चेला चिब्मैंए केमैं 2:43 - परमेश्‍वरए ताँ तमु क्युइर

⁴³ कुल्मिंबै चेला चिब्मैंइ ल्हें औदिबै केमैं लदै ल्हें चिनुमैं उँइँमल। छतसि ल्हें म्हि परमेश्‍वरने ङ्हिंबर होंइ।

चेला चिब्मैंए केमैं 2:43 ပူးပေါင်းရင်းမြစ်များ

एस्तर 8:17

छतमा म्रुँए ग्याल्सर्बै ताँन् क्ल्ह्‍योजरे मुँबै यहूदीमैं सैं तोंदै लिं-लिंबै चबै सैमैं चबै त्हिंइ तइ। च्हमा अरू ह्रेंर्बै ल्हें ह्रेंमैं या यहूदी ह्रें तखइ, तलेबिस्याँ चमैं यहूदीमैंने ङ्हिंइ।

मर्कूस 16:17

बिश्‍वास लब्‍मैंइ ङए शक्‍ति योंसि छाबै औदिबै चिनुमैं लल् खाँब्मुँ: चमैंइ ङए मिं किंसि मोंमैं ल्‍हाब्‍मुँ, छारा क्युइमैं पोंब्‍मुँ।

लूका 7:16

छाबै के म्रोंसि ताँन् म्‍हिमैं बेल्‍ले ङ्हिंयाँइ, धै “परमेश्‍वर बेल्‍ले थेब नेरो छ्याँब् मुँन! ङ्योए म्‍हाँजोर थेबै अगमबक्‍ता युइमुँ! खी ह्रोंसए म्‍हिमैं जोगेमिंबर युइमुँ,” बिइ।

लूका 8:37

छतमा गेरासेनस ह्‍युलर्बै म्‍हिमैंइ येशूलाइ खेंमैंए नाँसउँइँले ह्‍यामिंन् बिसि यो छ्युँ लइ, तलेबिस्याँ चमैं बेल्‍ले ङ्हिंयाँल। छबिमा येशू डुँङ्गार क्रेसि ह्‍याबि छेमा।

यूहन्‍ना 14:12

“क्ह्रोंसेंन ङ क्हेमैंने बिमुँ, ङलाइ बिश्‍वास लब्मैंइ ङइ लबै केमैं लब्मुँ। च भन्दा थेबै केमैं या लब्मुँ। तलेबिस्याँ ङ आबा ङाँर ह्‍यासिन् मुँ।

चेला चिब्मैंए केमैं 2:22

“ओ इस्राएलीमैं, चु ताँ थेद्, नासरतथें येशू परमेश्‍वरजी कुल्‍मिंबै म्‍हि मुँन बिब क्हेमैंइ सेरिगे नेरो क्होरिगे बिसि परमेश्‍वरजी येशूउँइँले शक्‍तिए केमैं, प्लेटोयाबै केमैं, नेरो चिनुमैं उँइँमिंसि क्हेमैंए म्हाँजोरि प्रमाण पिंल् खाँइमुँ। खीजी चु केमैं लब क्हेमैंइ सेइमुँ।

चेला चिब्मैंए केमैं 4:33

झाइले च कुल्मिंबै चेला चिब्मैंइ तिफुँइ आङ्हिंन्ले प्रभु येशू सिबइले धबै सोगों तइमुँ बिसि ग्वाइ पिंमल, छतमा परमेश्‍वरजी चमैं ताँनए फिर थेबै आशिक पिंमल।

चेला चिब्मैंए केमैं 5:5

चु ताँ थेबै तोंदोंन् हननिया सर क्हुरिह्‍याइ धै सो पिवाइ। चु ताँ थेब्मैं ताँन् बेल्‍ले ङ्हिंयाँइ।

चेला चिब्मैंए केमैं 9:34

पत्रुसइ चने बिइ, “ओ एनियास! येशू ख्रीष्‍टजी क्‍हि सल् लमिंम्। रेसि क्हिए क्‍ल्ह्‍यो त्युइद्।” छ बिबै तोंदोंन् च रेयाइ।

चेला चिब्मैंए केमैं 9:40

झाइले पत्रुसइ चमैं ताँन् बैरु कुल्मिंसि च्हि तुँसि परमेश्‍वरने प्राथना लइ। धै च सिनु ङाँइ तोसि, “तबिता, रेद्!” बिमा चइ मि ङ्‍ह्‍योइ, झाइले पत्रुस म्रोंसि रेसि क्हुँइ।