चेला चिब्मैंए केमैं 16:9 - परमेश्‍वरए ताँ तमु क्युइर

⁹ म्हुँइँसर पावलइ छाबै दर्शन घ्रि म्रोंइ: माकेडोनिया ह्‍युलर्बै म्हि घ्रि रासि “माकेडोनियार खसि ङि ल्होमिंन्!” बिसि यो छ्युँ लरिल।

चेला चिब्मैंए केमैं 16:9 ပူးပေါင်းရင်းမြစ်များ

चेला चिब्मैंए केमैं 10:3

तिगें त्हिंइर्बै सों ह्राबै त्हेजरे परमेश्‍वरए स्वर्गदूत घ्रि दर्शनर च ङाँइ युसि, “ओ कर्नेलियस!” बिरिब चइ थेइ।

चेला चिब्मैंए केमैं 10:30

झाइले कर्नेलियसइ बिइ, “प्लिरो ओंसों सों ह्राबै त्हेजरे ङ धिंर प्राथना लरिमा फोस्रे ब्योंबै क्वें खिबै म्हि घ्रि ङए उँइँर रासि

चेला चिब्मैंए केमैं 16:10

पावलइ छाबै दर्शन म्रोंबै तोंदोंन् ङि माकेडोनियार ह्‍याबर छेइ। तलेबिस्याँ चमैंने सैं तोंबै ताँ बिमिंबर परमेश्‍वरजी ङि हुइना बिसि ङिइ सेइ।

चेला चिब्मैंए केमैं 16:12

छाइले फिलिप्‍पीर फेखइ। च सहर माकेडोनिया बिबर्बै थेबै सहर नेरो ल्हें रोमीमैं टिबे क्ल्ह्‍यो मुँल। ङि च सहरर दे त्हिंइ टिइ।

चेला चिब्मैंए केमैं 18:5

झाइले सिलास नेरो तिमोथी माकेडोनियाउँइँले फेखमा पावल अरू के आलल्‍ले परमेश्‍वरए ताँ बिमिंमल, धै “येशून् परमेश्‍वरजी कुल्मिंबै म्रुँ ख्रीष्‍ट ग!” बिसि यहूदीमैंने ग्वाइ पिंमल।

चेला चिब्मैंए केमैं 19:21

चु ताँमैं तबै लिउँइँ, पबित्र प्ल्हजी बिब् धोंले पावल माकेडोनिया नेरो अखैया ह्‍युलए घ्याँ तसि यरूशलेम ह्‍याबै सैं लइ। “धै चर फेबै लिउँइँ ङ रोम सहरर खैलसेया ह्‍यालन् त्हुम्,” बिइ।

चेला चिब्मैंए केमैं 19:22

झाइले चइ ह्रोंसए सेवा लबै तिमोथी नेरो इरास्‍तस माकेडोनियार कुल्मिंइ, च बिस्याँ दे त्हिंइ एशिया ह्‍युलर्न टिइ।

चेला चिब्मैंए केमैं 19:29

छतमा च सहर तिगोंन् खैला-बैला तइ धै चमैं घ्रि तसि पावलने प्रबै माकेडोनियाथेंमैं ङ्हिं गायस नेरो अरिस्‍तार्खस क्हासि रङ्गशालए न्होंर चैंदै बोइ।

चेला चिब्मैंए केमैं 20:1

चु खैला-बैला च्याँ तबै लिउँइँ पावलइ चर्बै चेलामैं हुइसि चमैंलाइ अर्थि पिंइ। धै चमैंने फ्रेसि माकेडोनिया ह्‍युलउँइँ ह्‍याइ।

चेला चिब्मैंए केमैं 20:3

पावल चर म्हैंन सोंल् समा टिइ। धै क्यु झाजर क्रेसि सिरिया ह्‍युलउँइँ ह्‍याबर होंमा यहूदीमैंइ चए बिरोधर जाल लइमुँ बिब् सेसि पावल माकेडोनिया तसिन् एह्‍याबै सैं लइ।

