चेला चिब्मैंए केमैं 2:24 - परमेश्‍वरए ताँ तमु क्युइर

²⁴ सैवालेया परमेश्‍वरजी खी सिबउँइँले धबै सोगों लमिंइ। तलेबिस्याँ खी सिबै सिबन् तल् आखाँमल।

चेला चिब्मैंए केमैं 2:24 ပူးပေါင်းရင်းမြစ်များ

भजनमैं 116:16

ओ याहवेह, क्ह्रोंसेंन्ले ङ क्हिए केब्छैं ग; ङ क्हिए केब्छैं ग, क्हिए केब्स्योए च्ह। क्हिजी ङ सिबउँइँले जोगेमिंइमुँ।

मत्ती 27:63

चमैंइ पिलातसने बिइ, “ओ चिब, च स्योर्गुइ सोगों मुँमा ‘ङ सियालेया सोंरोंर धबै सोगों तसि खब्मुँ’ बिल। चइ बिबै ताँ ङिइ चिरिइमुँ।

यूहन्‍ना 10:18

खाबज्यै या ङ ङाँइँले ङए सो किंल् आखाँ, दिलेय ङ ह्रोंसइन ह्रोंसए सो पिंम्। ह्रोंसए सो पिंबै हग ङने मुँ, धै किंबै हगैया ङनेन् मुँ। चु ताँ ङए आबा ङाँइँले ङइ योंब् ग।”

यूहन्‍ना 10:35

छ्वेर्बै ताँमैं खोंयोंइ स्योर आत। छतसि खाबै ङाँर परमेश्‍वरए ताँ युमुँ, चमैंने देउतमैं बिम्।

यूहन्‍ना 12:39

छतसि चमैंइ बिश्‍वास लल् आखाँ। तलेबिस्याँ यशैयाइ धबै छ बिइमुँ,

यूहन्‍ना 20:9

(तलेबिस्याँ चमैंइ च त्हे समा येशू सिबउँइँले सोगों तल् त्हुम् बिसि परमेश्‍वरए छ्वेर प्‍ह्रिबै ताँमैं आक्होल।)

चेला चिब्मैंए केमैं 1:16

“ओ अलि-अङाँमैं, येशू क्हाब्मैंए घ्‍याँ उँइँमिंबै यहूदाए बारेर दाऊदए सुँउँइँले ओंसोंन् पबित्र प्ल्हजी बिमिंल। च छ्‍वेर प्ह्रिथेंबै ताँ ताँन् तखल् त्हुमल।

चेला चिब्मैंए केमैं 13:30

दिलेया परमेश्‍वरजी खी सिबइले धबै सोगों लमिंइ।

चेला चिब्मैंए केमैं 13:37

दिलेया परमेश्‍वरजी येशूए ज्यु आक्राँल्‍ले सिबइले धबै खी सोगों लमिंइ।

चेला चिब्मैंए केमैं 17:31

तलेबिस्याँ खीजी ह्‍युलर्बै ताँन् म्हिमैंए निसाफ लबै त्हिंइ तोक्दिमिंइँमुँ। च त्हिंइर खीजी त्हाँबै म्हि घ्रिउँइँले ह्‍युलर्बै ताँन् म्हिमैंए निसाफ लब्मुँ। च म्हिने निसाफ लबै हग मुँ बिसि प्रमाण ताँनने उँइमिंबर परमेश्‍वरजी च म्हि सिबउँइँले सोगों लमिंइ।”

चेला चिब्मैंए केमैं 2:32

चुन् येशू परमेश्‍वरजी सिबउँइँले सोगों लमिंइ। चु ताँए साक्षि ङि ताँन् मुँ।

चेला चिब्मैंए केमैं 3:15

झाइले म्‍हिमैंलाइ खोंयोंन् बिलै आखाँबै छ्ह पिंबै येशू क्‍हेमैंइ सैवाइ। दिलेया परमेश्‍वरजी खीलाइ सिबउँइँले धबै सोगों लमिंइ। चु ताँ ङिइ म्रोंइमुँ।

चेला चिब्मैंए केमैं 3:26

क्हेमैंलाइ ह्रोंसए आछ्याँबै केमैंउँइँले एपखसि आशिक पिंबै ल्हागिर परमेश्‍वरजी ह्रोंसए सेवा लबै म्हि त्हाँसि ताँन् भन्दा ओंसों क्हेमैं इस्राएलीमैं ङाँर कुल्मिंइ।”

