सैं प्ह्‍याब्मैं, सैं तोंदै खीए जयजय लद्।

भजनमैं 40:10

क्हिजी रक्षा लमिंम् बिबै सैं तोंबै ताँ ङइ ह्रोंसए खोंर लोइरि आथेंइमुँ, बरु क्हि जोगेमिंब नेरो भर लल् खाँब मुँ बिसि ङइ पोंइमुँ। क्ह्रोंसेंन्बै खोंयोंइ आनुबै म्हाँया लबै परमेश्‍वर क्हिन् ग बिसि ङइ थेबै म्हि च्होंर बिइमुँ।

मत्ती 28:20

झाइले ङइ क्‍हेमैंने ल्हैदिबै आलसि आतबै ताँन् केमैं लद् बिसि चमैंलाइ लोमिंन्। थेद्! ह्‍युल नुयाबै त्हिंइ समा ङ खोंयोंन् बिलै क्‍हेमैंने बालुन् तब्मुँ।”

लूका 7:30

दिलेया फरिसीमैं नेरो परमेश्‍वरए छ्वे लोमिंब्मैंइ बिस्याँ परमेश्‍वरजी ह्रोंस ङाँर खबै ल्हागिर बनेबै घ्याँ केर आफेब् ङ्हाँसि यूहन्‍नाउँइँले क्युर प्लुँसि बप्‍तिस्मा आकिंल।

यूहन्‍ना 15:15

तारेसेरो ङइ क्हेमैंने केब्छैं आबि, तलेबिस्याँ क्ल्हेइ तो लम् बिसि केब्छैंइ था आसे। दिलेया ङइ क्हेमैंने थु बिइमुँ, तलेबिस्याँ ङए आबाउँइँले थेबै तोन्दोंरि ताँ ङइ क्हेमैंने बिमिंइँमुँ।

चेला चिब्मैंए केमैं 13:36

चु ताँ दाऊदइ ह्रोंसए बारेर बिब आङिं, तलेबिस्‍याँ दाऊदइ ह्रोंसए पलोर परमेश्‍वरजी बिब् धोंलेन् के लसि सिइ। धै चए खेमैंने बालु पावाइ, धै चए ज्यु क्राँयाइ।

चेला चिब्मैंए केमैं 2:23

दिलेया परमेश्‍वरजी ओंसोंन् चाँजो लसि येशूलाइ क्‍हेमैंए योर पिंवाँइ। धै दुष्‍ट म्हिमैंउँइँले क्हेमैंइ येशू क्रूसर च्योवासि सैवाइ।

चेला चिब्मैंए केमैं 20:20

क्हेमैंए ल्हागिर छ्याँब तबै ताँमैं ताँनए उँइँर बिमिंबर नेरो धिं-धिंर ह्‍यासि क्हेमैं लोमिंबर ङ लिलि आस्यो।

चेला चिब्मैंए केमैं 20:35

प्रभु येशूजी बिबै चु ताँ मैंन्, ‘किंबै म्हि भन्दा पिंबै म्हिइ आशिक् योंम्।’ छतसि क्हेमैंज्यै या बेल्‍ले भोंले के लसि भों आरेब्मैं ल्होल् त्हुम् बिसि क्हेमैंए उँइँर्न ङइ के लसि नमुना उँइँमिंइँमुँ।”

१ कोरिन्थी 11:23

तलेबिस्याँ प्रभुजी ङने लोमिंबै ताँमैंन् क्हेमैंलाज्यै या ङइ लोमिंइमुँ। खीलाइ क्हाबै म्‍हुँइँसर खीजी क्‍हें छेइ,

२ कोरिन्थी 4:2

छलु-म्हिलु नेरो फा पिन् तबै केमैं ङिइ पिवाइमुँ। छलेन ङिइ परमेश्‍वरए ताँमैं म्हिमैंने बिप्रमा स्योलिबै ताँमैं कोंसि आबि। बरु म्हिमैंलाइ क्ह्रोंसेंन्बै ताँ उँइँमिंसि परमेश्‍वर नेरो म्हिमैंए उँइँर ह्रोंसलाइ ठिक ठर्दिबै केमैं ङि लम्।

गलाती 4:16

ङइ क्‍हेमैंने क्ह्रोसेंन्बै ताँ बिमिंबइले ङ क्‍हेमैंए शत्तुर तइ वा?

एफिसी 1:11

खीजी मैंबै ताँन् केमैं परमेश्‍वरजी ह्रोंसए चाँजोर्न लम्। छले खीजी ओंसोंन् चाँजो लबइले ङि यहूदीमैंलाइ ख्रीष्‍टने घ्रिन् लमिंसि खीए म्‍हिमैं तबर त्हाँइ।

१ थेसलोनिकी 2:4

छतसि परमेश्‍वरजी ङिलाइ भर म्हाँदिसि खीए सैं तोंबै ताँ बिप्रबै के ङिए जिम्‍मार पिंइ। छतसि म्हिमैंए सैं तोंन् लबर ङि आपो, बरु ङ्योए सैं न्होंर्बै ताँ सेबै परमेश्‍वरए सैं तोंन् लबर ङि पोंम्।