चेला चिब्मैंए केमैं 19:19 - परमेश्‍वरए ताँ तमु क्युइर

¹⁹ झाइले चमैंए न्होंर्बै टुना लब्मैंज्यै या ह्रों-ह्रोंसए छ्वेमैं खागु लसि पखइ, धै ताँनए उँइँर ख्रोंवाइ। चमैंइ च छ्वेमैंए सै लमा ङच्यु हजार चाँदिए सिक्‍का फेइ।

चेला चिब्मैंए केमैं 19:19 ပူးပေါင်းရင်းမြစ်များ

उत्पत्ति 35:4

याकूबए ताँ थेसि चमैंइ ह्रों-ह्रोंसने बालु मुँबै आगुए ह्‍युलर्बै देवतामैं नेरो ह्रोंसए न्हर खिबै कुण्डलमैं याकूबलाइ पिंइ धै चइ शकेम ङाँर्बै फलाँटए सिंधुँ न्होंर च सैमैं पाइ।

प्रस्थान 32:20

छलेन चमैंइ बनेबै माराए क्ल्या भारा मिर त्हुला भुँले ख्रोंवासि क्युर कोंवाँइ, धै च क्यु इस्राएलीमैंलाइ थुँबर ल्हैदिइ।

प्रस्थान 7:11

छतमा फारोज्यै या ह्रोंसए ह्रब सेब्मैं नेरो टुना मुना लब्मैं हुइबर कुलइ। धै च मिश्रर्बै जादु लब्मैंज्यै या ह्रों-ह्रोंसए न्होंर्बै सिपउँइँले छान् लइ।

प्रस्थान 7:22

दिलेया मिश्रर्बै जादु लब्मैंज्यै या ह्रोंसए न्होंर्बै सिपउँइँले छान् लइ। याहवेहजी बिब् धोंलेन् फारोए सैं सारो तसि चमैंए ताँ आथे।

लूका 14:33

छतसि क्हेमैंए न्होंरि खाबइ ह्रोंसने मुँबै तोन्दोंरि सै आवथें च ङए चेला तल् आखाँ।

लूका 15:8

येशूजी धबै अर्को ताँ बिइ, “च्हमिरि घ्रिने चाँदिए मुइ च्‍युउँलो मुँल। दिलेया चाँदिए मुइ घ्रि म्‍हयास्‍याँ चइ बत्ति म्रोंसि कुजाइ फ्‍योसि च आयोंन् समा फन् फन्‌ले आम्‍है रो वा?

चेला चिब्मैंए केमैं 13:6

चमैं साइप्रसर मुँबै ताँन् क्ल्ह्‍योजरे स्युरदै पाफोस नाँसर फेखमा चर चमैंइ बार-येशू बिबै जादु लबै म्हि घ्रि त्होइ। चइ अगमबक्‍ता ग बिसि स्योर तेमल।

चेला चिब्मैंए केमैं 13:8

दिलेया सर्गियस पौलुसइ परमेश्‍वरए ताँ आक्वेंरिगे बिसि एलुमास बिबै जादु लबै म्हिइ शाऊल नेरो बारनाबासए बिरोध लइ। (ग्रिक क्युइर एलुमासए अर्थ जादु लबै म्हि ग।)

चेला चिब्मैंए केमैं 19:18

बिश्‍वास लबै ल्हें म्हि खसि ह्रों-ह्रोंसइ लबै आछ्याँबै केमैं लइमु बिसि म्हिमैंए उँइँर बिइ।

हिब्रू 10:34

झेलर मुँब्‍मैंलाइ क्हेमैंइ ल्होमिंइ, ह्रोंसए सै न्होर अरूमैंइ लुडिवालेया क्‍हेमैं सैं तोंसिन् सैदिइ, तलेबिस्याँ क्‍हेमैंल च सै न्होर भन्दा थेब खोंयोंन् बिलै तरिबै स्वाबै सै न्होर मुँ बिसि क्‍हेमैंइ सेल।