चेला चिब्मैंए केमैं 2:45 - परमेश्‍वरए ताँ तमु क्युइर

⁴⁵ चमैंइ ह्रोंसए क्‍ल्‍ह्‍यो न्‍हें नेरो अरू सैमैं चुँसि योंबै मुइ खाँचो तब्मैंलाइ चुमिंमल।

चेला चिब्मैंए केमैं 2:45 ပူးပေါင်းရင်းမြစ်များ

भजनमैं 112:9

आयोंब्-आख्युब्मैंलाइ चइ सैं प्ल्हसि पिंइमुँ; चइ लबै ठिक केमैं खोंयोंन् बिलै तरिम्; चलाइ ताँनइ मान लब्मुँ, धै चए क्र कैंडो तब्मुँ।

हितोपदेश 19:17

आयो-आख्युब्मैंलाइ पिंब याहवेहलाइ खि पिंब् ग, धै खाबइ तो लइमुँ चए इनाम खीजी पिंब्मुँ।

मत्ती 19:21

येशूजी चने बिइ, “क्‍हि क्‍ह्रोंसेंनन्बै ठिक तदा ङ्हाँस्‍याँ ह्‍यासि क्‍हिने मुँबै तोन्दोंरि सै न्होर चुँसि योंबै मुइ ङ्हाँदुमैं चुमिंन्। छलस्याँ क्‍हिइ स्‍वर्गर सै न्होर योंब्‍मुँ। झाइले खसि ङए लिलि ल्‍हैदिद्।”

लूका 16:9

“ङ क्हेमैंने बिमुँ, ह्रोंसए ल्हागिर ह्‍युलर्बै स न्होरउँइँले क्ह्रिबै थुमैं बनेद्। छ लस्‍याँ क्‍हेमैंए मुइ खाँयाबै त्‍हेर चमैंइ क्‍हेमैं स्‍वर्गर स्वागत लब्मुँ।”

लूका 18:22

चए ताँ थेसि येशूजी चने बिइ, “अझै क्‍हिइ लल् त्‍हुबै के घ्रि चैमुँ। क्‍हिने मुँबै सैमैं ताँन् चुँसि योंबै मुइ ङ्हाँदुमैं चुमिंन्, धै ङए लिलि प्रद्, छलस्याँ क्‍हिइ स्‍वर्गर सै न्होर योंब्‍मुँ।”

लूका 19:8

च्हमन् जखायस रासि प्रभु येशूने बिइ, “प्रभु, ङ तारे ह्रोंसए सै न्होरए आधा भाग ङ्हाँदुमैं चुमिंम्। झाइले ङइ रोमी म्रुँए ल्हागिर बालि रेमा खाबलाज्यै या लुसि मुइ किंना बिलेया तिबाँर प्लिबाँ तेंसि चमैं एमिंब्‍मुँ।”

चेला चिब्मैंए केमैं 11:29

छाबै ताँ थेसि चेलामैं ताँनइ ह्रों-ह्रोंसइ पिंल् खाँबै सैमैं रेसि यहूदीयार्बै बिश्‍वासीमैं ल्होबर पिमिंबै सैं लइ।

चेला चिब्मैंए केमैं 4:34

चमैंए न्‍होंर खाबलाज्यै तो सैलै या खाँचो आतमल, तलेबिस्याँ क्ल्ह्‍यो न्हें मुँब्मैंइ च चुँसि योंबै मुइ पखमल,

चेला चिब्मैंए केमैं 4:35

झाइले कुल्मिंबै चेला चिब्मैंए उँइँर थेंमिंमल। धै खा-खाबलाइ तो-तो सैए खाँचो तमल, चमैंलाइ म्हिमैंइ च मुइ चुमिंमल।

२ कोरिन्थी 9:1

यहूदीया ह्‍युलर्बै बिश्‍वासीमैंए ल्हागिर पिंबै भेटिए बारेर ङइ क्हेमैंलाइ प्‍ह्रिरिल् आत्हु।

२ कोरिन्थी 9:9

परमेश्‍वरए छ्वेर पिंबै म्‍हिए बारेर छले प्ह्रिइमुँ: “चइ प्लुमुँ, धै ङ्हाँदुमैंलाइ पिंमुँ, चइ लबै छ्याँबै के खोंयोंन् बिलै तरिम्।”

१ यूहन्‍ना 3:17

दिलेया प्लबै म्‍हि घ्रिइ ह्रोंसए बिश्‍वासी अलि-अङाँलाइ खाँचो तब् म्रोंसेया चमैंए फिर सैं सारो लइ बिस्‍याँ, परमेश्‍वरए म्हाँया चने तम्‌ रो वा?