चेला चिब्मैंए केमैं 18:12 - परमेश्‍वरए ताँ तमु क्युइर

¹² अखैया बिबै ह्‍युलर गलियोन बिबै म्हि रोमी क्रथे तमा यहूदीमैं ताँन् क्ह्रिसि पावलए बिरोध लइ, धै अदालतर बोइ।

चेला चिब्मैंए केमैं 18:12 ပူးပေါင်းရင်းမြစ်များ

मत्ती 27:19

पिलातस निसाफ लबै क्‍ल्‍ह्‍योर क्हुँरिबै त्हेर चए प्ह्रेंस्योइ चलाइ छ बिसि सउँसर पिमिंइ, “च छ्याब् आरेबै म्‍हिलाइ तोइ आलद्, तलेबिस्याँ च म्‍हिए कारणइ लमा तल् म्‍हुँइँसर म्‍होंडर ङइ ल्‍हें दुःख योंइ।”

यूहन्‍ना 19:13

पिलातसइ चु ताँ थेसि येशू दरबारए बैरु पुयुसि “युँमाइ स्युबै ह्‍यु” बिबै क्ल्ह्‍योरि निसाफ लबर क्हुँइ। (हिब्रू क्युइर च ह्‍युए मिं गब्‍बथा बिमुँ।)

चेला चिब्मैंए केमैं 13:12

चु ताँ म्रोंसि चर्बै क्रथेइ प्रभुए फिर बिश्‍वास लइ, तलेबिस्याँ प्रभुए बारेर्बै ताँ थेसि च छक्‍कन् तयाइ।

चेला चिब्मैंए केमैं 13:50

दिलेया यहूदीमैंइ परमेश्‍वरलाइ म्हाँदिबै थेबै कुलर्बै च्हमिरिमैं नेरो च सहरर्बै चिब्मैं सुरिदिवामा चमैंइ पावल नेरो बारनाबासए बिरोध लसि चमैंलाइ खेंमैंए ह्‍युलउँइँले ल्हावाइ।

चेला चिब्मैंए केमैं 13:7

च जादु लबै म्हि साइप्रस टापूर्बै क्रथे सर्गियस पौलुस बिबै म्हिने टिमल। सर्गियस पौलुस बुद्धि मुँबै म्हि मुँल। चइ शाऊल नेरो बारनाबास हुइसि परमेश्‍वरए ताँ थेबै सैं लइ।

चेला चिब्मैंए केमैं 13:8

दिलेया सर्गियस पौलुसइ परमेश्‍वरए ताँ आक्वेंरिगे बिसि एलुमास बिबै जादु लबै म्हिइ शाऊल नेरो बारनाबासए बिरोध लइ। (ग्रिक क्युइर एलुमासए अर्थ जादु लबै म्हि ग।)

चेला चिब्मैंए केमैं 14:19

च लिउँइँ एन्‍टिओखिया नेरो आइकोनियनउँइँले को-कोइ यहूदीमैं चर फेखइ, धै चमैंइ चर्बै म्हिमैं वाँसि पावललाइ युँमाइ ल्हिल् पिंइ, धै पावल सियाइ बिब् मैंसि सहर बैरु चैं बोइ।

चेला चिब्मैंए केमैं 14:2

दिलेया चमैंए ताँ आक्वेंबै यहूदीमैंइ बिस्याँ अरू ह्रेंमैं होंसिदिसि प्रभुए फिर बिश्‍वास लबै अलि-अङाँमैंए बिरोध लसि चमैंए सैं ककाँ क्युँक्युँ ङ्हाँन् लवाइ।

चेला चिब्मैंए केमैं 17:13

दिलेया थेसलोनिकार्बै यहूदीमैंइ “पावलइ परमेश्‍वरए ताँ बेरियारै या बिइ प्रइमुँ!” बिब् सेसि चमैं चरै या म्हिमैं उस्केबर फेखइ।

चेला चिब्मैंए केमैं 17:5

दिलेया कोइ यहूदीमैंइ ह्रिस लसि बजारर्बै बदमासमैं खागु लसि ल्हें म्हि रेसि सहरर खैला-बैला लबर होंइ, धै यासोनए धिंर खैच्हिजिले होंसि पावल नेरो सिलास म्हिमैंए उँइँर पखल् म्हैइ।

चेला चिब्मैंए केमैं 18:11

झाइले पावल परमेश्‍वरए ताँ लोमिंदै तिदिंसे म्हैंन ट्हुल् समा चमैंने बालु टिइ।

चेला चिब्मैंए केमैं 18:27

झाइले अपोल्‍लसइ अखैया ह्‍युलर ह्‍याबै सैं लमा अलि-अङाँमैंइ च चर ह्‍याबर भों पिंइ, धै चइ बिबै ताँ क्वेंरिगे बिसि चर्बै चेलामैंए मिंरि भों पिंदै प्ह्रिछ्या (चिट्ठि) प्ह्रिइ। अपोल्‍लस चर फेनेसि परमेश्‍वए दयाम्हाँयाउँइँले प्रभुए फिर बिश्‍वास लबै म्हिमैंलाइ बेल्‍ले ल्होमिंइ।

चेला चिब्मैंए केमैं 19:21

चु ताँमैं तबै लिउँइँ, पबित्र प्ल्हजी बिब् धोंले पावल माकेडोनिया नेरो अखैया ह्‍युलए घ्याँ तसि यरूशलेम ह्‍याबै सैं लइ। “धै चर फेबै लिउँइँ ङ रोम सहरर खैलसेया ह्‍यालन् त्हुम्,” बिइ।

