चेला चिब्मैंए केमैं 19:28 - परमेश्‍वरए ताँ तमु क्युइर

²⁸ चु ताँ क्होसि चमैं बेल्‍‍ले ह्रिस खइ। झाइले चमैंइ “एफिसीथेंमैंए आर्तेमिस बेल्‍ले थेब ग!” बिसि ओरबर होंइ।

चेला चिब्मैंए केमैं 19:28 ပူးပေါင်းရင်းမြစ်များ

भजनमैं 2:2

याहवेह नेरो खीजी छ्युगु फोसि त्हाँबै म्रुँए बिरोधर ह्‍युलर्बै म्रुँमैं राम्, धै चर्बै चिब्मैं खागु तसि खेंमैंए न्होंर मदो लसि

मत्ती 2:16

ङ्‌ह्‍योब् लिब्मैंइ खीने स्योर तेना बिब् सेसि हेरोद बेल्‍ले ह्रिस खइ। चइ मुसारा म्रोंबै त्हे च ङ्‌ह्‍योब् लिब्मैंने ङ्योएसि ओंसोंन् था सेल् खाँल। छतमा चमैंइ बिबै त्हे मैंसि हेरोदइ बेथलेहेम नेरो च खागुबै नाँसजरेबै ङ्हिंदि न्होंर्बै मुँयुँ कोलोमैं ताँन् सैबर ल्‍हैदिइ।

चेला चिब्मैंए केमैं 18:19

झाइले चमैं एफिससर फेखसि पावलइ प्रिस्‍किला नेरो अकिलास चर्न वाथेंइ। पावल बिस्याँ च्हों धिंर होंसि यहूदीमैंने छलफल लबर होंइ।

चेला चिब्मैंए केमैं 19:24

तलेबिस्याँ डेमेत्रियस मिं मुँबै चाँदिए के लबै म्हि घ्रिइ देबि आर्तेमिसए च्यों-च्योंबै चाँदिए कु धिंमैं बनेसि, बुट्ट झोंल् ह्रबै म्हिमैं के पिंसि ल्हें मुइ योंमल।

चेला चिब्मैंए केमैं 7:54

स्तिफनसए ताँ थेसि चमैं बेल्‍ले ह्रिस खसि स ह्राइ।

दर्शन 12:12

छतसि स्‍वर्ग नेरो चर मुँब्‍मैं सैं तोंन्। दिलेया पृथ्‍बीर नेरो मा ङ्युँइर मुँब्मैंए फिर बिस्याँ थेबै दुःख तब्‍मुँ, तलेबिस्याँ च स्युर्गु दुष्‍ट क्‍हेमैं ङाँर युइमुँ, झाइले चए त्हे च्‍युगुदे मत्‍त्रे चैमुँ बिब् सेसि च बेल्‍ले ह्रिस खइमुँ।”

दर्शन 13:4

झाइले च अजिङ्गरइ ह्रोंसए हग खेदोलाइ पिंबइले ताँन् म्‍हिमैंइ अजिङ्गरलाइ फ्‍योइ। चमैंइ च खेदोलाज्यै या फ्‍योसि बिइ, “चु खेदो धों तब खाब् मुँ? चुने बालु खाबै या ल्हडें लल् आखाँ।”

दर्शन 17:13

च म्रुँ च्‍युए सैं घ्रिन् तसि खेंमैंए ग्याल्सए हग नेरो भों च खेदोलाइ पिंब्मुँ।