चेला चिब्मैंए केमैं 19:10 - परमेश्‍वरए ताँ तमु क्युइर

¹⁰ ङ्हिंदि समन् चु के तरिइ, छतमा एशिया ह्‍युलर्बै ताँन् म्हिमैं, यहूदी नेरो ग्रिक ङ्हिंना-ङ्हिंनइ, प्रभुए ताँ थेइ।

चेला चिब्मैंए केमैं 19:10 ပူးပေါင်းရင်းမြစ်များ

चेला चिब्मैंए केमैं 13:12

चु ताँ म्रोंसि चर्बै क्रथेइ प्रभुए फिर बिश्‍वास लइ, तलेबिस्याँ प्रभुए बारेर्बै ताँ थेसि च छक्‍कन् तयाइ।

चेला चिब्मैंए केमैं 16:6

पबित्र प्ल्हजी एशिया ह्‍युलरि प्रभुए ताँ बिल् आपिंबइले चमैं फ्रिगिया नेरो गलातिया ह्‍युल ततै ह्‍यामा

चेला चिब्मैंए केमैं 18:11

झाइले पावल परमेश्‍वरए ताँ लोमिंदै तिदिंसे म्हैंन ट्हुल् समा चमैंने बालु टिइ।

चेला चिब्मैंए केमैं 18:4

पावल प्रिबै त्हिंइ ह्रोंसे यहूदीमैंए च्हों धिंर ह्‍यासि परमेश्‍वरए ताँ बिमिंसि यहूदीमैं नेरो ग्रिकमैंने ताँ छलफल लसि परमेश्‍वरए ताँ क्होमिंबै भों लमल।

चेला चिब्मैंए केमैं 19:20

छले प्रभुए ताँ खन्तोंदोंन् फेनेसि बडिदै ह्‍याइ।

चेला चिब्मैंए केमैं 19:22

झाइले चइ ह्रोंसए सेवा लबै तिमोथी नेरो इरास्‍तस माकेडोनियार कुल्मिंइ, च बिस्याँ दे त्हिंइ एशिया ह्‍युलर्न टिइ।

चेला चिब्मैंए केमैं 19:8

पावल च्हों धिंर ह्‍यासि म्हैंन सोंल् समन् परमेश्‍वरए ग्याल्सए बारेर चमैंने आङ्हिंन्ले छलफल लसि म्हिंमैंइ क्होरिगे बिसि लोमिंरिइ।

चेला चिब्मैंए केमैं 2:9

ङ्यो चुर पार्थीमैं, मादीमैं, एलामीमैं, मेसोपोटामियाथेंमैं, यहूदीयाथेंमैं, कापाडोकियाथेंमैं, पोन्‍टसथेंमैं नेरो एशियाथेंमैं मुँ।

चेला चिब्मैंए केमैं 20:18

चमैं खबै लिउँइँ खिइ चमैंने बिइ: “ओ अलि-अङाँमैं ङइ एशिया ह्‍युलर प्हले म्हैबै त्हिंइ ओंनोंन् ङइ क्हेमैंए म्हाँजोर खैले त्हिंइ थोइ बिब क्हेमैंइ सेइमुँ।

चेला चिब्मैंए केमैं 20:31

छतसि चु ताँ मैंसि छेनाले टिद्! सोंदिं समन् त्हिंयाँ म्‍हुँइँसा मिक्लि पिंदै ताँन् म्हिमैंने ङइ लोमिंबै ताँ आम्‍लेद्।

चेला चिब्मैंए केमैं 6:9

दिलेया को-कोइ यहूदीमैंइ स्तिफनसए बिरोधर प्होंबर होंइ। (चमैं “केब्छैंउँइँले फ्रेल् योंब्मैं” बिबै च्हों धिंर्बै म्हिमैं मुँल। चमैं कुरेनी, अलेक्जेन्ड्रिया, किलिकिया नेरो एशिया बिबै ह्‍युलर्बै म्हिमैं मुँल।)

