चेला चिब्मैंए केमैं 18:28 - परमेश्‍वरए ताँ तमु क्युइर

²⁸ तलेबिस्याँ चइ ताँन् म्हिमैंए उँइँर परमेश्‍वरए छ्वेर्बै ताँमैंउँइँले, “येशून् परमेश्‍वरजी कुल्मिंबै म्रुँ ख्रीष्‍ट ग,” बिसि यहूदीमैंए ताँ थोमा चमैंइ तोइ ज्वाफ पिंल् आखाँब् लइ।

चेला चिब्मैंए केमैं 18:28 ပူးပေါင်းရင်းမြစ်များ

लूका 1:80

च लिउँइँ कोलो यूहन्‍ना थेब् तदै ह्‍यासि सैं या चिदै ह्‍याइ। दिलेया इस्राएलीमैंए म्हाँजोर चु ताँमैं बिबै त्हे आतन् समा च म्‍हि आटिबै ‍क्ल्ह्‍योर्न टिइ।

लूका 24:27

च लिउँइँ मोशा नेरो अगमबक्‍तामैंइ खीए बारेर प्‍ह्रिथेंबै ताँमैंए अर्थ खीजी चमैंलाइ क्होमिंइ।

लूका 24:44

झाइले खीजी चमैंने बिइ, “मोशाइ प्‍ह्रिबै ठिम, अगमबक्‍तामैंइ प्‍ह्रिबै ताँमैं नेरो भजनसंग्रहर ङए बारेर प्‍ह्रिथेंबै ताँमैं पूरा तल् त्‍हुम् बिसि ङइ ओंसोंन् क्‍हेमैंने मुँमा बिल।”

यूहन्‍ना 5:39

“परमेश्‍वरए छ्वेर खोंयोंइ आखाँबै छ्ह योंम् बिसि क्‍हेमैंइ म्हैरिम्, ङए बारेर ग्वाइ पिंबम् परमेश्‍वरए छ्वे ग।

चेला चिब्मैंए केमैं 17:3

“परमेश्‍वरजी कुल्मिंबै म्रुँ ख्रीष्‍टजी क्ह्रोंसेंन दुःख नोसि सिबउँइँले धबै सोगों तल् त्हुमल। येशूउँइँले खबै सैं तोंबै ताँ ङ क्हेमैंने बिमिंम्। खीन् परमेश्‍वरजी कुल्मिंबै म्रुँ ख्रीष्‍ट ग!” बिसि चइ परमेश्‍वरए छ्वेउँइँले प्रमाण उँइँइ।

चेला चिब्मैंए केमैं 18:25

चइ मुक्‍ति पिंबै प्रभु येशूए बारेरर्बै ताँमैं सेल। चइ खों न्होंउँइँले भों खदै येशूए बारेर्बै ताँमैं छेनाले लोमिंब्रें लमल। छान् तलेया चइ यूहन्‍नाइ पिंबै बप्‍तिस्मा मत्‍त्रे था सेल।

चेला चिब्मैंए केमैं 18:5

झाइले सिलास नेरो तिमोथी माकेडोनियाउँइँले फेखमा पावल अरू के आलल्‍ले परमेश्‍वरए ताँ बिमिंमल, धै “येशून् परमेश्‍वरजी कुल्मिंबै म्रुँ ख्रीष्‍ट ग!” बिसि यहूदीमैंने ग्वाइ पिंमल।

चेला चिब्मैंए केमैं 8:35

छबिमा फिलिपइ परमेश्‍वरए छ्वेर्बै च खण्‍डउँइँलेन् येशूउँइँले खबै सैं तोंबै ताँ चने बिमिंइ।

चेला चिब्मैंए केमैं 9:22

दिलेया शाऊल आङ्हिंनले येशूए ताँ बिमिंबर भोंब् ततै ह्‍याइ, धै येशून् परमेश्‍वरजी कुल्मिंबै म्रुँ ख्रीष्‍ट ग बिसि प्रमाण पिंमा दमस्कसर्बै येहूदिमैंइ अकमक्‍क तसि तोइ ज्वाफ पिंल् आखाँ।