चेला चिब्मैंए केमैं 18:4 - परमेश्‍वरए ताँ तमु क्युइर

⁴ पावल प्रिबै त्हिंइ ह्रोंसे यहूदीमैंए च्हों धिंर ह्‍यासि परमेश्‍वरए ताँ बिमिंसि यहूदीमैं नेरो ग्रिकमैंने ताँ छलफल लसि परमेश्‍वरए ताँ क्होमिंबै भों लमल।

चेला चिब्मैंए केमैं 18:4 ပူးပေါင်းရင်းမြစ်များ

उत्पत्ति 9:27

परमेश्‍वरजी येपेतए क्ल्ह्‍यो-न्हें ल्हें लमिंरिगे! धै च शेमने क्ह्रिसि बालुन् टिरिगे! कनान बिस्याँ शेमए केब्छैं तरिगे।”

लूका 16:31

“दिलेया अब्राहामइ चने बिइ, ‘मोशा नेरो अगमबक्‍तामैंए ताँ आक्वेंस्याँ म्‍हि घ्रि सिबउँइँले सोगों तसि चमैं ङाँर ह्‍याना बिलेया चमैंइ क्‍वेंरिब् आरे।’”

लूका 4:16

झाइले येशू ह्रोंस फाराबै सहर नासरतर ह्‍याइ। खी प्रिबै त्हिंइर च्हों धिंर ह्‍याब्रें लबै बाँनि मुँल। छतसि च्हों धिंर ह्‍यासि परमेश्‍वरए छ्वे खेबर राइ।

यूहन्‍ना 7:35

छबिमा यहूदीमैंइ खें-खेंमैंए न्होंरि बिइ, “चु म्हि खनिर ह्‍याल् म्हैगे? ङ्योइ खी स्याल् आखाँ बिब? चु ह्रोंसए ह्‍युल पिसि खन्तोंदोंन् प्हुँइ टिबै यहूदीमैं ङाँर ह्‍यासि ग्रिकमैंलाइ लोमिंल् ङ्हाँइँमुँ उ तो जा?

चेला चिब्मैंए केमैं 13:14

पावल नेरो बारनाबास पर्गाउँइँले त्होंसि पिसिदिया बिबै ह्‍युलर्बै एन्‍टिओखिया सहरर फेनेइ, धै प्रिबै त्हिंइर यहूदीमैंए च्हों धिंर ह्‍यासि टिइ।

चेला चिब्मैंए केमैं 14:1

पावल नेरो बारनाबास आइकोनियन सहरर ह्‍यामा एन्‍टिओखिया सहरर तब् धोंलेन् चरै या तइ। चमैं येहूदिमैंए च्हों धिंर होंसि प्रभु येशूउँइँले खबै सैं तोंबै ताँ छेनाले बिमिंमा चर्बै ल्हें यहूदीमैं नेरो ग्रिकमैंइ येशूए फिर बिश्‍वास लइ।

चेला चिब्मैंए केमैं 17:11

चर्बै यहूदीमैं थेसलोनिकाथेंमैं भन्दा स्वाब मुँल: चमैंइ परमेश्‍वरए ताँ बेल्‍ले छ्याँब ङ्हाँसि सैंर किंइ, धै चु ताँमैं पावलइ बिबै ताँने क्ह्रिम् उ आक्ह्रि बिसि त्हिंइ ह्रोंसे परमेश्‍वरए छ्वेर्बै ताँमैं खेसि क्होल् म्हैमल।

चेला चिब्मैंए केमैं 17:17

छतमा च यहूदीमैं च्हों धिंर ह्‍यासि यहूदीमैं नेरो परमेश्‍वर म्‍हाँदिबै ग्रिक म्हिमैंने छलफल लरिमल, धै बजारर खीने त्होब्मैंने या त्हिंइ ह्रोंसे छलफल लरिमल।

चेला चिब्मैंए केमैं 18:13

झाइले चमैंइ बिइ, “परमेश्‍वर म्हाँदिबै ल्हागिर चु म्हिइ ङ्योए ठिमने आक्ह्रिल्‍ले म्हिमैंलाइ लोमिंरिइमुँ।”

चेला चिब्मैंए केमैं 18:19

झाइले चमैं एफिससर फेखसि पावलइ प्रिस्‍किला नेरो अकिलास चर्न वाथेंइ। पावल बिस्याँ च्हों धिंर होंसि यहूदीमैंने छलफल लबर होंइ।

चेला चिब्मैंए केमैं 19:26

दिलेया पावलइ एफिससर मत्‍त्रे आङिं, एशियार्बै ल्हें क्ल्ह्‍योर ‘योइ बनेबै देवतामैं तोइ सैइ आङिं’ बिसि ल्हें म्हिने लोमिंब क्हेमैंइ म्रोंरिइमुँ, थेरिइमुँ।

चेला चिब्मैंए केमैं 19:8

पावल च्हों धिंर ह्‍यासि म्हैंन सोंल् समन् परमेश्‍वरए ग्याल्सए बारेर चमैंने आङ्हिंन्ले छलफल लसि म्हिंमैंइ क्होरिगे बिसि लोमिंरिइ।

चेला चिब्मैंए केमैं 26:28

अग्रिपासइ पावलने बिइ, “तिस्यार्न क्हिइ ङ ख्रीष्‍टियान लल् म्हैल् वा?”

चेला चिब्मैंए केमैं 28:23

च लिउँइँ चमैंइ पावलए ताँ थेबर त्हिंइ घ्रि तोक्दिइ। छतमा ल्हें म्हि पावल टिबै क्ल्ह्‍योर खइ। धै चइ न्हाँगउँइँले ङेसा समा परमेश्‍वरए ग्याल्सर्बै ताँमैं लोमिंइ। चइ मोशाइ पिंबै ठिम नेरो अगमबक्‍तामैंए कितबमैंउँइँले पावलइ परमेश्‍वरए ग्याल्सर्बै ग्वाइ पिंसि यशूए बारेर्बै ताँमैं क्होमिंबै भों लरिल।

चेला चिब्मैंए केमैं 9:20

झाइले चर टिबै तोंदोंन् चइ येशू परमेश्‍वरए च्ह ग बिसि म्हि च्हों धिंजरे येशूए ताँमैं बिबर होंइ।

२ कोरिन्थी 5:11

छतसि परमेश्‍वरने ङ्हिंल् त्हुम् बिब् सेसि ङिइ अरू म्‍हिमैंलाइ प्रभुए बारेर लोमिंम्। ङि खैब मुँ बिब परमेश्‍वरजी सेइमुँ, झाइले ङिइ खैले छ्ह थोइमुँ बिब क्‍हेमैंइ छेनाले था सेरिगे बिब ङए सैंर मुँ।