चेला चिब्मैंए केमैं 17:4 - परमेश्‍वरए ताँ तमु क्युइर

⁴ पावल नेरो सिलासए ताँ थेसि चमैंए न्‍होंर्बै को-कोइ यहूदीमैंइ चमैंइ बिबै ताँ क्वेंसि पावल नेरो सिलास ङाँइ ल्हैदिइ। धै परमेश्‍वर म्‍हाँदिबै ल्‍हें ग्रिकमैं नेरो ल्हें क्रथे मिंथे च्हमिरिमैं या चमैं ङाँइ ल्हैदिइ।

चेला चिब्मैंए केमैं 17:4 ပူးပေါင်းရင်းမြစ်များ

हितोपदेश 13:20

बुद्धि मुँबै म्हिने प्रबै म्हि बुद्धि मुँबन् तम्, आमादुमैंने प्रस्याँ नास तम्।

हितोपदेश 9:6

आछ्याँबै के लब्मैंने आप्रद्, ताँ क्होद् धै लोद्। छलस्याँ क्हेमैं सोब्मुँ,” बिम्।

यूहन्‍ना 7:35

छबिमा यहूदीमैंइ खें-खेंमैंए न्होंरि बिइ, “चु म्हि खनिर ह्‍याल् म्हैगे? ङ्योइ खी स्याल् आखाँ बिब? चु ह्रोंसए ह्‍युल पिसि खन्तोंदोंन् प्हुँइ टिबै यहूदीमैं ङाँर ह्‍यासि ग्रिकमैंलाइ लोमिंल् ङ्हाँइँमुँ उ तो जा?

चेला चिब्मैंए केमैं 13:43

च्हों धिंर्बै ताँमैं खाँबै लिउँइँ ल्‍हें यहूदीमैं नेरो यहूदी धर्म म्‍हाँदिबै अरू ह्रेंर्बै म्‍हिमैं पावल नेरो बारनाबासए लिलि प्रइ। धै पावल नेरो बारनाबासइ चमैंए सैं भोंब लमिंसि बिइ, “परमेश्‍वरए दयाम्हाँयार खोंयोंन् बिलै तरिद् ओ।”

चेला चिब्मैंए केमैं 13:50

दिलेया यहूदीमैंइ परमेश्‍वरलाइ म्हाँदिबै थेबै कुलर्बै च्हमिरिमैं नेरो च सहरर्बै चिब्मैं सुरिदिवामा चमैंइ पावल नेरो बारनाबासए बिरोध लसि चमैंलाइ खेंमैंए ह्‍युलउँइँले ल्हावाइ।

चेला चिब्मैंए केमैं 14:1

पावल नेरो बारनाबास आइकोनियन सहरर ह्‍यामा एन्‍टिओखिया सहरर तब् धोंलेन् चरै या तइ। चमैं येहूदिमैंए च्हों धिंर होंसि प्रभु येशूउँइँले खबै सैं तोंबै ताँ छेनाले बिमिंमा चर्बै ल्हें यहूदीमैं नेरो ग्रिकमैंइ येशूए फिर बिश्‍वास लइ।

चेला चिब्मैंए केमैं 14:4

दिलेया सहरर्बै म्हिमैं आक्ह्रिबर होंइ, धै कोइ यहूदीमैंने त्हुँयाँइ, कोइ कुल्मिंबै चेला चिब्मैंने त्हुँइ।

चेला चिब्मैंए केमैं 15:22

च लिउँइँ कुल्मिंबै चेला चिब्मैं, एल्डरमैं नेरो ताँन् चर्चर्बै म्हिमैं क्ह्रिसि खेंमैंए न्होंउँइँले को-कोइ म्हिमैं त्हाँसि पावल नेरो बारनाबासने एन्‍टिओखियार कुलल् त्हुइ बिसि मैंइ, च म्हिमैं न्होंरि यहूदा बिबै बारसाबास नेरो सिलास त्हाँइ। प्रभुए फिर बिश्‍वास लब्मैं न्होंरि चमैं ङ्हिं अगुवामैं मुँल।

चेला चिब्मैंए केमैं 15:27

छतसि ङिइ चुमैं ङ्हिंने यहूदा नेरो सिलास कुलइमुँ, ङिंइ प्ह्रिबै ताँमैं चमैंज्यै क्हेमैंने बिमिंब्मुँ।

चेला चिब्मैंए केमैं 15:32

यहूदा नेरो सिलास अगमबक्‍तामैं तबइले चर्बै अलि-अङाँमैंलाइ परमेश्‍वरए ताँउँइँले ल्हें अर्थि बुद्धिए ताँमैं लोमिंसि चमैं प्रभुए फिर बिश्‍वास लबर भोंब् लमिंइ।

चेला चिब्मैंए केमैं 15:40

पावलइ बिस्याँ खीने बालु ह्‍याबर सिलास त्हाँइ। झाइले बिश्‍वासीमैंइ “परमेश्‍वरए दयाम्हाँया क्हेमैंए फिर तरिगे!” बिसि चमैंलाइ पर्मेश्‍वरए योर पिंसि बिदा पिंइ।