चेला चिब्मैंए केमैं 27:2

ङि एड्रामिटेनोस सहरउँइँले एशिया ह्‍युलए रे-रेबै क्ल्ह्‍यो ततै ह्‍याबै क्यु झाजर क्रेइ। छले ह्‍यामा माकेडोनिया ह्‍युलर्बै थेसलोनिकाथें अरिस्‍तार्खस बिबै म्हि घ्रि या ङिने बालु मुँल।

चेला चिब्मैंए केमैं 9:38

लुड्डा नाँस योप्पाउँइँले चेंदोन् मुँ, धै योप्पार मुँबै चेलामैंइ पत्रुस लुड्डार मुँ बिब् थेसि, “गाह्र आम्हाँदिन्ले युनन् ङि ङाँर खमिंन् ओ,” बिसि चए ङाँर म्हि ङ्हिं कुलइ।

रोमी 15:26

तलेबिस्याँ ग्रिस नेरो म्‍याकेडोनिया ह्‍युलजरेबै बिश्‍वासीमैंइ यरूशलेमर्बै यहूदी ङ्हाँदु बिश्‍वासी अलि-अङाँमैंए ल्हागिर च्हौदे मुइ पिमिंइमुँ।

२ कोरिन्थी 11:9

ङ क्‍हेमैं ङाँर मुँबै त्हेर ङलाइ मुइ चैदिमा ङइ क्‍हेमैंने तोइ खर्ज आह्रिल। बरु माकेडोनिया ह्‍युलउँइँले खबै अलिमैंइ ङए खाँचो पूरा लमिंइ। ङइ क्‍हेमैंलाइ ओंसों या तोइ सैरै या दुःख आपिंल, लिउँइँज्‍यै या तोइ दुःख पिंरिब आरे।

२ कोरिन्थी 12:7

दिलेया छाबै औदिबै दर्शनमैं ङइ ल्हें म्रोंलेया ङ थेब् आप्‍हैंरिगे बिसि प्रभुजी ङए ज्युर पुजु घ्रि थेंमिंइ। ङ थेब् आप्हैंरिगे बिसि च पुजु अथबा दुष्‍टए दूत घ्रि ङलाइ ह्रुगुदिबर थेंमिंइ।

२ कोरिन्थी 7:5

ङि माकेडोनिया ह्‍युलर फेनेसि तीतसइ पबै सँउँसर आयोंन् समा सन्‍दोक आरेल। चर ङिइ तो के ललेया खन्तोंदोंउँइँले दुःखन् तखइ, म्हिमैं ङिने प्‍होंमल, ङिए सैं ङ्हिंमल।

२ कोरिन्थी 8:1

ओ अलि-अङाँमैं, माकेडोनिया ह्‍युलर्बै बिश्‍वासीमैं न्‍होंरि परमेश्‍वरजी कति थेबै दयाम्हाँया लइ बिबै बारेर ङिइ क्‍हेमैंने बिम्।

२ कोरिन्थी 9:2

तलेबिस्याँ क्‍हेमैंइ पिंबै सैं मुँ बिब ङइ सेइमुँ। छतसि ङइ माकेडोनिया ह्‍युलर्बै म्‍हिमैंने क्‍हेमैंए बारेर छ्याँबै बयन लसि छ बिइ, “अखैया ह्‍युलर्बै अलिमैं तुग्‍युम् ओंनोंन् भेटि रेसि ल्होबर तयार तइमुँ।” आगुलाइ ल्होबै ल्हागिर क्‍हेमैंइ सैं थेब् लब् म्रोंसि म्‍हिमैं या छाबन् के लबर भों खइमुँ।

१ थेसलोनिकी 4:10

धै क्हेमैंइ माकेडोनिया ह्‍युलर्बै ताँन् प्रभुए फिर बिश्‍वास लबै अलि-अङाँमैंने क्ह्रोंसेंन म्हाँया लइमुँ। ओ अलि-अङाँमैं, छलेन अझै म्हाँया लरिद् बिसि ङि क्हेमैंलाइ अर्थि पिंमुँ।