चेला चिब्मैंए केमैं 2:18 - परमेश्‍वरए ताँ तमु क्युइर

¹⁸ ओं, च त्हिंइर ङइ ह्रोंसए सेवा लब्मैंए फिर ङए पबित्र प्ल्ह कुमिंब्मुँ, धै चमैंज्‍यै या ङए ताँ पोंब्मुँ।

चेला चिब्मैंए केमैं 2:18 ပူးပေါင်းရင်းမြစ်များ

लूका 12:45

दिलेया च केब्छैंइ ‘ङए क्‍ल्‍हे खब क्‍हैलै तोगोन् आखालै,’ ङ्हाँसि अरू केब्छैंमैं धोंब, तो चदा ङ्हाँमुँ चब, प्हा ल्‍हें थुँसि न्‍हेल्‍ले टिइ बिस्‍याँ,

चेला चिब्मैंए केमैं 2:17

‘नुखबै त्हिंइजरे छ तब्मुँ बिसि परमेश्‍वरजी बिइमुँ, ङइ ताँन् म्हिमैंए फिर ङए पबित्र प्ल्ह कुल्मिंब्मुँ। धै क्‍हेमैंए च्‍ह-च्हमिमैंइ अगमवाणि पोंब्मुँ, क्‍हेमैंए फ्रेंसिंमैंइ दर्शनमैं म्रोंब्मुँ, धै क्‍हेमैंए खेब्मैंइ म्‍होंडा म्होंब्मुँ।

चेला चिब्मैंए केमैं 2:19

ङइ मुर औदिबै केमैं, नेरो माइ पृथ्‍बीर प्लेटोयाबै चिनुमैं उँइँमिंब्मुँ। च चिनुमैं को, मि नेरो मिखुए प्हैं तब्मुँ।

चेला चिब्मैंए केमैं 21:10

ङि चर दे त्हिंइ टिमा यहूदीयाउँइँले अगाबस मिं मुँबै अगमबक्‍ता घ्रि खइ।

गलाती 3:28

छतसि ङ्यो न्होंर खाबै या तोइ सैरैया फरक आरे - यहूदीमैं मुँलेया, अरू ह्रेंमैं मुँलेया, केब्छैं ङिंलेया केब्छैं आङिंलेया, मुँयुँ मुँलेया च्हमिरि मुँलेया, तोइ फरक आरे। तलेबिस्याँ क्‍हेमैं ख्रीष्‍ट येशूने घ्रिन् तसि ताँन् घ्रिन् तइमुँ।

कलस्सी 3:11

छतसि ताँन् म्‍हिमैं घ्रिन् तइमुँ। यहूदीमैं मुँलेया, अरू ह्रेंमैं मुँलेया, ज्युर चिनु ललेया आललेया, आखेब्‍मैं, तोइ आह्रब्मैं मुँलेया, केब्छैंमैं ङिंलेया आङिंलेया, तो मुँलेया, च ताँन् परमेश्‍वरए उँइँर तोइ फरक आरे। ङ्योलाइ चैदिबै सै ख्रीष्‍ट मत्‍त्रे ग, धै ताँन् म्‍हिए सैं न्‍होंर ख्रीष्‍ट टिम्।