चेला चिब्मैंए केमैं 19:34 - परमेश्‍वरए ताँ तमु क्युइर

³⁴ दिलेया चमैंइ “चम् यहूदी मुँन” बिब् सेसि ताँनइ कै घ्रिले घण्टा ङ्हिंदे समा “एफिससथेंमैंए आर्तेमिस बेल्‍ले थेब ग!” बिदै झन् ओररिइ।

चेला चिब्मैंए केमैं 19:34 ပူးပေါင်းရင်းမြစ်များ

मत्ती 6:7

“झाइले क्‍हेमैंइ प्राथना लमा परमेश्‍वर आम्हाँदिब्मैंइ लब् धोंले केर आफेबै ताँफुँमैं फाक्‍कर्न ल्हेंन् आलद्। ल्हें ताँफुँमैं च्योसि प्राथना लस्‍याँ परमेश्‍वरजी खेंमैंइ लबै प्राथना थेम् बिसि चमैंइ मैंम्।

चेला चिब्मैंए केमैं 16:20

चमैं सहरर्बै निसाफ लब्मैं ङाँर बोसि बिइ, “चु म्हिमैं यहूदी ह्रेंमैं ग। चुमैंइ ङ्योए सहरर गालमल् लइनमुँ।

चेला चिब्मैंए केमैं 19:24

तलेबिस्याँ डेमेत्रियस मिं मुँबै चाँदिए के लबै म्हि घ्रिइ देबि आर्तेमिसए च्यों-च्योंबै चाँदिए कु धिंमैं बनेसि, बुट्ट झोंल् ह्रबै म्हिमैं के पिंसि ल्हें मुइ योंमल।

चेला चिब्मैंए केमैं 19:26

दिलेया पावलइ एफिससर मत्‍त्रे आङिं, एशियार्बै ल्हें क्ल्ह्‍योर ‘योइ बनेबै देवतामैं तोइ सैइ आङिं’ बिसि ल्हें म्हिने लोमिंब क्हेमैंइ म्रोंरिइमुँ, थेरिइमुँ।

चेला चिब्मैंए केमैं 19:28

चु ताँ क्होसि चमैं बेल्‍‍ले ह्रिस खइ। झाइले चमैंइ “एफिसीथेंमैंए आर्तेमिस बेल्‍ले थेब ग!” बिसि ओरबर होंइ।

चेला चिब्मैंए केमैं 19:33

च त्हेर यहूदीमैंइ अलेक्जेन्डर बिबै म्हि ओंसों पोंबर ल्हैदिइ। चर्बै म्हिमैं च्याँ तरिगे बिसि अलेक्जेन्डरइ म्हिमैंए उँइँर योइ हस्त लसि ह्रोंस बचेबै ल्हागिर “ङिइ तोइ गल्ति आलइमुँ!” बिसि पोंबै सैं लइ।

चेला चिब्मैंए केमैं 19:35

बल्‍ल-बल्‍ल सहरर्बै क्रथेइ म्हिमैं च्याँ लसि बिइ, “ओ एफिससथेंमैं, थेबै आर्तेमिसए कु धिं नेरो मुउँइँले तयुबै चए कु थेंबै क्ल्ह्‍यो एफिसस सहर ग बिसि खाबइ आसेइमुँ रो?

रोमी 2:22

क्‍हिइ आगुनेम् “ब्यभिचार लल् आत!” बिब ह्रोंसन् ब्यभिचार लब् वा? क्‍हिइ कुमैंम् आखो बिब मन्‍दिरर्बै कुमैंन् ह्‍योब् आ?

दर्शन 13:4

झाइले च अजिङ्गरइ ह्रोंसए हग खेदोलाइ पिंबइले ताँन् म्‍हिमैंइ अजिङ्गरलाइ फ्‍योइ। चमैंइ च खेदोलाज्यै या फ्‍योसि बिइ, “चु खेदो धों तब खाब् मुँ? चुने बालु खाबै या ल्हडें लल् आखाँ।”