चेला चिब्मैंए केमैं 18:27 - परमेश्‍वरए ताँ तमु क्युइर

²⁷ झाइले अपोल्‍लसइ अखैया ह्‍युलर ह्‍याबै सैं लमा अलि-अङाँमैंइ च चर ह्‍याबर भों पिंइ, धै चइ बिबै ताँ क्वेंरिगे बिसि चर्बै चेलामैंए मिंरि भों पिंदै प्ह्रिछ्या (चिट्ठि) प्ह्रिइ। अपोल्‍लस चर फेनेसि परमेश्‍वए दयाम्हाँयाउँइँले प्रभुए फिर बिश्‍वास लबै म्हिमैंलाइ बेल्‍ले ल्होमिंइ।

चेला चिब्मैंए केमैं 18:27 ပူးပေါင်းရင်းမြစ်များ

चेला चिब्मैंए केमैं 1:15

दे त्हे लिउँइँ येशूए फिर बिश्‍वास लबै प्रसे ङ्हिस्युदे म्हिमैं खागु तमा चमैंए म्हाँजोर पत्रुस रासि बिइ,

चेला चिब्मैंए केमैं 11:26

बारनाबासइ शाऊल टार्ससर त्होसि एन्‍टिओखियार पखइ। तिदिं समन् चमैं बिश्‍वासीमैंने त्होब्‍ब्रें लसि ल्हें म्हिलाइ लोमिंइ। एन्‍टिओखियार्न धाँसे ओंसों ख्रीष्‍टए चेलामैंने ख्रीष्‍टियान बिबै मिं थेंइ।

चेला चिब्मैंए केमैं 15:34

[दिलेया सिलासइ बिस्याँ चर्न टिब छ्याँब ङ्हाँइ।]

चेला चिब्मैंए केमैं 18:12

अखैया बिबै ह्‍युलर गलियोन बिबै म्हि रोमी क्रथे तमा यहूदीमैं ताँन् क्ह्रिसि पावलए बिरोध लइ, धै अदालतर बोइ।

चेला चिब्मैंए केमैं 18:18

च लिउँइँ पावल ल्हें त्हिंइ समा कोरिन्थर्न टिइ। धै अलि-अङाँमैंने फ्रेसि किंक्रिया बिबै नाँसर ह्‍याइ। पावलइ ओंसोंन् भक्‍कल लसि क्र आखोरल, दिलेया च भक्‍कलए त्हे पूरा तबइले चइ किंक्रियार क्र खोरइ। झाइले क्यु झाजर क्रेसि सिरिया ह्‍याइ। चने बालु प्रिस्‍किला नेरो अकिलासै या ह्‍याइ।

चेला चिब्मैंए केमैं 19:1

अपोल्‍लस कोरिन्‍थ सहरर मुँमा पावल एशिया ह्‍युलउँइँले एफिसस सहरर खइ। चर्बै को-कोइ चेलामैंने त्होसि

चेला चिब्मैंए केमैं 9:27

दिलेया बारनाबास बिबै चेलाइ शावल त्होसि चलाइ कुल्मिंबै चेला चिब्मैं ङाँर बोमिंइ। “घ्याँर प्रमा शाऊलइ प्रभु म्रोंइ, प्रभु चने बालु पोंइ, झाइले दमस्कसर येशूए मिंउँइँले खबै सैं तोंबै ताँ आङ्हिंन्ले अरूमैंने बिमिंइ,” बिबै ताँ या बारनाबासइ चेला चिब्मैंलाइ बिइ।

रोमी 1:5

प्रभु येशू ख्रीष्‍टउँइँले परमेश्‍वरजी ङए फिर दयाम्हाँया उँइँसि ख्रीष्‍टए के लबै ल्हागिर ङ कुल्मिंबै चेला चिब तल् पिंइ। ताँन् ह्रेंर्बै म्‍हिमैंइ बिश्‍वास लसि परमेश्‍वरजी बिबै ताँ म्हाँदिरिगे बिसि खीजी ङलाइ त्‍हाँइ।

१ कोरिन्थी 15:10

दिलेया परमेश्‍वरए दयाम्हाँया योंसि ङ तिंजोरो कुल्मिंबै चेला चिब तइ। झाइले परमेश्‍वरजी ङए फिर लबै दयाम्हाँया फाक्‍कर्बै आतइमुँ, बरु ङइ अरू कुल्मिंबै चेला चिब्मैंइ भन्दा ल्हें के लइमुँ। दिलेया चु छाबै के ङ ह्रोंसैन लब आङिं, ङने मुँबै परमेश्‍वरए दयाम्हाँयाजी लब् ग।

१ कोरिन्थी 16:3

धै ङ खसि क्‍हेमैंइ त्‍हाँबै म्हिमैंए योर्न प्ह्रिछ्या पिंसि क्हेमैंइ स्योबै मुइ पिंनेबर चमैं यरूशलेमर कुल्‍मिंब्‍मुँ।

१ कोरिन्थी 3:6

ङइ प्‍लु प्‍लुइ, अपोल्‍लसइ क्‍यु झोंइ, दिलेया परमेश्‍वरजीन् धुँ बडिमिंइ।

२ कोरिन्थी 1:24

ङिइ क्‍हेमैंलाइ “छाबै बिश्‍वास ललन् त्‍हुम्” बिसि कर आल्‍हैदि, तलेबिस्याँ क्‍हेमैं ह्रोंसन् बिश्‍वासर भोंब तइमुँ। बरु क्‍हेमैंए सैं तोंन् लमिंबै ल्हागिर ङि क्‍हेमैंने क्ह्रिसि के लबै सैं मुँ।

फिलिप्पी 1:25

च ताँ क्ह्रोंसेंन ङइ सेइमुँ: क्हेमैंए बिश्‍वास भोंसि ततै ह्‍यासि क्हेमैं सैं तोंन् लबर ङ अझै सोम्।

फिलिप्पी 1:29

क्हेमैंइ ख्रीष्‍टए फिर बिश्‍वास लब मत्‍त्रे आङिं, खीए ल्हागिर दुःख नोसि खीए सेवा लबर दयाम्हाँया योंइमुँ।

कलस्सी 2:12

छलेन क्‍हेमैं क्‍युर प्‍ल्हुँसि बप्‍तिस्मा किंमा क्हेमैं ख्रीष्‍टनेन् बालु सिसि पाब् ग। परमेश्‍वरजी ख्रीष्‍टलाइ सिबइले धबै सोगों लमिंल, धै क्हेमैंइ खीए शक्‍तिए फिर बिश्‍वास लबइले खीजी क्हेमैंलाज्यै या ख्रीष्‍टनेन् बालु सोगों लमिंइमुँ।

कलस्सी 4:10

ङने बालु झेलर च्युथेंबै थु अरिस्‍तार्खसइ क्‍हेमैंने जय मसीह बिमिंइमुँ। छलेन बर्णाबासए अलि फेबै मर्कूसज्‍यै या क्‍हेमैंने जय मसीह बिमिंइमुँ। (च मर्कूसए बारेर ङइ क्‍हेमैंलाइ ओंसों ताँ पिंइ: च क्हेमैं ङाँर खइबिस्‍याँ चए मान लद्।)