चेला चिब्मैंए केमैं 19:29 - परमेश्‍वरए ताँ तमु क्युइर

²⁹ छतमा च सहर तिगोंन् खैला-बैला तइ धै चमैं घ्रि तसि पावलने प्रबै माकेडोनियाथेंमैं ङ्हिं गायस नेरो अरिस्‍तार्खस क्हासि रङ्गशालए न्होंर चैंदै बोइ।

चेला चिब्मैंए केमैं 19:29 ပူးပေါင်းရင်းမြစ်များ

चेला चिब्मैंए केमैं 13:5

चर्बै सलामिस नाँसर फेनेसि चमैंइ येहूदिमैंए च्हों धिंजरे परमेश्‍वरए सैं तोंबै ताँ बिमिंइ। चमैंलाइ ल्होमिंबर यूहन्‍ना मार्कुसै या चमैंने बालु ह्‍याल।

चेला चिब्मैंए केमैं 16:12

छाइले फिलिप्‍पीर फेखइ। च सहर माकेडोनिया बिबर्बै थेबै सहर नेरो ल्हें रोमीमैं टिबे क्ल्ह्‍यो मुँल। ङि च सहरर दे त्हिंइ टिइ।

चेला चिब्मैंए केमैं 16:9

म्हुँइँसर पावलइ छाबै दर्शन घ्रि म्रोंइ: माकेडोनिया ह्‍युलर्बै म्हि घ्रि रासि “माकेडोनियार खसि ङि ल्होमिंन्!” बिसि यो छ्युँ लरिल।

चेला चिब्मैंए केमैं 17:8

चु ताँ थेसि म्हिमैं नेरो सहरर्बै चिबनाँब्मैं आल-मल तयाइ।

चेला चिब्मैंए केमैं 19:21

चु ताँमैं तबै लिउँइँ, पबित्र प्ल्हजी बिब् धोंले पावल माकेडोनिया नेरो अखैया ह्‍युलए घ्याँ तसि यरूशलेम ह्‍याबै सैं लइ। “धै चर फेबै लिउँइँ ङ रोम सहरर खैलसेया ह्‍यालन् त्हुम्,” बिइ।

चेला चिब्मैंए केमैं 19:22

झाइले चइ ह्रोंसए सेवा लबै तिमोथी नेरो इरास्‍तस माकेडोनियार कुल्मिंइ, च बिस्याँ दे त्हिंइ एशिया ह्‍युलर्न टिइ।

चेला चिब्मैंए केमैं 19:32

रङ्गशालर मुँबै म्हिमैं स्यो-स्योबै ताँ बिदै ओरबर होंइ। च म्हि हुलर खैला-बैला तरिल, धै चर्बै ल्हें म्हिइ “ङ्यो तले खागु तगे?” बिसि था आसेल।

चेला चिब्मैंए केमैं 20:34

दिलेया ङए योइन ङला नेरो ङने मुँब्मैंए चैदिबै सैमैं योल् लइमुँ बिसि क्हेमैंइ सेइमुँ।

चेला चिब्मैंए केमैं 20:4

झाइले पावलने बालु बेरियाथें पुरसए च्ह सोपात्रोस, थेसलोनिकाथेंमैं अरिस्‍तार्खस नेरो सिकन्‍दस, डर्बिथें गायस, तिमोथी, नेरो एशियाथेंमैं तुखिकस नेरो त्रोफिमस ह्‍याइ।

चेला चिब्मैंए केमैं 21:30

ताँन् सहरर खैला-बैला तमा ल्हें म्हि न्हेखसि पावल क्हाइ। चमैंइ मन्दिरउँइँले पावल बैरु चैं पखमा खेगिमैंइ युन्ले मन्दिरर्बै म्रामैं तोरावाइ।

चेला चिब्मैंए केमैं 21:38

क्हि च मिश्रथें आङिं वा? चइ ओंसों प्होंगि कैगि लसि हजार प्लि प्होंगि लब्मैं क्यु आयोंबै क्ल्ह्‍योर बोयाल।”

चेला चिब्मैंए केमैं 27:2

ङि एड्रामिटेनोस सहरउँइँले एशिया ह्‍युलए रे-रेबै क्ल्ह्‍यो ततै ह्‍याबै क्यु झाजर क्रेइ। छले ह्‍यामा माकेडोनिया ह्‍युलर्बै थेसलोनिकाथें अरिस्‍तार्खस बिबै म्हि घ्रि या ङिने बालु मुँल।

रोमी 16:23

ङ नेरो ताँन् बिश्‍वासीमैंलाइ मान लबै गायसज्यै या क्‍हेमैंलाइ जय मसीह मुँ बिमिंइमुँ। झाइले चु धिंर मुँबै बिश्‍वासीमैंइ क्‍हेमैंलाइ जय मसीह बिमिंइमुँ। छलेन चु सहरर्बै कोशाध्‍यक्ष इरास्‍तस नेरो ङ्योए अलि क्‍वार्टसज्‍यै या क्‍हेमैंलाइ जय मसीह बिमिंइमुँ।

१ कोरिन्थी 1:14

क्हेमैं न्होंरि खाबलाज्यै या ङइ बप्‍तिस्‍मा आपिंइमुँ बिसि ङइ परमेश्‍वरलाइ धन्‍यबाद पिंम्! ओं, क्रिस्‍पस नेरो गायस बिबै म्हिमैंलाइ मत्‍त्रे ङइ बप्‍तिस्‍मा पिंल।

१ कोरिन्थी 4:9

ङए सैंरम् ङि कुल्मिंबै चेला चिब्मैंलाइमि परमेश्‍वरजी ताँन् भन्दा च्‍योंबै क्‍ल्‍ह्‍योर थेंब् धों ङ्हाँइमुँ, तलेबिस्याँ चु ह्‍युलए उँइँर, म्हिमैंए उँइँर नेरो स्वर्गदूतमैंए उँइँरै या ङि सिबै सजैं योंल् त्हुबै म्हि धोंन् तइमुँ।

२ कोरिन्थी 8:19

च्हौ मत्‍त्रे आङिं, प्रभुए मिं थेब् तबै के लबै ल्हागिर नेरो ङिलाइ ल्होबर ताँन् क्‍ल्‍ह्‍योर्बै बिश्‍वासीमैंइ ङिने ह्‍यारिगे बिसि चलाइ त्‍हाँइ।

कलस्सी 4:10

ङने बालु झेलर च्युथेंबै थु अरिस्‍तार्खसइ क्‍हेमैंने जय मसीह बिमिंइमुँ। छलेन बर्णाबासए अलि फेबै मर्कूसज्‍यै या क्‍हेमैंने जय मसीह बिमिंइमुँ। (च मर्कूसए बारेर ङइ क्‍हेमैंलाइ ओंसों ताँ पिंइ: च क्हेमैं ङाँर खइबिस्‍याँ चए मान लद्।)

फिलेमोन 1:24

छलेन ङने बालु के लब्‍मैं मर्कूस, अरिस्‍तार्खस, डेमास नेरो लूकाज्यै या क्हिलाइ जय मसीह बिमिंइमुँ।

३ यूहन्‍ना 1:1

ङ बिश्‍वासीमैं न्होंर्बै एल्डरउँइँले ङइ खोबै थु गायसलाइ जय मसीह मुँ। ङइ सैं न्होंउँइँले क्हिलाइ म्हाँया लमुँ।