चेला चिब्मैंए केमैं 20:19 - परमेश्‍वरए ताँ तमु क्युइर

¹⁹ च्योंने तसि मिक्लि पिदै यहूदीमैंइ लबै जाल झेलर ने दुःख कष्‍टरै या ङइ प्रभुए सेवा लइ।

चेला चिब्मैंए केमैं 20:19 ပူးပေါင်းရင်းမြစ်များ

भजनमैं 119:136

म्हिमैंइ क्हिए ठिम आङिंब् म्रोंमा ङए सैं नसि मिग्लि युम्।

लूका 19:41

येशू यरूशलेम सहर चेंदो फेखमा। च सहर म्रोंसि खी सैं नसि क्रोइ।

यूहन्‍ना 12:26

“ङए सेवा लदा ङ्हाँब्मैं ङए लिलि प्ररिगे। छलमा ङ खनिर टिमुँ, ङए सेवा लब्मैं चर्न तब्मुँ। ङए सेवा लब्मैंलाइ ङए आबाजी मान लब्मुँ।”

चेला चिब्मैंए केमैं 17:13

दिलेया थेसलोनिकार्बै यहूदीमैंइ “पावलइ परमेश्‍वरए ताँ बेरियारै या बिइ प्रइमुँ!” बिब् सेसि चमैं चरै या म्हिमैं उस्केबर फेखइ।

चेला चिब्मैंए केमैं 17:5

दिलेया कोइ यहूदीमैंइ ह्रिस लसि बजारर्बै बदमासमैं खागु लसि ल्हें म्हि रेसि सहरर खैला-बैला लबर होंइ, धै यासोनए धिंर खैच्हिजिले होंसि पावल नेरो सिलास म्हिमैंए उँइँर पखल् म्हैइ।

चेला चिब्मैंए केमैं 20:3

पावल चर म्हैंन सोंल् समा टिइ। धै क्यु झाजर क्रेसि सिरिया ह्‍युलउँइँ ह्‍याबर होंमा यहूदीमैंइ चए बिरोधर जाल लइमुँ बिब् सेसि पावल माकेडोनिया तसिन् एह्‍याबै सैं लइ।

चेला चिब्मैंए केमैं 20:31

छतसि चु ताँ मैंसि छेनाले टिद्! सोंदिं समन् त्हिंयाँ म्‍हुँइँसा मिक्लि पिंदै ताँन् म्हिमैंने ङइ लोमिंबै ताँ आम्‍लेद्।

चेला चिब्मैंए केमैं 21:27

छले चमैं चोखो तसि ङिरो तबि छेमा एशिया ह्‍युलर्बै यहूदीमैंइ मन्दिरर पावल म्रोंमा चर्बै म्हिए हुललाइ सुरिदिवासि पावललाइ क्हाइ।

चेला चिब्मैंए केमैं 27:23

तलेबिस्याँ ङ परमेश्‍वरए म्हि ग, ङ खीए सेवा लमुँ, धै खीए स्वर्गदूत घ्रि तिंयाँ म्हुँइँसर ङ ङाँर रायुइ।

रोमी 1:1

येशू ख्रीष्‍टए के लबर त्हाँबै ङ पावलउँइँले क्हेमैं रोम सहरर्बै बिश्‍वासीमैंलाइ जय मसीह मुँ, सैं तोंबै ताँ बिप्रबै ल्हागिर नेरो कुल्मिंबै चेला चिब तबर परमेश्‍वरजी ङ त्‍हाँब् ग।

रोमी 1:9

ङइ प्राथना लमा खोंयोंन् बिलै क्‍हेमैंलाज्यै मैंम् बिबै ताँ परमेश्‍वरजी सेइमुँ। खीए च्‍हउँइँले योंबै सैं तोंबै ताँ बिप्रसि ङइ खीए के छेनाले लम्।

रोमी 12:11

प्ल्हेउ आतल्‍ले लल् त्हुबै केमैं लद्। सैं न्होंउँइँले आनारल्‍ले परमेश्‍वरए सेवा लद्।

२ कोरिन्थी 2:4

तलेबिस्याँ क्हेमैंए सैं नल् लबर आङिं, बरु क्हेमैंए फिर ङइ कति थेबै म्हाँया लम् बिब क्हेमैंइ सेरिगे बिसि सैंर बेल्‍ले न्हुँ लसि क्रोदै क्‍हेमैंलाइ च प्ह्रिछ्या प्‍ह्रिल।

