चेला चिब्मैंए केमैं 19:3 - परमेश्‍वरए ताँ तमु क्युइर

³ “छ बिस्‍याँ क्हेमैंइ खैबै बप्‍तिस्मा किंइ?” बिसि पावलइ ङ्योएमा चमैंइ बिइ, “यूहन्‍नाए बप्‍तिस्मा किंइ।”

चेला चिब्मैंए केमैं 19:3 ပူးပေါင်းရင်းမြစ်များ

मत्ती 28:19

छतसि क्‍हेमैं ह्‍युलर्बै ताँन् ह्रेंमैं ङाँर ह्‍यासि चेलामैं लदु, धै परमेश्‍वर आबा, परमेश्‍वर च्‍ह नेरो पबित्र प्ल्हए मिंर क्‍युर प्‍ल्हुँमिंसि बप्‍तिस्‍मा पिंन्।

लूका 7:29

चु ताँ थेसि ताँन् म्‍हिमैं नेरो बालि रेब्‍मैंज्‍यै या परमेश्‍वरए क्ह्रोंसेंन्बै ताँ क्वेंइ। तलेबिस्याँ चमैंइ यूहन्‍नाउँइँले क्युर प्लुँसि बप्‍तिस्मा किंल।

चेला चिब्मैंए केमैं 18:25

चइ मुक्‍ति पिंबै प्रभु येशूए बारेरर्बै ताँमैं सेल। चइ खों न्होंउँइँले भों खदै येशूए बारेर्बै ताँमैं छेनाले लोमिंब्रें लमल। छान् तलेया चइ यूहन्‍नाइ पिंबै बप्‍तिस्मा मत्‍त्रे था सेल।

चेला चिब्मैंए केमैं 8:16

तलेबिस्याँ च त्हे समा चमैं खाबै फिरै या पबित्र प्ल्ह आयुल। चमैंए बप्‍तिस्मा प्रभु येशूए मिंर मत्‍त्रे तल।

१ कोरिन्थी 12:13

ङ्यो यहूदी मुँलेया, अरू ह्रेंमैं मुँलेया, आगुए न्होंर के लब्मैं मुँलेया, खाब् मुँलेया ङ्योइ पबित्र प्ल्ह घ्रिउँइँलेन् ज्यु घ्रिर्न बप्‍तिस्‍मा किंइमुँ। छतसि पबित्र प्ल्ह घ्रिउँइँलेन् ङ्यो ताँनइ तोन्दोंरि सै योंइमुँ।

हिब्रू 6:2

बप्‍तिस्मा बारेर्बै ताँमैं, यो थेंसि आशिक पिंबै ताँमैं, परमेश्‍वरजी म्हिमैं सिबउँइँले धबै सोगों लमिंबै ताँमैं धै परमेश्‍वरजी म्हिमैंए निसाफ लमा खोंयोंइ दण्ड योंरिल् त्हुम् बिबै ताँमैं लाछेंरि आटिले।