चेला चिब्मैंए केमैं 2:41 - परमेश्‍वरए ताँ तमु क्युइर

⁴¹ झाइले पत्रुसए ताँ क्वेंबै म्हिमैंइ बप्‍तिस्मा किंइ। च त्हिंइर्न योदा आयोदा हजार सोंदे म्हिमैं चमैंए फिर थब्दिइ।

चेला चिब्मैंए केमैं 2:41 ပူးပေါင်းရင်းမြစ်များ

भजनमैं 110:3

क्हिजी नेल् त्हुबै त्हिंइर क्हिए म्हिमैं खेंमैंए सैंइ मैंसि नेबै ल्हागिर न्हागर्न खब्मुँ। न्हाँगर्बै शीत धोंले क्हिए फ्रेंसिमैं सियोनए पबित्र कोंमैंर क्हि ङाँर खब्मुँ।”

यूहन्‍ना 14:12

“क्ह्रोंसेंन ङ क्हेमैंने बिमुँ, ङलाइ बिश्‍वास लब्मैंइ ङइ लबै केमैं लब्मुँ। च भन्दा थेबै केमैं या लब्मुँ। तलेबिस्याँ ङ आबा ङाँर ह्‍यासिन् मुँ।

यूहन्‍ना 21:11

झाइले सिमोन पत्रुसइ डुँङ्गार क्रेसि प्रसे ङ्‌हच्युसे सों थेब्-थेबै ताँगइ प्लिंबै जाल चैंसि पखर पखइ। ल्हें ताँगमैं तनाबिलेया जाल आट्होल।

चेला चिब्मैंए केमैं 1:15

दे त्हे लिउँइँ येशूए फिर बिश्‍वास लबै प्रसे ङ्हिस्युदे म्हिमैं खागु तमा चमैंए म्हाँजोर पत्रुस रासि बिइ,

चेला चिब्मैंए केमैं 13:48

पावलइ बिबै ताँ थेसि अरू ह्रेंमैं सैं तोंइ, धै परमेश्‍वरए ताँ बेल्‍ले छ्याँब मुँ बिसि थेब् लइ, धै खोंयोंन् बिलै आखाँबै छ्ह योंबर परमेश्‍वरजी ओंसों ओंनोंन् त्हाँब्मैंइ येशूए फिर बिश्‍वास लइ।

चेला चिब्मैंए केमैं 2:37

चु ताँ थेसि चमैंए सैंर खैला तोला तइ। धै चमैंइ पत्रुस नेरो अरू कुल्मिंबै चेला चिब्मैंने “ओ आघें-अलिमैं, तारे ङिइ तो लले?” बिसि ङ्योएइ।

चेला चिब्मैंए केमैं 2:47

झाइले परमेश्‍‍वरए मिं क्वेदै, ताँन् म्हिमैंउँइँले मान योंमल। धै प्रभुजी त्हिंइ ह्रोंसे जोगेमिंबै म्‍हिमैं चमैंए फिर थप्‍दिमिंब्रें लमल।

चेला चिब्मैंए केमैं 27:37

(क्यु झाजर ङि ताँन् लसि ङ्हिंब्ब्रासे ङिच्युसे ट्हु म्हिमैं मुँल।)

चेला चिब्मैंए केमैं 3:23

च म्हिइ बिबै ताँ आथेब्मैं परमेश्‍वरए म्‍हिमैंउँइँले स्‍यो लवासि ताँन् नास तयाब्मुँ।’

चेला चिब्मैंए केमैं 4:4

दिलेया चमैंए ताँ थेब्मैंए न्होंर ल्हें म्हिइ येशूए फिर बिश्‍वास लइ। खीए फिर बिश्‍वास लब्मैं योदा-अयोदा हजार ङ्‍हदे तल।

चेला चिब्मैंए केमैं 7:14

च लिउँइँ योसेफइ ह्रोंसए आबा याकूब नेरो खीने टिबै ङिच्युसे ङ्‍ह (पचत्तर) परवामैं च ङाँर हुइ।

रोमी 13:1

ताँन् म्हिमैं सरकारए ठिमए न्होंर टिल् त्‍हुम्, तलेबिस्याँ परमेश्‍वरए इच्छा आरेस्याँ सरकार तल् आखाँ। ताँन् सरकारलाइ परमेश्‍वरजीन् खटिदिब् ग।

१ थेसलोनिकी 1:6

ङि नेरो प्रभुजी छ्ह खैले थोल क्हेमैंज्यै या छलेन् छ्ह थोइमुँ, तलेबिस्याँ ल्‍हें दुःख सैदिलेया परमेश्‍वरए पबित्र प्ल्हउँइँले सैं तोंन्‍ले क्‍हेमैंइ सैं तोंबै ताँ थेइ।

१ पत्रुस 3:20

चमैं स्‍योंम्‍बै नोआ बिबै म्‍हिए पलोर्बै म्‍हिमैं मुँल। नोआइ क्यु झाज बनेरिमा परमेश्‍वरजी बिबै ताँ चमैंइ ङिंम् उ आङिं बिसि परमेश्‍वरजी पैंरिल। दिलेया क्यु झाजर क्रेबै म्हि प्रे मत्‍त्रे थेबै नाँ बाडिउँइँले जोगेमिंइ, अरू ताँन् सियाइ।

दर्शन 16:3

झाइले अर्को स्‍वर्गदूतइ ह्रोंसने मुँबै प्‍हेलर्बै ह्रिस मा ङ्युँइर युवाइ। छलमा च मा ङ्युँइर्बै क्‍यु सियाबै म्‍हिए को धोंन् तयाइ। धै मा ङ्युँइर्बै ताँन् सो प्ह्‍याबै सैमैं सियाइ।