२ कोरिन्थी 3:5

ह्रोंसए भोंजीन् चु के लइ बिसि ङिइ बिबै घ्याँ आरे, दिलेया ङिइ के लबै भों परमेश्‍वरउँइँले योंम्।

२ कोरिन्थी 7:5

ङि माकेडोनिया ह्‍युलर फेनेसि तीतसइ पबै सँउँसर आयोंन् समा सन्‍दोक आरेल। चर ङिइ तो के ललेया खन्तोंदोंउँइँले दुःखन् तखइ, म्हिमैं ङिने प्‍होंमल, ङिए सैं ङ्हिंमल।

गलाती 1:10

ङइ म्हिमैंउँइँले स्‍याबासि म्‍हैरिइमुँ उ परमेश्‍वरउँइँले स्‍याबासि म्‍हैरिइमुँ? ङइ म्‍हिमैंए सैं तोंन् लल् म्हैरिइमुँ वा? ङइ अझै म्‍हिमैंए सैं तोंन् लल् म्‍हैरिस्‍याँ ङ ख्रीष्‍टए सेवा लल् आखाँमल।

एफिसी 6:7

म्हिए ल्हागिर मत्‍त्रे लब् धोंले के लब आङिं, दिलेया प्रभुए ल्हागिर लब् धोंले सैं तोंदै के लद्।

फिलिप्पी 3:18

ङइ चु ताँ ल्‍हें खे क्हेमैंने बिल् खाँइमुँ, धबै या बिमुँ। ङए सैं बेल्‍ले नइमुँ। को-कोइ म्हिमैंम् अझै क्रूसर सिमिंबै येशू ख्रीष्‍टए शत्तुरन् तसि छ्ह थोम्।

कलस्सी 3:24

छ लस्याँ क्‍हेमैंइ योंल् त्हुबै इनाम प्रभुए योउँइँले योंब्मुँ, तलेबिस्याँ क्‍हेमैंइ प्रभु ख्रीष्‍टए सेवा लरिइमुँ।

१ थेसलोनिकी 1:9

तलेबिस्‍याँ ङि क्हेमैं ङाँर खमा क्हेमैंइ ङिलाइ बेल्‍ले मान लइ, धै क्‍हेमैंइ कु (मूर्ति) फ्योब पिसि क्‍ह्रोंसेंन्‍बै परमेश्‍वरउँइँ सैं एसि खीए सेवा लइ बिसि ताँन् म्हिमैंइ बयन लइमुँ।

२ तिमोथी 1:4

ङ्यो फ्रेबै त्हेर क्‍हिइ पिबै मिग्लि मैंमा त्हियाँ-म्हिसा ङ खोंयों क्हिने त्होसि सैं तोंल् योंब् ङ्‍हे ङ्हाँइमुँ।

याकूब 1:2

ओ ङए अलि-अङाँमैं, क्‍हेमैंए फिर ल्हें खालर्बै दुःख खमा बेल्‍ले सैं तोंन्।

१ पत्रुस 1:6

छतसि तोगो तिस्या क्हेमैंइ ल्हें खालर्बै दुःख भुँदिल् त्‍हुलेया क्हेमैं सैं तोंरिद्।

२ पत्रुस 1:1

येशू ख्रीष्‍टए के लबै कुल्मिंबै चेला चिब ङ सिमोन पत्रुसउँइँले क्हेमैंलाइ जय मसीह मुँ। ङ्योए परमेश्‍वर नेरो ङ्योलाइ जोगेमिंबै येशू ख्रीष्‍टजी खाबलाज्यै या आफेलल्‍ले ठिक के लइमुँ। खीजी ङिलाइ पिंब् धोंले क्हेमैंलाज्यै या ठिक बिश्‍वास लल् पिंइमुँ।

दर्शन 7:15

छतसि परमेश्‍वरए राजगद्दिए उँइँर रासि चमैंइ परमेश्‍वरए मन्‍दिरर त्‍हिंयाँ, म्‍हुँइँस खीए सेवा लरिम्। राजगद्दिर क्हुँबै परमेश्‍वर चमैंए म्हाँजोर खोंयोंन् बिलै तरिम् धै खीजी चमैंए रक्षा लमिंम्।