चेला चिब्मैंए केमैं 2:11 - परमेश्‍वरए ताँ तमु क्युइर

¹¹ झाइले क्रेटथेंमैं नेरो अरबीमैं या चुर मुँ। चमैंइ परमेश्‍वरए थेबै केमैंए बारेर पोंरिब ङ्योइ ह्रों-ह्रोंसए क्युइर थेरिइमुँ!”

चेला चिब्मैंए केमैं 2:11 ပူးပေါင်းရင်းမြစ်များ

भजनमैं 107:15

याहवेहजी लबै खोंयोंइ आनुबै म्हाँयाए ल्हागिर नेरो म्हिमैंए फिर खीजी लबै औदिबै केमैंए ल्हागिर खीलाइ धन्यबाद पिंरिगे।

भजनमैं 107:21

याहवेहजी लबै खोंयोंइ आनुबै म्हाँयाए ल्हागिर नेरो म्हिमैंए फिर खीजी लबै औदिबै केमैंए ल्हागिर खीलाइ धन्यबाद पिंरिगे।

भजनमैं 107:8

याहवेहजी लबै खोंयोंइ आनुबै म्हाँयाए ल्हागिर नेरो म्हिमैंए फिर खीजी लबै औदिबै केमैंए ल्हागिर चमैंइ धन्यबाद पिंरिगे।

भजनमैं 111:4

खीजी ह्रोंसए औदिबै केमैं मैंरिल् पिंइमुँ; याहवेहजी ङ्योए फिर ल्हयो खसि दयाम्हाँया लम्।

भजनमैं 136:4

खीजी मत्‍त्रे औदिबै थेब-थेबै केमैं लम्। खीए म्हाँया खोंयोंन् बिलै तरिम्।

भजनमैं 26:7

थेबै कै तेसि धन्यबादए क्वे प्रिंदै क्हिजी लबै औदिबै केमैंए बयन ङइ लप्रम्।

भजनमैं 40:5

ओ याहवेह, ङए परमेश्‍वर, क्हिजी लबै औदिबै केमैं नेरो क्हिजी ङिए ल्हागिर लबै चाँजोमैं ल्हेंन् मुँ। क्हिजी लबै औदिबै केमैं ल्हेंन् मुँ, छतसि ङइ च केमैंए बयन लल् आखाँ। क्हि धों तब अरू खाबै आरे!

भजनमैं 71:17

ओ परमेश्‍वर, ङ फ्रेंसि तब् ओंनोंबै क्हिजी ङलाइ लोमिंइमुँ, छतसि क्हिजी लबै औदिबै केमैंए बारेर तिंयाँबै त्हिंइ समा ङइ बिप्रइमुँ।

भजनमैं 77:11

दिलेया याहवेहजी लबै केमैं ङ मैंब्मुँ; क्ह्रोंसेंन्ले क्हिजी ओंसों ओंनोंन् लबै औदिबै केमैं ङ मैंब्मुँ।

भजनमैं 78:4

चु ताँमैं ङ्योइ ह्रोंसए प्हसेमैंउँइँले लोइरि थेंरिब् आरे, दिलेया तारे खबै पुस्तमैंने याहवेहजी लबै औदिबै केमैं नेरो खीए भोंए बारेर धै खीजी लबै प्लेटोयान् तबै केमैंए बयन ङ्योइ लब्मुँ।

भजनमैं 89:5

ओ याहवेह, क्हिजी औदिबै केमैं लइमुँ धै क्हि भर लल् खाँब मुँ बिसि स्वर्गदूतमैं च्होंबै क्ल्ह्‍योर चमैंइ क्हिए मिं थेब् लब्मुँ।

भजनमैं 96:3

खी बेल्‍ले थेब मुँ बिसि अरू ह्रेंमैंए म्हाँजोर बिप्रद्, ताँन् म्हिमैंए म्हाँजोर खीजी लबै औदिबै केमैंए बयन लद्!

प्रस्थान 15:11

“ओ याहवेह, देवतामैं न्होंर क्हि धों तब खाब् मुँ? बेल्‍ले पबित्र, बेल्‍ले मान लल् त्हुब, औदिबै के लबर क्हि धों तब खाब् मुँ?

