चेला चिब्मैंए केमैं 17:19 - परमेश्‍वरए ताँ तमु क्युइर

¹⁹ छतसि चमैंइ पावल अरियोपागसर्बै म्हि च्होंर बोसि, “क्हिइ लोमिंबै चु छारा ताँमैं तो जा? ङिज्यै या क्होल् खाँम्‍मा?” बिसि ङ्योएइ।

चेला चिब्मैंए केमैं 17:19 ပူးပေါင်းရင်းမြစ်များ

मत्ती 10:18

क्‍हेमैं ङए चेलामैं तबइले म्हिमैंइ क्‍हेमैं क्हासि क्रथेमैं नेरो म्रुँमैंए उँइँर राल् पिंब्‍मुँ। च त्हेर क्‍हेमैंइन चमैं नेरो अरू ह्रेंमैंने ङए ताँमैं बिमिंल् त्‍हुब्‍मुँ।

मर्कूस 1:27

छ तब् म्रोंसि चर मुँबै म्‍हिमैं ताँन् प्लेटोयासि “चु खै तबै म्हि मुँगे? खोंयोंइ आथेबै ताँमैं या लोमिंमना! धै हग मुँल्‍ले मोंमैंलाइ त्होंह्‍याद् बिमा मोंमैंइ खीजी बिब ङिंमना बिबर होंइ।”

यूहन्‍ना 13:34

लद् बिबै छारा ताँ घ्रि ङइ क्हेमैंने बिमुँ: क्हेमैंइ घ्रिइ-घ्रिने म्हाँया लद्। ङइ क्हेमैंने म्हाँया लब् धोंले क्हेमैंज्यै या घ्रिइ-घ्रिने म्हाँया लद्।

चेला चिब्मैंए केमैं 17:20

“तलेबिस्याँ क्हिइ ङिने औदिबै ताँमैं बिरिइमुँ। छतसि चु ताँइ बिल् म्हैब तो जा? ङि च ताँमैं क्होदा ङ्हाँइमुँ।”

चेला चिब्मैंए केमैं 17:22

छतमा पावलइ अरियोपागसए म्हि च्होंए म्हाँजोर रासि बिइ, “ओ एथेन्‍सथेंमैं! क्हेमैं बेल्‍ले धर्मए केमैं लदा ङ्हाँब्मैं मुँन बिब ङइ सेइमुँ।

चेला चिब्मैंए केमैं 17:34

पावलइ बिबै ताँ क्वेंसि को-कोइ म्हिमैं चने बालुन् ह्‍याइ। चमैंए न्होंरि म्हि च्होंर्बै डियनुसियस बिबै म्हि, दामारिस बिबै च्हमिरि, नेरो अरू म्हिमैंज्यै या प्रभुए फिर बिश्‍वास लइ।

चेला चिब्मैंए केमैं 23:19

चिबइ च कोलोए यो क्हासि तिराइ बोसि “क्हिइ ङने बिल् त्हुबै ताँ तो जा?” बिसि ङ्योएइ।

चेला चिब्मैंए केमैं 24:24

दे त्हिंइ लिउँइँ फेलिक्स ह्रोंसए यहूदी प्ह्रेंस्यो द्रुसिल्‍लाने बालु खसि पावललाइ हुइइ। धै ख्रीष्‍ट येशूए फिर बिश्‍वास लबै बारेर्बै ताँ चउँइँलेन् थेइ।

चेला चिब्मैंए केमैं 25:22

चु ताँ थेसि अग्रिपासइ “चु म्हिए ताँ ङज्यै या थेदा ङ्हाँइमुँ,” बिमा फेस्‍तसइ “प्हँन क्हिइ चए ताँ थेब्मुँ,” बिइ।

चेला चिब्मैंए केमैं 26:1

च लिउँइँ अग्रिपासइ पावलने बिइ, “तारे क्‍हिइ ह्रोंसए ताँ बिद्।” छबिमा पावलइ यो स्‍योंसि ह्रोंसलाइ जोगेबै ताँ छले बिबर होंइ,