चेला चिब्मैंए केमैं 16:6 - परमेश्‍वरए ताँ तमु क्युइर

⁶ पबित्र प्ल्हजी एशिया ह्‍युलरि प्रभुए ताँ बिल् आपिंबइले चमैं फ्रिगिया नेरो गलातिया ह्‍युल ततै ह्‍यामा

चेला चिब्मैंए केमैं 16:6 ပူးပေါင်းရင်းမြစ်များ

लूका 1:2

ओंसों ओंनोंन् चु ताँन् ताँ म्रोंब नेरो येशूउँइँले खबै सैं तोंबै ताँ बिमिंबै म्‍हिमैंइ च ताँमैं ङ्योलाइ सेल् पिंल। छतसि चमैंउँइँले ल्हें ताँमैं योंसि म्‍हिमैंइ प्‍ह्रिना।

चेला चिब्मैंए केमैं 10:19

पत्रुस ह्रोंसइ म्रोंबै दर्शन तो मुँगे बिसि मैंरिमा पबित्र प्ल्हजी चने बिइ, “ङ्‍ह्‍योद्, म्हि सोंइ क्हि म्हैरिमुँ।

चेला चिब्मैंए केमैं 11:12

झाइले पबित्र प्ल्हजी, ‘चमैंने बालु तोइ आङ्हाँन्ले ह्‍याद्,’ बिसि ङने बिइ। छबिमा चु अलिमैं टुग्लो या ङने बालुन् कैसरिया नाँसर ह्‍यासि ङि कर्नेलियसए धिंर होंइ।

चेला चिब्मैंए केमैं 16:7

माइसिया ह्‍युलर्बै साँदर खबै लिउँइँ चमैंइ बिथिनिया ह्‍युलउँइँ ह्‍याबै सैं लइ, दिलेया येशूए प्ल्हजी चमैं चर ह्‍याल् आपिं।

चेला चिब्मैंए केमैं 18:23

पावल एन्‍टिओखियार दे त्हिंइ टिसि च क्ल्ह्‍योउँइँले त्होंसि गलातिया नेरो फ्रिगिया जरेर्बै ताँन् चेलामैं सैं भोंसि लमिंदै ल्हें क्ल्ह्‍योजरै या ह्‍याइ।

चेला चिब्मैंए केमैं 19:10

ङ्हिंदि समन् चु के तरिइ, छतमा एशिया ह्‍युलर्बै ताँन् म्हिमैं, यहूदी नेरो ग्रिक ङ्हिंना-ङ्हिंनइ, प्रभुए ताँ थेइ।

चेला चिब्मैंए केमैं 20:16

पावल खाँन् समा पेन्‍तिकोसए त्हिंइर यरूशलेमर्न फेबै सैं लबइले च एशिया ह्‍युलर टिबै सैं आल। छतसि च एफिससर आहोंल्‍ले ह्‍याबै सैं लइ।

चेला चिब्मैंए केमैं 20:28

तारे क्हेमैं ह्रोंसै या न्ह क्रों मि क्रोले टिद्, धै पबित्र प्ल्हजी क्हेमैंने जिम्मा पिंबै बगालै या छेनाले ङ्‍ह्‍योद्। प्रभु येशूजी ह्रोंसए को पिंसि परमेश्‍वरए चर्च किंब् ग। छतसि चए छैं छेनाले लद्।

चेला चिब्मैंए केमैं 20:4

झाइले पावलने बालु बेरियाथें पुरसए च्ह सोपात्रोस, थेसलोनिकाथेंमैं अरिस्‍तार्खस नेरो सिकन्‍दस, डर्बिथें गायस, तिमोथी, नेरो एशियाथेंमैं तुखिकस नेरो त्रोफिमस ह्‍याइ।

चेला चिब्मैंए केमैं 21:27

छले चमैं चोखो तसि ङिरो तबि छेमा एशिया ह्‍युलर्बै यहूदीमैंइ मन्दिरर पावल म्रोंमा चर्बै म्हिए हुललाइ सुरिदिवासि पावललाइ क्हाइ।

चेला चिब्मैंए केमैं 6:9

दिलेया को-कोइ यहूदीमैंइ स्तिफनसए बिरोधर प्होंबर होंइ। (चमैं “केब्छैंउँइँले फ्रेल् योंब्मैं” बिबै च्हों धिंर्बै म्हिमैं मुँल। चमैं कुरेनी, अलेक्जेन्ड्रिया, किलिकिया नेरो एशिया बिबै ह्‍युलर्बै म्हिमैं मुँल।)

चेला चिब्मैंए केमैं 8:29

पबित्र प्ल्हइ फिलिपने “च रथए ङाँर ह्‍याद्,” बिइ।

रोमी 16:5

चमैंए धिंर मुँबै बिश्‍वासीमैंलाज्यै या ङए जय मसीह बिमिंन्। ङइ खोबै थु इपेनितसलाज्यै या जय मसीह मुँ। च एशिया ह्‍युलर्बै येशू ख्रीष्‍टए फिर बिश्‍वास लबै ओंसोंबै म्‍हि ग।