चेला चिब्मैंए केमैं 4:10

नासरतर्बै येशू ख्रीष्‍टए मिंर चु म्हि ससि क्हेमैंए उँइँर राइमुँ बिसि क्हेमै नेरो इस्राएलर्बै ताँन् म्हिमैंइ सेल् त्हुम्। क्हेमैंइ येशूलाइ क्रूसर च्योवाल, दिलेया परमेश्‍वरजी खीलाइ सिबउँइँले धबै सोगों लमिंइ।

चेला चिब्मैंए केमैं 5:30

क्हेमैंइ यशूलाइ सिए क्रूसर च्योवासि सैवाइ। दिलेया ङ्योए खेंमैंए परमेश्‍वरजी येशू सिबउँइँले धबै सोगों लमिंइ।

रोमी 10:9

तलेबिस्याँ क्‍हिइ ह्रोंसए सुँइ “येशून् ङए प्रभु ग” बिसि अरूलाइ साक्षि पिंम् बिस्‍याँ, झाइले “परमेश्‍वरजी येशूलाइ सिबइले धबै सोगों लमिंइ” बिसि सैंर बिश्‍वास लम् बिस्‍याँ क्‍हिइ मुक्‍ति योंब्‍मुँ।

रोमी 14:9

तलेबिस्याँ येशू ख्रीष्‍ट सिब्‍मैं नेरो सोब्‍मैंए प्रभु तबै ल्हागिर सिसि धबै सोगों तइ।

रोमी 4:24

ङ्योए ल्हागिरै या प्‍ह्रिब् ग। तलेबिस्याँ प्रभु येशूलाइ सिबइले धबै सोगों लमिंबै परमेश्‍वरए फिर ङ्योइ बिश्‍वास लइमुँ। चु बिश्‍वासइ लमा ङ्योलाज्यै या “परमेश्‍वरजी ठिक ठर्दिमिंब्‍मुँ।”

रोमी 6:4

छतसि ङ्योइ बप्‍तिस्‍मा किंमा येशूने बालुन् सिसि पाइ, धै थेबै शक्‍ति मुँबै परमेश्‍वर आबाजी येशू ख्रीष्‍टलाइ सिबउँइँले धबै सोगों लमिंइ, छतसि ङ्योइ ओंसों लब् धोंबै आछ्याँबै केमैं पिसि छ्याँबै केमैं लल् त्हुम्।

रोमी 8:11

चए फिरै या येशू सिसेया परमेश्‍वरजी खीलाइ धबै सोगों लमिंइ। छतसि खीए प्ल्ह क्‍हेमैंए सैंर टिस्याँ ख्रीष्‍टलाइ सोगों लमिंबै परमेश्‍वरए प्ल्हजी क्‍हेमैंए सिल् त्‍हुबै ज्यु या सोगों लमिंब्मुँ।

रोमी 8:34

ख्रीष्‍ट येशून् चमैंए ल्हागिर सजैं नोसि सिमिंइ, दिलेया सिबइले परमेश्‍वरजी खीलाइ धबै सोगों लमिंइ। धै तिंजोरो ख्रीष्‍ट परमेश्‍वरए क्‍योलोउँइँ टिसि ङ्योए ल्हागिर परमेश्‍वरने यो छ्युँ लमिंसिन् मुँ। छतमा ङ्योलाइ खाबइ सजैं पिंल् खाँम्?

१ कोरिन्थी 15:12

सिबै लिउँइँज्यै या ख्रीष्‍ट सोगों तइमुँ बिबै सैं तोंबै ताँ ङिइ बिइमुँ। दिलेया सियाब्‍मैं धबै सोगों तल् आखाँ बिसि क्‍हेमैं न्‍होंरि को-कोइइ खैले बिल् खाँइ?

१ कोरिन्थी 15:15

चए फिरै या ङि परमेश्‍वरए बारेर स्योर तेसि पोंब्मैं तब्मुँ, तलेबिस्याँ परमेश्‍वरजी “ख्रीष्‍टलाइ सिबउँइँले धबै सोगों लमिंइ” बिसि खीए बारेर ङिइ ग्वाइ पिंइमुँ। क्ह्रोसेंन सियाब्मैं धबै सोगों आतस्याँ खीजी ख्रीष्‍टलाज्यै या सोगों आलमल।

१ कोरिन्थी 15:20

दिलेया छ बिब आत! ख्रीष्‍ट सिबउँइँले धबै सोगों तब क्‍ह्रोसेंन् ग। सियाब्‍मैं न्‍होंरि ताँन् भन्दा ओंसों येशू सिबउँइँले सोगों तइ। छतसि सिसि न्‍हरु च्‍हुइरिब्‍मैं धबै सोगों तब्मुँ बिबै प्रमाण येशू ख्रीष्‍टन् ग।