रोमी 1:16

तलेबिस्याँ ख्रीष्‍टउँइँले योंबै सैं तोंबै ताँ म्हिमैंने बिबै ल्हागिर ङ फा आपि। यहूदीमैं मुँलेया अरू ह्रेंमैंन् मुँलेया चु सैं तोंबै ताँउँइँलेन् खीए फिर बिश्‍वास लब्‍मैंलाइ परमेश्‍वरजी मुक्‍ति पिंम्।

रोमी 10:12

तलेबिस्याँ यहूदी नेरो अरू ह्रेंमैंए न्‍होंरि खाबै या स्यो आरे। घ्रि मत्‍त्रेन् परमेश्‍वर ताँनए प्रभु ग। खीने प्राथना लब्‍मैं ताँनए फिर खीजी आशिक पिंम्।

रोमी 10:18

बरु ङ चु ताँ ङ्योएम्: यहूदीमैंइ थेल् आयों रो वा? थेइमुँ, तले आथेब! तलेबिस्याँ परमेश्‍वरए छ्वेर छले प्ह्रिइमुँ: “चमैंए कै पृथ्‍बी तिगोंन् थेनेइमुँ, चमैंइ बिबै ताँ ह्‍युलए कुना-कुना समन् फेनेइमुँ।”

गलाती 3:28

छतसि ङ्यो न्होंर खाबै या तोइ सैरैया फरक आरे - यहूदीमैं मुँलेया, अरू ह्रेंमैं मुँलेया, केब्छैं ङिंलेया केब्छैं आङिंलेया, मुँयुँ मुँलेया च्हमिरि मुँलेया, तोइ फरक आरे। तलेबिस्याँ क्‍हेमैं ख्रीष्‍ट येशूने घ्रिन् तसि ताँन् घ्रिन् तइमुँ।

कलस्सी 3:11

छतसि ताँन् म्‍हिमैं घ्रिन् तइमुँ। यहूदीमैं मुँलेया, अरू ह्रेंमैं मुँलेया, ज्युर चिनु ललेया आललेया, आखेब्‍मैं, तोइ आह्रब्मैं मुँलेया, केब्छैंमैं ङिंलेया आङिंलेया, तो मुँलेया, च ताँन् परमेश्‍वरए उँइँर तोइ फरक आरे। ङ्योलाइ चैदिबै सै ख्रीष्‍ट मत्‍त्रे ग, धै ताँन् म्‍हिए सैं न्‍होंर ख्रीष्‍ट टिम्।

२ तिमोथी 1:15

एशिया ह्‍युलर्बै म्हिमैं ताँन् ङ ङाँइले स्योयाइ बिब क्हिइ सेइमुँ, स्योइ ह्‍याब्मैं न्होंरि फाइगेलस नेरो हेर्मोगेनेस बिब् ग।

१ पत्रुस 1:1

येशू ख्रीष्‍टजी कुल्मिंबै चेला चिब ङ पत्रुसउँइँले पोन्टस, गलातिया, कापाडोकिया, एशिया नेरो बिथिनिया तिगोंन् प्हुँइ टिब्मैंलाइ जय मसीह मुँ!

दर्शन 1:11

“क्‍हिइ म्रोंबै ताँ कितबर प्‍ह्रिसि नाँस ङिर्बै एफिसस, स्‍मुर्ना, पर्गामम, थिआटीरा, सार्डिस, फिलाडेल्‍फिया नेरो लाउडिकिया बिबै नाँसर्बै बिश्‍वासीलाइ पिमिंन् बिब ङइ थेइ।”

दर्शन 1:4

एशिया ह्‍युलर्बै नाँस ङिर्बै बिश्‍वासीमैंने ङ यूहन्‍नाउँइँले जय मसीह मुँ। क्‍हेमैंलाइ परमेश्‍वर, प्ल्ह ङिउलो नेरो येशू ख्रीष्‍टउँइँले दयाम्हाँया नेरो शान्ति तरिगे। परमेश्‍वर मुँल, मुँ, लिउँज्‍यै या युब्‍मुँ। प्ल्ह ङिउलो खीए राजगद्दिए उँइँर मुँ।