चेला चिब्मैंए केमैं 17:18 - परमेश्‍वरए ताँ तमु क्युइर

¹⁸ को-कोइ इपिक्‍युरि नेरो स्‍तोइकि ह्रब्-सेब्मैंज्यै या पावलने छलफल लइ। चमैं न्होंर्बै कति म्हिमैंइ “चु ल्हें पोंबै म्हिइ तो बिइमुँ जा?” बिसि ङ्योएमल। अरू म्हिमैंइ बिइ, “आगुए ह्‍युलर्बै देवतामैंए ताँ लरिब् धों ङ्हाँम्।” तलेबिस्याँ पावलइ येशूए बारेर नेरो म्हिमैं सिसि धबै सोगों तबै ताँमैं बिरिमल।

चेला चिब्मैंए केमैं 17:18 ပူးပေါင်းရင်းမြစ်များ

हितोपदेश 23:9

आमादुने ताँ आसेद्, तलेबिस्याँ क्हिइ पोंबै बुद्धिए ताँमैं चइ आखो।

हितोपदेश 26:12

ह्रोंसन् ह्रब्-सेब् ग बिसि प्हैंबै म्हि म्रोंइमुँ वा? छाबै म्हि भन्दा बरु आमादुए फिर आशा थेंल् खाँम्।

मर्कूस 9:14

झाइले खेंमैं अरू चेलामैं ङाँर एखमा चेलामैंए खागु म्हिए हुल रारिब नेरो को-कोइ शास्‍त्रिमैंइ चेलामैंने ताँमैं ङ्योएरिब् म्रोंइ।

लूका 11:53

येशू च धिंउँइँले त्‍होंबै लिउँइँ शास्‍त्रिमैं नेरो फरिसीमैंइ खीए बिरोध लदै खीने ल्‍हें ताँमैं ङ्योएबर होंइ।

चेला चिब्मैंए केमैं 26:23

तो ताँमैं जा बिस्याँ, परमेश्‍वरजी कुल्मिंबै म्रुँ ख्रीष्‍टजी दुःख योंसि सिल् त्हुब्मुँ, धै सिसि धबै सोगों तब्मैंए न्होंर ताँन् भन्दा ओंसों खी सोगों तसि ह्रोंसए यहूदी ह्रें नेरो अरू ह्रेंमैंने या परमेश्‍वरए ह्‍वे सेल् पिंब्मुँ बिसि चमैंइ बिल।”

चेला चिब्मैंए केमैं 4:2

“येशू सिसि धबै सोगों तब् धोंलेन् म्हिमैं सिलेना धबै सोगों तब्मुँ,” बिसि पत्रुस नेरो यूहन्‍नाइ म्हिमैंने लोमिंमल। छतमा च सदुकीमैं ह्रिस खल।

चेला चिब्मैंए केमैं 5:42

दिलेया चमैंइ त्हिंइ ह्रोंसे मन्दिर नेरो धिं-धिंर ह्‍यासि “येशून् परमेश्‍वरजी कुल्मिंबै म्रुँ ख्रीष्‍ट ग” बिसि बिप्रब आपि।

चेला चिब्मैंए केमैं 6:9

दिलेया को-कोइ यहूदीमैंइ स्तिफनसए बिरोधर प्होंबर होंइ। (चमैं “केब्छैंउँइँले फ्रेल् योंब्मैं” बिबै च्हों धिंर्बै म्हिमैं मुँल। चमैं कुरेनी, अलेक्जेन्ड्रिया, किलिकिया नेरो एशिया बिबै ह्‍युलर्बै म्हिमैं मुँल।)

रोमी 1:22

“ङ बुद्धि मुँबै म्हि ग” बिसि मैंनाबिलेया चमैंल बुद्धि तिफुँइ आरे।

१ कोरिन्थी 3:18

ह्रोंसैन ह्रोंसलाइ धोका आपिंन्: क्हेमैंए न्होंरि खाबज्‍यै या “चु ह्‍युलर्बै बुद्धि मुँबै म्हि ङन् ग” बिसि मैंम् बिस्याँ क्ह्रोंसेंन्बै बुद्धि मुँबै म्हि तल् खाँरिगे बिसि च बुद्धि आरेबै म्हि धों तल् त्हुम्।

१ कोरिन्थी 4:10

ङिम् ख्रीष्‍टए ल्हागिर बुद्धि आरेब्मैं धोंन् तइमुँ, क्‍हेमैंम् ख्रीष्‍टर बुद्धि मुँब्मैं धों तइमुँ! ङि भों आरेब्मैं धोंन् तइमुँ, क्हेमैंम् भों मुँब्मैं धों तइमुँ! म्‍हिमैंइ क्‍हेमैंलाइ मान लम्, ङिलाइ हेल लम्।

कलस्सी 2:8

छतसि न्ह क्रों मि क्रोंले टिद्! म्‍हिउँइँले खबै केर आफेबै स्योलिबै ताँइ क्‍हेमैं परमेश्‍वरए क्ह्रोंसेंन्बै घ्‍याँउँइँले फ्रेल् आखाँरिगे। छाबै स्योलिबै ताँमैं ख्रीष्‍टउँइँले खब आङिं, ह्‌युल ग्याल्स ओलेबै मोंमैंउँइँले नेरो म्‍हिमैंइ लबै रोसमैंउँइँले खब् ग।