चेला चिब्मैंए केमैं 20:2 - परमेश्‍वरए ताँ तमु क्युइर

² च क्ल्ह्‍योजरे या चेलामैंए सैं क्होबै ताँ बिमिंसि च ग्रिस बिबै ह्‍युलर ह्‍याइ।

चेला चिब्मैंए केमैं 20:2 ပူးပေါင်းရင်းမြစ်များ

लूका 3:18

छाबै ल्‍हें खालर्बै अर्थिए ताँमैं बिसि यूहन्‍नाइ परमेश्‍वरजी कुल्‍मिंबै म्रुँ ख्रीष्‍टउँइँले खबै सैं तोंबै ताँमैं म्हिमैंने बिप्रइ।

चेला चिब्मैंए केमैं 14:22

चमैंइ च क्ल्ह्‍योर्बै चेलामैंए सैं भोंब् लमिंदै “खोंयोंन् बिलै परमेश्‍वरए ताँर बिश्‍वास लसि टिरिद्,” बिसि अर्थि पिंइ, धै “परमेश्‍वरए ग्याल्सर होंबै ल्हागिर ङ्योइ ल्हें दुःख सैदिल् त्हुम्,” बिबै ताँ या लोमिंइ।

चेला चिब्मैंए केमैं 15:41

चमैं सिरिया नेरो किलिकियाजरे स्युरदै बिश्‍वासीमैं भोंब् लमिंदै प्रइ।

चेला चिब्मैंए केमैं 16:12

छाइले फिलिप्‍पीर फेखइ। च सहर माकेडोनिया बिबर्बै थेबै सहर नेरो ल्हें रोमीमैं टिबे क्ल्ह्‍यो मुँल। ङि च सहरर दे त्हिंइ टिइ।

चेला चिब्मैंए केमैं 17:1

पावल नेरो सिलास अम्‍फिपोलिस नेरो अपोल्‍लोनियाए घ्याँ ततै थेसलोनिकार फेखइ। चर यहूदीमैंए च्हों धिं घ्रि मुँल।

चेला चिब्मैंए केमैं 17:10

झाइले च तोंदोंन् प्रभुए फिर बिश्‍वास लबै अलि-अङाँमैंइ पावल नेरो सिलास म्‍हुँइँसर्न बेरिया सहरउँइँ कुल्मिंइ, चमैं चर फेनेसि यहूदीमैंए च्हों धिं न्होंर ह्‍याइ।

चेला चिब्मैंए केमैं 2:40

छतसि “चु दुष्‍ट पुस्‍ताउँइँले क्हेमैंइ ह्रोंसलाइ जोगेद्,” बिसि पत्रुसइ अरू ल्‍हें ताँउँइँले चमैंलाइ क्होमिंइ।

चेला चिब्मैंए केमैं 20:1

चु खैला-बैला च्याँ तबै लिउँइँ पावलइ चर्बै चेलामैं हुइसि चमैंलाइ अर्थि पिंइ। धै चमैंने फ्रेसि माकेडोनिया ह्‍युलउँइँ ह्‍याइ।

चेला चिब्मैंए केमैं 20:11

झाइले पावल फिर क्रेयासि क्हें चुसि प्रभु भोज चल् खाँबै लिउँइँ न्हाँगर मि आम्रोंन् समा ल्हें त्हे ताँ लसि टिइ, धै च लिउँइँ फ्रेयाइ।

चेला चिब्मैंए केमैं 20:3

पावल चर म्हैंन सोंल् समा टिइ। धै क्यु झाजर क्रेसि सिरिया ह्‍युलउँइँ ह्‍याबर होंमा यहूदीमैंइ चए बिरोधर जाल लइमुँ बिब् सेसि पावल माकेडोनिया तसिन् एह्‍याबै सैं लइ।

१ कोरिन्थी 4:19

दिलेया प्रभुए सैं मुइबिस्‍याँ ङ क्‍हेमैं ङाँर युनन् खब्मुँ। धै च थेब् प्हैंसि प्रब्मैंए ताँ आङिं, चमैंए के लबै शक्‍ति क्होब्मुँ।

कलस्सी 1:28

ताँन् म्हिमैं ख्रीष्‍टर भोंसि तरिगे बिसि ङिइ ख्रीष्‍टउँइँले खबै बुद्धिए ताँमैं लोमिंदै ताँन् म्हिमैंने न्ह क्रों मि क्रोंले टिद् बिम्।

१ थेसलोनिकी 2:11

आबाइ ह्रोंसए प्हसेमैंलाइ लब् धोंले ङिइ क्हेमैंलाइ ङ्ह‍योइ।

१ थेसलोनिकी 2:3

ङिइ क्‍हेमैंने बिबै अर्थिए ताँमैं आछ्याँबै सैंउँइँले बिबै स्योलिबै ताँमैं आङिं, ङिइ क्हेमैंलाइ तोइ लुल् आम्है।

१ थेसलोनिकी 4:1

ओ अलि-अङाँमैं, आखिरि ताँ तो मुँ बिस्‍याँ, क्हेमैंइ छ्ह खैले थोल् त्हुमुँ धै परमेश्‍वरए सैं खैले तोंन् लल् त्हुम् बिबै ताँ क्हेमैंइ ङिउँइँले लोइमुँ। छतसि ओंसोंन् लोब् धोंले क्हेमैंइ लसिन् मुँ, अझै छलेन् छ्ह थोदै ह्‍याद् बिसि ङि प्रभु येशूए मिंर क्हेमैंने यो छ्युँ लसि अर्थिमैं पिंम्।