चेला चिब्मैंए केमैं 16:3

पावलइ च ह्रोंसने बालुन् बोदा ङ्हाँइ। धै च क्ल्ह्‍योर्बै यहूदीमैंइ दुःख आपिंरिगे बिसि पावलइ तिमोथी बोसि चए ज्युर चिनु लइ, तलेबिस्याँ चए आबा ग्रिक ग बिसि यहूदीमैंइ था सेला

चेला चिब्मैंए केमैं 17:10

झाइले च तोंदोंन् प्रभुए फिर बिश्‍वास लबै अलि-अङाँमैंइ पावल नेरो सिलास म्‍हुँइँसर्न बेरिया सहरउँइँ कुल्मिंइ, चमैं चर फेनेसि यहूदीमैंए च्हों धिं न्होंर ह्‍याइ।

चेला चिब्मैंए केमैं 17:12

छतसि चुमैंए न्होंर्बै ल्हें म्हिइ प्रभु येशूए फिर बिश्‍वास लइ। थेबै कुलर्बै ग्रिक च्हमिरिमैं नेरो ल्हें ग्रिक मुँयुँमैंज्यै या प्रभुए फिर बिश्‍वास लइ।

चेला चिब्मैंए केमैं 17:14

च तोंदोंन् बेरियार्बै प्रभुए फिर बिश्‍वास लबै अलि-अङाँमैंइ पावल मा ङ्युँइए रेजरे कुल्मिंइ। सिलास नेरो तिमोथी बिस्याँ चर्न टिइ।

चेला चिब्मैंए केमैं 17:17

छतमा च यहूदीमैं च्हों धिंर ह्‍यासि यहूदीमैं नेरो परमेश्‍वर म्‍हाँदिबै ग्रिक म्हिमैंने छलफल लरिमल, धै बजारर खीने त्होब्मैंने या त्हिंइ ह्रोंसे छलफल लरिमल।

चेला चिब्मैंए केमैं 17:34

पावलइ बिबै ताँ क्वेंसि को-कोइ म्हिमैं चने बालुन् ह्‍याइ। चमैंए न्होंरि म्हि च्होंर्बै डियनुसियस बिबै म्हि, दामारिस बिबै च्हमिरि, नेरो अरू म्हिमैंज्यै या प्रभुए फिर बिश्‍वास लइ।

चेला चिब्मैंए केमैं 18:4

पावल प्रिबै त्हिंइ ह्रोंसे यहूदीमैंए च्हों धिंर ह्‍यासि परमेश्‍वरए ताँ बिमिंसि यहूदीमैं नेरो ग्रिकमैंने ताँ छलफल लसि परमेश्‍वरए ताँ क्होमिंबै भों लमल।

चेला चिब्मैंए केमैं 19:10

ङ्हिंदि समन् चु के तरिइ, छतमा एशिया ह्‍युलर्बै ताँन् म्हिमैं, यहूदी नेरो ग्रिक ङ्हिंना-ङ्हिंनइ, प्रभुए ताँ थेइ।

चेला चिब्मैंए केमैं 2:44

येशूए फिर बिश्‍वास लब्मैं ताँन् बालुन् टिमल, धै चमैंने मुँबै तोन्दोंरि सैमैं गमस्तर तमल।

चेला चिब्मैंए केमैं 21:28

“ओ इस्राएलर्बै म्हिमैं, ङि ल्होमिंन्! तलेबिस्याँ चु खन्तोंदोंबै म्हिमैंने ङ्योए ह्रें, ङ्योए ठिम नेरो चु मन्दिरए बिरोधर लोमिंदै प्रबै म्हि चुन् ग। च्हौ मत्‍त्रे आङिं, चुइ ग्रिकमैं या चु मन्दिर न्होंर पखसि ङ्योए पबित्र क्ल्ह्‍यो अशुद्ध लवाइमुँ,” बिदै चमैं ओरबर होंइ।

चेला चिब्मैंए केमैं 28:24

चइ बिबै ताँ थेसि को-कोइइ क्वेंइ, को-कोइइ आक्वें।

चेला चिब्मैंए केमैं 4:23

छाइले त्होंखसि पत्रुस नेरो यूहन्‍ना खेंमैए थुमैं ङाँर खसि ख्रो पिंबै खेगि चिब्मैं नेरो चिबनाँब्मैंइ बिबै ताँन् ताँमैं चमैंने बिइ।

२ कोरिन्थी 8:5

ङिए सैंर मैंब् धोंले चमैंइ आल, बरु चमैंइ ओंसों ह्रोंसलाइ प्रभुने सुम्पिदिइ, धै परमेश्‍वरए सैंर मैंब् धोंले खीए के लबर चमैंइ ह्रोंसलाइ ङिने सुम्पिदिइ।