चेला चिब्मैंए केमैं 18:24 - परमेश्‍वरए ताँ तमु क्युइर

²⁴ अलेक्‍जेन्‍ड्रियाथें अपोल्‍लस मिं मुँबै यहूदी म्हि घ्रि एफिससर खइ। च बेल्‍ले पोंल् ह्रब नेरो परमेश्‍वरए छ्वेर्बै ताँमैं ताँन् ह्रब मुँल।

चेला चिब्मैंए केमैं 18:24 ပူးပေါင်းရင်းမြစ်များ

प्रस्थान 4:10

दिलेया मोशाइ याहवेहने बिइ, “प्रभु, ङ छेनाले पोंबै म्हि आङिं। ओंसों या पोंल् आह्रबन् मुँल, तोगो क्हि पोंबै लिउँज्यै या पोंल् आह्रबन् मुँ, तलेबिस्याँ ङ क्हुदिसि पोंबर क्हैइमुँ।”

मत्ती 13:52

धबै येशूजी चमैंने बिइ, “छतसि स्वर्ग ग्याल्सर्बै ताँ योंबै ताँन् शास्‍त्रिमैं धिंर्बै क्‍ल्‍हे धोंन् तब् ग। च धिं क्‍ल्‍हेइ ह्रोंसए धनसारउँइँले छारा नेरो स्योब सैमैं बैरु तेल् खाँम्।”

लूका 24:19

“तो ताँ जा?” बिसि येशूजी चमैंने ङ्योएमा चमैंइ बिइ, “नासरतथें येशूए बारेर्बै ताँ खी अगमबक्‍ता मुँल, खीजी परमेश्‍वर नेरो म्हिमैंए उँइँरि शक्‍ति मुँबै के लसि छ्याँबै ताँमैं लोमिंमल।

चेला चिब्मैंए केमैं 18:19

झाइले चमैं एफिससर फेखसि पावलइ प्रिस्‍किला नेरो अकिलास चर्न वाथेंइ। पावल बिस्याँ च्हों धिंर होंसि यहूदीमैंने छलफल लबर होंइ।

चेला चिब्मैंए केमैं 18:21

धै पावलइ चमैंने बिइ, “परमेश्‍वरए इच्छा मुँस्याँ ङ धबै क्हेमैं ङाँर खब्मुँ।” छ बिसि क्यु झाजर क्रेसि एफिससउँइँले ह्‍याइ।

चेला चिब्मैंए केमैं 18:28

तलेबिस्याँ चइ ताँन् म्हिमैंए उँइँर परमेश्‍वरए छ्वेर्बै ताँमैंउँइँले, “येशून् परमेश्‍वरजी कुल्मिंबै म्रुँ ख्रीष्‍ट ग,” बिसि यहूदीमैंए ताँ थोमा चमैंइ तोइ ज्वाफ पिंल् आखाँब् लइ।

चेला चिब्मैंए केमैं 19:1

अपोल्‍लस कोरिन्‍थ सहरर मुँमा पावल एशिया ह्‍युलउँइँले एफिसस सहरर खइ। चर्बै को-कोइ चेलामैंने त्होसि

चेला चिब्मैंए केमैं 27:6

चर इटालिया ह्‍युलर ह्‍याबै अलेक्‍जेन्ड्रिया सहरर्बै क्यु झाज घ्रि स्यासि कप्‍तानइ ङि चर क्रेमिंइ।

चेला चिब्मैंए केमैं 6:9

दिलेया को-कोइ यहूदीमैंइ स्तिफनसए बिरोधर प्होंबर होंइ। (चमैं “केब्छैंउँइँले फ्रेल् योंब्मैं” बिबै च्हों धिंर्बै म्हिमैं मुँल। चमैं कुरेनी, अलेक्जेन्ड्रिया, किलिकिया नेरो एशिया बिबै ह्‍युलर्बै म्हिमैं मुँल।)

चेला चिब्मैंए केमैं 7:22

धै मोशाइ मिश्रीमैंए तोन्दोंरि ज्ञानमैं लोइ। छतमा मोशा पोंल् ह्रब नेरो छ्याँबै के लबै म्हि तइ।

१ कोरिन्थी 1:12

क्‍हेमैं न्‍होंर कोइइ “ङ पावलए चेला ग,” कोइइ “ङ अपोल्‍लसए चेला ग,” कोइइ “ङ पत्रुसए चेला ग,” कोइइ “ङ ख्रीष्‍टए चेला ग,” बिम् रो।

१ कोरिन्थी 16:12

अलि अपोल्‍लसए बारेर्बै ताँ तो जा बिस्याँ, चलाइ अरू अलिमैंने क्‍हेमैं ङाँर ह्‍यारिगे बिसि ङइ ल्‍हेन् यो छ्युँ लइ। तिंयाँ समा चइ ह्‍याबै सैं आल, दिलेया लिउँइँ बिस्याँ मौका योंस्‍याँ खबै सैं लइमुँ।

१ कोरिन्थी 4:6

ओ अलि-अङाँमैं, क्हेमैं बिब् धों तरिगे बिसि ङइ क्हेमैंने अपोल्‍लस नेरो ङए नमुना उँइँसि चु ताँमैं प्ह्रिइमुँ। तलेबिस्याँ ङि धोंलेन् क्हेमैं या परमेश्‍वए छ्वेर बिब् धोंले छ्ह थोल् खाँरिगे, धै क्हेमैं न्होंरि खाबज्यै या कोइलाइ थेब् लब कोइलाइ च्योंब् लबै के आतरिगे।

२ कोरिन्थी 10:10

“पावलए प्ह्रिछ्यामैंरम् दयाम्हाँया आरेबै म्हिइ धोंले हौदिबै ताँमैं प्‍ह्रिम्, दिलेया ङ्यो ङाँर मुँमा चइ तोइ बिल् आखाँ,” बिसि को-कोइ बिम्।

कलस्सी 3:16

ख्रीष्‍टउँइँले खबै सैं तोंबै ताँ क्‍हेमैंए सैं न्होंर थेंन्। बेल्‍ले बुद्धि मुँल्‍ले घ्रिइ घ्रिलाइ लोमिंसि अर्थि पिंन्। खों न्होंउँइँले धन्यबाद पिंसि परमेश्‍वरए मिं क्वेबै ल्हागिर भजन, क्वेमैं नेरो पबित्र प्ल्हजी पिंबै क्वेमैं प्रिंसि सैं न्होंउँइँले खीए मिं क्वेद्।

तीतस 3:13

जेनास बिबै वकिल नेरो अपोल्‍लोसलाइ घ्‍याँर चैदिबै तोन्दोंरि सै पिंन्। चमैंलाइ तोइ सैलैया खाँचो आतरिगे।