चेला चिब्मैंए केमैं 2:14 - परमेश्‍वरए ताँ तमु क्युइर

¹⁴ पत्रुसइ अरू कुल्मिंबै चेला चिब्मैं च्युसे घ्रिने बालुन् रासि थेबै कैले चर्बै म्हिमैंने बिइ, “ओ यहूदीयार्बै म्हिमैं, नेरो ताँन् यरूशलेमथेंमैं, क्हेमैंइ ङए ताँ छेनाले थेसि चु ताँ क्होद्।

चेला चिब्मैंए केमैं 2:14 ပူးပေါင်းရင်းမြစ်များ

हितोपदेश 8:32

“ओ ङए च्हमैं, तारे ङए ताँ थेद्; ङए घ्याँर प्रब्मैंइ आशिक योंब्मुँ।

मत्ती 2:1

यहूदीया ह्‍युलर्बै बेथलेहेम बिबै नाँसर हेरोद बिबै म्रुँए पलोरि येशू फिल। येशू फिबै लिउँइँ स्यारर्बै ङ्‌ह्‍योब् लिब्मैं यरूशलेमर फेखइ।

चेला चिब्मैंए केमैं 1:26

झाइले चमैंइ च म्हि ङ्हिंए म्हाँजोर चिट्ठा झोंमा मतियासए मिंर फेइ, धै कुल्मिंबै चेला चिब्मैं च्युसे घ्रिने बालु चैया च्योइ।

चेला चिब्मैंए केमैं 13:16

छबिमा पावल रासि योइ हस्त लसि बिइ: “ओ इस्राएलर्बै म्हिमैं नेरो परमेश्‍वर म्हाँदिबै अरू ह्रेंर्बै म्हिमैं, थेद्।

चेला चिब्मैंए केमैं 2:22

“ओ इस्राएलीमैं, चु ताँ थेद्, नासरतथें येशू परमेश्‍वरजी कुल्‍मिंबै म्‍हि मुँन बिब क्हेमैंइ सेरिगे नेरो क्होरिगे बिसि परमेश्‍वरजी येशूउँइँले शक्‍तिए केमैं, प्लेटोयाबै केमैं, नेरो चिनुमैं उँइँमिंसि क्हेमैंए म्हाँजोरि प्रमाण पिंल् खाँइमुँ। खीजी चु केमैं लब क्हेमैंइ सेइमुँ।

चेला चिब्मैंए केमैं 21:28

“ओ इस्राएलर्बै म्हिमैं, ङि ल्होमिंन्! तलेबिस्याँ चु खन्तोंदोंबै म्हिमैंने ङ्योए ह्रें, ङ्योए ठिम नेरो चु मन्दिरए बिरोधर लोमिंदै प्रबै म्हि चुन् ग। च्हौ मत्‍त्रे आङिं, चुइ ग्रिकमैं या चु मन्दिर न्होंर पखसि ङ्योए पबित्र क्ल्ह्‍यो अशुद्ध लवाइमुँ,” बिदै चमैं ओरबर होंइ।

चेला चिब्मैंए केमैं 5:35

धै चइ थेबै म्हि च्होंर्बै म्हिमैंने बिइ, “ओ इस्राएलीमैं, चु म्हिमैंलाइ क्हेमैंइ तो लल् म्हैमुँ, चु ताँर न्ह क्रों मि क्रों तद्।

चेला चिब्मैंए केमैं 7:2

चइ बिइ, “ओ ङए आबामैं, आघें-अलिमैं, ङए ताँ थेद्। थेबै मान मुँबै परमेश्‍वरजी ङ्योए खे अब्राहाम हारानर टिब् भन्दा ओंसोंन् मेसोपोटामियार च ङाँर म्रोंयुसि

याकूब 2:5

ओ ङए खोबै अलि-अङाँमैं, ङए ताँ थेद्, परमेश्‍वरजी चु ह्‍युलर्बै ङ्हाँदुमैंलाइ खीए फिर्बै बिश्‍वासर भोंब् लमिंसि स्वर्ग ग्याल्सर्बै हगवालमैं तबर त्हाँब, आङिं वा? खीलाइ म्हाँया लब्‍मैंने चु ग्याल्स पिंम् बिसि खीजी बाछा फैब, आङिं वा?