१ कोरिन्थी 12:11

चु ताँन् केमैं पबित्र प्ल्ह घ्रिए केमैंन् ग। खीजी ताँन् म्हिमैंलाइ खीए सैंर मैंब् धोंले स्‍यो-स्‍योबै बरदान पिंम्।

१ कोरिन्थी 16:1

यहूदीया ह्‍युलर्बै परमेश्‍वरए म्‍हिमैंलाइ ल्होबर रेबै भेटिए बारेर ताँ घ्रि बिल् त्‍हुम्। ङइ गलातिया ह्‍युलर्बै बिश्‍वासीमैंने बिब् धोंले क्‍हेमैंज्‍यै या लद्।

१ कोरिन्थी 16:19

चु एशिया ह्‍युलर्बै बिश्‍वासीमैंइ क्‍हेमैंने जय मसीह बिमिंइमुँ। अकिलास, प्रिस्‍का नेरो चमैंए धिंर खागु तबै बिश्‍वासीमैंज्यै या क्‍हेमैंलाइ प्रभुए मिंरि जय मसीह बिमिंइमुँ।

२ कोरिन्थी 1:8

ओ अलि-अङाँमैं, एशिया ह्‍युलर ङिइ योंबै दुःखए बारेर क्‍हेमैंज्यै था सेरिगे ङ्हाँइमुँ। ङिइ चर बेल्‍ले थेबै दुःख योंल। छतसि तारे ङि सोल् योंब्मुँ बिसि ङिइ आमैंल।

गलाती 1:2

ङ नेरो ङने मुँबै ताँन् अलि-अङाँमैंउँइँले क्हेमैं गलातिया ह्‍युलर्बै बिश्‍वासीमैं ताँनलाइ जय मसीह मुँ।

गलाती 3:1

ओ बुद्धि आरेबै गलातीमैं! खाबइ क्‍हेमैंलाइ म्होंनि झोंइ? येशू ख्रीष्‍ट क्रूसर च्‍योवाबै ताँ क्हेमैंने ङिइ छेनाले बिल।

२ तिमोथी 1:15

एशिया ह्‍युलर्बै म्हिमैं ताँन् ङ ङाँइले स्योयाइ बिब क्हिइ सेइमुँ, स्योइ ह्‍याब्मैं न्होंरि फाइगेलस नेरो हेर्मोगेनेस बिब् ग।

२ तिमोथी 4:10

तलेबिस्याँ डेमासइ चु ह्‍युलर्बै सैमैंए म्हाँया लसि ङलाइ वाथेंसि थेसलोनिका सहरर ह्‍याइ। क्रेसेन्‍स बिबै अलि गलातिया ह्‍युलर ह्‍याइ, धै तीतस दलमातिया बिबै क्‍ल्‍ह्‍योर ह्‍याइ।

हिब्रू 11:8

बिश्‍वासउँइँलेन् अब्राहामइ परमेश्‍वरजी बिब ङिंइ, धै ह्‍याद् बिबै क्ल्ह्‍योउँइँ ह्‍याइ। लिउँइँ च क्ल्ह्‍योए क्ल्हे चलाइन तल् पिंबै सैं परमेश्‍वरल् मुँल। दिलेया ह्रोंस खनइ ह्‍यारिइमुँ बिब ह्रोंसलाइन था आरेल।

१ पत्रुस 1:1

येशू ख्रीष्‍टजी कुल्मिंबै चेला चिब ङ पत्रुसउँइँले पोन्टस, गलातिया, कापाडोकिया, एशिया नेरो बिथिनिया तिगोंन् प्हुँइ टिब्मैंलाइ जय मसीह मुँ!

दर्शन 1:11

“क्‍हिइ म्रोंबै ताँ कितबर प्‍ह्रिसि नाँस ङिर्बै एफिसस, स्‍मुर्ना, पर्गामम, थिआटीरा, सार्डिस, फिलाडेल्‍फिया नेरो लाउडिकिया बिबै नाँसर्बै बिश्‍वासीलाइ पिमिंन् बिब ङइ थेइ।”

दर्शन 1:4

एशिया ह्‍युलर्बै नाँस ङिर्बै बिश्‍वासीमैंने ङ यूहन्‍नाउँइँले जय मसीह मुँ। क्‍हेमैंलाइ परमेश्‍वर, प्ल्ह ङिउलो नेरो येशू ख्रीष्‍टउँइँले दयाम्हाँया नेरो शान्ति तरिगे। परमेश्‍वर मुँल, मुँ, लिउँज्‍यै या युब्‍मुँ। प्ल्ह ङिउलो खीए राजगद्दिए उँइँर मुँ।