चेला चिब्मैंए केमैं 19:13 - परमेश्‍वरए ताँ तमु क्युइर

¹³ छाब् म्रोंसि को-कोइ स्युरदै प्रबै यहूदी फा फुइ लब्मैंइ मोंइ स्याब्मैंने प्रभु येशूए मिं तेदै बिइ, “पावलइ बिप्रबै येशूए मिंउँइँले त्होंह्‍याद् बिसि ङ क्हिने बिम्।”

चेला चिब्मैंए केमैं 19:13 ပူးပေါင်းရင်းမြစ်များ

उत्पत्ति 4:12

तारेसेरो क्हिइ सर खेति लमा सइ क्हिए ल्हागिर रोमैं तोइ पिंरिब आरे। क्हि पृथ्‍बीर खोंयोंन् बिलै छिं ङ्हाँन् आयोंन्ले स्‍युररिल् त्हुब्मुँ।”

उत्पत्ति 4:14

तिंयाँ क्‍हिजी चु क्ल्ह्‍योउँइँले ङलाइ तेवासिन् मुँ, धै ङ क्हिउँइँले लोल् त्हुब्मुँ। ङ पृथ्बीरि छिं ङ्हाँन् आयोंन्‍ले स्‍युररिल् त्हुब्मुँ, छतसि ङलाइ स्याब्मैंइ ङ सैवाब्‍मुँ।”

भजनमैं 109:10

चए प्हसेमैं आगुने ह्रिसि चल् त्हुरिगे, चमैं टिबै फुयाबै धिंउँइँले त्होंसि चबै सैमैं म्हैल् त्हुरिगे!

मत्ती 12:27

ङइ बालजिबुलए शक्‍तिउँइँले मोंमैं ल्‍हाम् बिसि क्हेमैंइ बिम् बिस्याँ, क्‍हेमैंए चेलामैंइ खाबै शक्‍ति योंसि मों ल्‍हाम्? छतसि क्हेमैंए चेलामैंइन क्हेमैंए ताँ क्ह्रोंसेंन् आङिं बिसि क्हेमैंए फिर निसाफ लब्मुँ।

मत्ती 26:63

दिलेया येशू तोइ आबिल्‍ले टिरिइ। धै ख्रो पिंबै खेगि क्रथेइ येशूने बिइ, “सोगों परमेश्‍वरए मिंर कसम चसि बिद्। क्‍हि परमेश्‍वरजी कुल्मिंबै म्रुँ ख्रीष्‍ट, परमेश्‍वरए च्‍ह वा?”

मर्कूस 5:7

येशूजी चने “ओ मों, चु म्‍हिउँइँले त्‍होंइ खो” बिमा च म्हिइ थेबै कैले बिइ, “ओ ताँन् भन्दा थेबै परमेश्‍वरए च्‍ह येशू, क्‍हिजी ङ तो लल् म्‍हैल? ङ क्‍हिने यो छ्युँ लमुँ, ङ दुःख आपिंन्।”

मर्कूस 9:38

यूहन्‍नाइ येशूने बिइ, “ओ गुरु, म्‍हि घ्रिइ क्‍हिए मिं किंसि मोंमैं ल्‍हारिब ङिइ म्रोंइ। ङिइ चने ‘छाबै के लल् आयों’ बिसि लल् आपिं, तलेबिस्याँ च ङ्योए टोलिर्बै म्‍हि आङिंल।”

लूका 11:19

बालजिबुलए शक्‍तिउँइँले ङइ मों ल्‍हाम् बिस्‍याँ, क्‍हेमैंए टोलिर्बै म्‍हिमैंइ खाबै शक्‍तिउँइँले मोंमैं ल्‍हाम्? छतसि चमैंइन क्‍हेमैंए निसाफ लब्मुँ।

लूका 9:49

झाइले यूहन्‍नाइ बिइ, “ओ गुरु, क्‍हिए मिं तेसि मों ल्‍हाबै म्‍हि घ्रि ङिइ म्रोंइ, दिलेया ङिइ चने ‘छ आलद्’ बिइ, तलेबिस्याँ च म्‍हि ङिने बालु प्रसि क्हिइ बिब् धों आल।”

चेला चिब्मैंए केमैं 19:14

चर स्‍केवास मिं मुँबै यहूदी ख्रो पिंबै खेगि क्रथेए च्ह ङिउँलोज्यै या छाबन् के लमल।

२ कोरिन्थी 11:4

क्‍हेमैं ङाँर म्‍हि घ्रि खसि ङिइ बिबै येशू भन्दा अर्कोन् येशूए बारेर्बै ताँ बिइ बिस्याँ, झाइले क्‍हेमैंइ योंबै पबित्र प्ल्ह भन्दा चइ बिबै अर्कोन् प्ल्हए ताँ क्हेमैंइ क्वेंइ बिस्याँ, छलेन ङिइ बिमिंबै सैं तोंबै ताँ भन्दा अर्को ताँमैं क्‍हेमैंइ क्वेंइ बिस्याँ, च म्हिए ताँ क्हेमैंइ सैं तोंन्ले थेमना!