चेला चिब्मैंए केमैं 25:10

पावलइ बिइ, “ङ कैसर म्रुँए निसाफ लबै क्‍ल्‍ह्‍योर्न रारिइमुँ, चुर्न ङए निसाफ तल् त्‍हुम्। यहूदीमैंला ङइ तोइ न्होह्रों आलइमुँ। चु ताँ क्हिज्यै या छेनालेन् सेइमुँ।

रोमी 15:26

तलेबिस्याँ ग्रिस नेरो म्‍याकेडोनिया ह्‍युलजरेबै बिश्‍वासीमैंइ यरूशलेमर्बै यहूदी ङ्हाँदु बिश्‍वासी अलि-अङाँमैंए ल्हागिर च्हौदे मुइ पिमिंइमुँ।

रोमी 16:5

चमैंए धिंर मुँबै बिश्‍वासीमैंलाज्यै या ङए जय मसीह बिमिंन्। ङइ खोबै थु इपेनितसलाज्यै या जय मसीह मुँ। च एशिया ह्‍युलर्बै येशू ख्रीष्‍टए फिर बिश्‍वास लबै ओंसोंबै म्‍हि ग।

१ कोरिन्थी 16:15

अखैया ह्‍युलर्बै स्‍तिफनस नेरो चए परवाए बारेर क्‍हेमैंइ था सेइमुँ। च ह्‍युलर्बै म्हिमैं न्होंरि चमैं ताँन् भन्दा ओंसों प्रभुए फिर बिश्‍वास लब्मैं ग। परमेश्‍वरए म्‍हिमैंए सेवा छेनाले लबर चमैंइ ह्रोंसलाइन पिंवाइमुँ।

२ कोरिन्थी 1:1

परमेश्‍वरए इच्‍छाउँइँले येशू ख्रीष्‍टजी के लबर कुल्मिंबै चेला चिब ङ पावल नेरो ङ्योए अलि तिमोथीउँइँले कोरिन्‍थ सहरर्बै बिश्‍वासीमैं नेरो ग्रिस ह्‍युलर्बै परमेश्‍वरए ताँन् म्‍हिमैंलाइ जय मसीह मुँ।

२ कोरिन्थी 11:10

ख्रीष्‍टजी क्ह्रोंसेंन्बै ताँ बिब् धोंले ङज्‍यै या क्ह्रोंसेंन्बै ताँ बिम्: “ङइ क्‍हेमैंलाइ दुःख आपिं” बिसि प्हैंबै ताँ अखैया ह्‍युल तिगोंन् खाबज्‍यै ङलाइ आपोंन् बिल् आखाँ।

२ कोरिन्थी 11:26

छलेन येशू ख्रीष्‍टउँइँले खबै सैं तोंबै ताँ बिप्रमा ल्हें खे ङलाइ स्‍योंइ नोबोल् म्हैइ, ह्‍योमैंइ ङ सैल् म्हैइ, ह्रोंसए यहूदी ह्रेंमैं नेरो अरू ह्रेंमैंज्‍यै या ङलाइ दुःख पिंइ। सहरजरे या, म्‍हि आटिबै ह्‍युलरै या, मा ङ्युँइरै या, झाइले स्‍योर्गु थुमैंउँइँले या ङइ दुःख योंइ।

२ कोरिन्थी 9:2

तलेबिस्याँ क्‍हेमैंइ पिंबै सैं मुँ बिब ङइ सेइमुँ। छतसि ङइ माकेडोनिया ह्‍युलर्बै म्‍हिमैंने क्‍हेमैंए बारेर छ्याँबै बयन लसि छ बिइ, “अखैया ह्‍युलर्बै अलिमैं तुग्‍युम् ओंनोंन् भेटि रेसि ल्होबर तयार तइमुँ।” आगुलाइ ल्होबै ल्हागिर क्‍हेमैंइ सैं थेब् लब् म्रोंसि म्‍हिमैं या छाबन् के लबर भों खइमुँ।

१ थेसलोनिकी 2:14

ओ अलि-अङाँमैं, यहूदीया ह्‍युलर्बै बिश्‍वासीमैंइ योंब् धों तबै दुःख क्हेमैंज्यै योंइ। तलेबिस्याँ चमैंइ खेंमैंए यहूदी म्हिमैंउँइँलेन् दुःख योंब् धोंले क्हेमैंज्यै या ह्रोंसए ह्‍युलर्बै म्‍हिमैंउँइँले दुःख योंइ।

१ थेसलोनिकी 2:16

अरू ह्रेंमैंइ या जोगेरिगे बिसि ङिइ सैं तोंबै ताँ बिबर होंमा चमैंइ ङि पोंल् आपिं। छ लमा चमैंइ लरिबै आछ्याँबै के झन् ल्हें लइमु। छ तसि तोगो परमेश्‍वरए ह्रिस चमैंए फिरि बल्‍ल युइमु।

याकूब 2:6

दिलेया क्‍हेमैंइ मि ङ्हाँदुमैंलाइ म्हि आच्हि। क्‍हेमैंलाइ दुःख पिंब्मैं खाब् जा? च प्लब्‍मैंन् आङिं वा? क्‍हेमैंलाइ नियाधिश ङाँर बोब्मैं चमैंन् आङिं वा?