चेला चिब्मैंए केमैं 19:18 - परमेश्‍वरए ताँ तमु क्युइर

¹⁸ बिश्‍वास लबै ल्हें म्हि खसि ह्रों-ह्रोंसइ लबै आछ्याँबै केमैं लइमु बिसि म्हिमैंए उँइँर बिइ।

चेला चिब्मैंए केमैं 19:18 ပူးပေါင်းရင်းမြစ်များ

भजनमैं 32:5

लिउँइँ क्हिए उँइँर ङ पापि ग बिसि ङइ बिल, धै ङइ लबै आछ्याँबै केमैं ङइ आलो। “ङइ लबै आछ्याँबै केमैं याहवेहए उँइँर बिब्मुँ,” बिसि ङइ बिइ, धै ङए पापमैं क्हिजी क्षमा लमिंइ। तिस्याँदे मैंन्

हितोपदेश 28:13

पापमैं लोइरि थेंबै म्हिल खोंयोंइ छ्याँब आत, दिलेया “पापमैं लइमु” बिसि पिवाबै म्हिइ आशिक योंम्।

मत्ती 3:6

झाइले चमैं ताँनइ “ङिइ पाप लइमुँ,” बिसि यूहन्‍नाउँइँले यर्दन स्‍योंर प्‍ल्हुँसि बप्‍तिस्‍मा किंइ।

चेला चिब्मैंए केमैं 19:17

एफिससर टिबै ताँन् यहूदीमैं नेरो ग्रिकमैंइ चु ताँ थेसि ङ्हिंयाँइ, धै प्रभु येशूए मिं क्वेइ।

चेला चिब्मैंए केमैं 19:19

झाइले चमैंए न्होंर्बै टुना लब्मैंज्यै या ह्रों-ह्रोंसए छ्वेमैं खागु लसि पखइ, धै ताँनए उँइँर ख्रोंवाइ। चमैंइ च छ्वेमैंए सै लमा ङच्यु हजार चाँदिए सिक्‍का फेइ।

रोमी 10:10

तलेबिस्याँ ङ्योए सैंइ बिश्‍वास लसिन् ङ्यो परमेश्‍वरए उँइँर ठिक ठर्दिम्, झाइले ङ्योए बिश्‍वास लबै ताँ अरूलाज्यै या बिमिंस्याँ ङ्योइ मुक्‍ति योंमुँ।

याकूब 5:16

छतसि क्‍हेमैं घ्रिइ घ्रिने ह्रों-ह्रोंसए पाप आलोद्, पाप लइमुँ बिस्याँ लइमुँन् बिद्। झाइले क्हेमैं सबै ल्हागिर घ्रिइ घ्रिए ल्हागिर प्राथना लद्। छ्याब आरेबै म्हिइ लबै प्राथनार शक्ति मुँ, छतसि चइ के लम्।

१ यूहन्‍ना 1:9

दिलेया खीजी फैबै बाछाइ बिब् धोंले परमेश्‍वरजी लम् धै ठिक निसाफ लम्। छतसि “ङिइ पाप केमैं लइमुँ” बिसि ङ्योइ खी ङाँइ सैं एइबिस्‍याँ खीजी ङ्योए पापमैं क्षमा लमिंसि ताँन् पापउँइँले ख्रुमिंम्।