चेला चिब्मैंए केमैं 2:10

झाइले फ्रिगिया, पामफिलिया, मिश्र नेरो कुरेनी चेंदोले मुँबै लिबियार्बै ल्हें क्ल्ह्‍योउँइँले खब्मैं नेरो रोम ह्‍युलउँइँले खबै यहूदी नेरो यहूदीमैंने क्ह्रिब्मैं ङ्हिना ङ्हिन् मुँ।

चेला चिब्मैंए केमैं 2:12

चमैं ताँन् अलमल् तसि प्लेटोयाइ, धै घ्रिइ-घ्रिने “चुए अर्थ तो जा?” बिबर होंइ।

चेला चिब्मैंए केमैं 27:12

च क्यु झाज न्हबै क्ल्ह्‍योर सर्ख थोब गारो तबइले खैलसे या फोनिक्‍सर्न फेनेसि सर्ख थोल् त्हुम् बिसि चर मुँबै ल्हें म्हिइ क्यु झाज ओलेद् बिइ। फोनिक्‍स क्रेट ह्‍युलर्बै क्यु झाज न्हबै क्ल्ह्‍यो घ्रि ग, च ल्हुउँइँ न्हुउँइँ (दक्षिण-पश्चिमउँइँ) नेरो ताइ न्हुउँइँ (उतर-पश्चिमउँइँ) ह्‍वेंब मुँ।

चेला चिब्मैंए केमैं 27:13

च त्हेर ल्हुँउँइँले (दक्षिणउँइँले) खैं च्युगु च्युगु खबर होंमा चमैंइ सैंर मैंब् धोंन् तइ ङ्हाँसि क्यु झाज फैथेंबै अँगुसि तेवासि चमैं क्रेट बिबै टापूए रे-रे ततै ह्‍याबर होंइ।

चेला चिब्मैंए केमैं 27:7

खैंइ लमा क्यु झाज क्हैनाँले प्रबइले ल्हें त्हिंइ छ्युसि गार्ले ङि क्‍निडस बिबै क्ल्ह्‍योर फेखइ। खैंइ क्यु झाज ओंसों ह्‍याल् आपिंबइले ङि क्रेट बिबै टापूए पूर्व नेरो दक्षिण हारउँइँ ह्‍याइ, तलेबिस्‍याँ चर खैं ल्‍हें आचल्‍दिमल। चर ह्यामा सालोमोन बिबै क्‍ल्‍हो म्रोंइ।

१ कोरिन्थी 12:10

छलेन कोइइ औदिबै केमैं लब, कोइइ अगमबाणि पोंब, कोइइ पबित्र प्ल्हउँइँले खबै ताँ नेरो दुष्‍टउँइँले खबै ताँमैं फेलल् खाँब, कोइइ ल्हें खालर्बै क्युइ पोंल् ह्रब, कोइइ च क्युइमैं क्होबै बरदान योंइमुँ।

१ कोरिन्थी 12:28

ख्रीष्‍टए फिर बिश्‍वास लब्मैं न्‍होंरि परमेश्‍वरजीन् केए भाग थेंमिंइँमुँ। ओंसोंबै कुल्मिंबै चेला चिब्मैं, ङ्हिं अगमबक्‍तामैं, सों परमेश्‍वरए बारेर ताँ लोमिंबै म्‍हिमैं, झाइले परमेश्‍वरए मिंर औदिबै के लब्मैं, नब् छब् सल् लबै बरदान योंब्‍मैं, अरूमैंलाइ ल्होमिंब्‍मैं, रेखदेख लब्मैं, ल्हें खालर्बै क्युइ पोंब्‍मैं ताँनलाइ परमेश्‍वरजी खेंमैंए क्‍ल्‍ह्‍योर थेंमिंइमुँ।

गलाती 1:17

ङ भन्दा ओंसोंन् कुल्मिंबै चेला चिब तब्‍मैं ङाँर सल्‍ला किंबर यरूशलेमर आह्‍याल। बरु ङ युनन् अरब बिबै ह्‍युलर ह्‍याइ, च लिउँइँ दमस्‍कस सहरर एखइ।

गलाती 4:25

च सिनै बिबै कों अरब ह्‍युलर मुँ। हागारए मतलब तिंजोरोबै यरूशलेम ग। चर्बै ताँन् म्हिमैं ठिमए न्होंर मुँबइले केब्स्योए सन्तानमैं धोंन् तइ।

तीतस 1:12

क्रेटथेंमैं न्‍होंर्बै ह्रब् सेबै म्‍हि घ्रिज्‍यै या बिइमुँ, “क्रेटर्बै म्‍हिमैं खोंयोंइ बिलै स्‍योर ताँ पोंरिम्, चमैं क्ह्‍योंर्बै सिंह भालु धों तब्मैं, केर आफेबै अल्छि चफोमैं ग।”

तीतस 1:5

क्रेट ह्‍युलर लल् त्हुबै केमैं क्‍हिइ पूरा लरिगे बिसि ङइ क्‍हि चर वाथेंइ। ङइ बिब् धोंले क्हिइ नाँ-नाँसर बिश्‍वासीमैं न्‍होंर चिब्मैं त्हाँसि खटिदिद्।

हिब्रू 2:4

छलेन परमेश्‍वरज्‍यै या थे-थेबै चिनुमैंउँइँले प्लेटोयान् तबै औदिबै केमैं लइ, धै खीए सैंर मैंब् धोंले खीजी म्‍हिमैंलाइ पबित्र प्ल्हउँइँले बरदानमैं पिंसि चु ताँए ग्वाइ पिंइ।