१ कोरिन्थी 15:4

म्‍हिमैंइ खीलाइ पाइ, दिलेया परमेश्‍वरए छ्वेर प्‍ह्रिब् धोंले सोंरोर परमेश्‍वरजी खीलाइ धबै सोगों लमिंइ।

१ कोरिन्थी 6:14

परमेश्‍वरजी ह्रोंसए शक्‍तिजी प्रभु येशू सिबउँइँले सोगों लमिंइ। छलेन ङ्योलाज्यै या खीए शक्‍तिजी सोगों लमिंब्‍मुँ।

२ कोरिन्थी 4:14

येशू ख्रीष्‍टलाइ सिबउँइँले सोगों लमिंबै परमेश्‍वरजी ङिलाज्यै या येशू ख्रीष्‍टने घ्रिन् लसि सिबउँइँले सोगों लमिंब्‍मुँ, धै खीजी ङिलाइ क्‍हेमैंने बालुन् खीए ङाँर बोब्‍मुँ बिब ङि सेइमुँ।

गलाती 1:1

कुल्मिंबै चेला चिब ङ पावलउँइँले जय मसीह मुँ। कुल्मिंबै चेला चिब (तसि परमेश्‍वरए के लबर) ङलाइ म्‍हिमैंइ त्हाँसि कुलब् आङिं, म्‍हिमैंइ खटिदिब आङिं। येशू ख्रीष्‍टलाइ सिबउँइँले सोगों लमिंबै परमेश्‍वर आबा नेरो येशू ख्रीष्‍टजीन् ङलाइ त्‍हाँसि कलब् ग।

एफिसी 1:20

च थेबै शक्‍तिउँइँलेन् परमेश्‍वरजी येशू ख्रीष्‍टलाइ सिबउँइँले सोगों लमिंसि स्वर्गर ग्याल्स लरिगे बिसि खीए क्‍योलोउँइँ क्हुँल् पिंइमुँ।

कलस्सी 2:12

छलेन क्‍हेमैं क्‍युर प्‍ल्हुँसि बप्‍तिस्मा किंमा क्हेमैं ख्रीष्‍टनेन् बालु सिसि पाब् ग। परमेश्‍वरजी ख्रीष्‍टलाइ सिबइले धबै सोगों लमिंल, धै क्हेमैंइ खीए शक्‍तिए फिर बिश्‍वास लबइले खीजी क्हेमैंलाज्यै या ख्रीष्‍टनेन् बालु सोगों लमिंइमुँ।

१ थेसलोनिकी 1:10

झाइले स्वर्गउँइँले युबै परमेश्‍वरए च्‍ह खोंयों युब् ङ्‍हे बिसि क्हेमैं ह्रेरिइमुँ बिबै ताँ चमैंइ ङिने बिरिमुँ। खीजी ह्रोंसए च्ह येशू सिबइले धबै सोगों लमिंइ, धै येशूजी तारे खबि छेबै दण्डउँइँले ङ्योलाइ जोगेमिंब्मुँ।

हिब्रू 13:20

परमेश्‍वरजी क्युमैंए क्ह्रोंसेंन्बै छैं ङ्योए प्रभु येशूलाइ खोंयोंन् बिलै तरिबै बाछाए कोउँइँले सिबउँइँले धबै सोगों लमिंइ। तारे म्हिमैंलाइ क्ह्रिल् लमिंबै परमेश्‍वरजी

हिब्रू 2:14

चु च्ह च्हमिंमैं से को कोंसि तबइले येशू या चमैं धोंलेन् से कोए ज्यु तइ। तलेबिस्याँ खी सिमिंसि कालए शक्‍ति मुँबै दुष्‍टलाइ (दियाबलस) नास लवाइ।

१ पत्रुस 1:21

क्‍हेमैंइ ख्रीष्‍टउँइँले परमेश्‍वरए फिर बिश्‍वास लइ। परमेश्‍वरजी ख्रीष्‍टलाइ सिबउँइँले धबै सोगों लमिंसि बेल्‍ले थेबै मान पिंइ, छतसि क्‍हेमैंइ परमेश्‍वरए फिर बिश्‍वास नेरो आशा थेंल् खाँइ।

दर्शन 1:18

सोगों परमेश्‍वर ङन् ग। ङ सियाल, दिलेया तारे ङ खोंयोंइ बिलै सोरिम्। काल नेरो म्‍हि प्‍ल्‍हमैं नाँसर्बै साँजु नेरो हग ङने मुँ।