चेला चिब्मैंए केमैं 16:39 - परमेश्‍वरए ताँ तमु क्युइर

³⁹ छतसि चमैं खसि पावल नेरो सिलासने क्षमा ह्रिइ, धै चमैं झेलउँइँले बैरु बोमा “गार आम्हाँदिल्‍ले सहर पिसि ह्‍यामिंन् ओ!” बिसि यो छ्युँ लइ।

चेला चिब्मैंए केमैं 16:39 ပူးပေါင်းရင်းမြစ်များ

प्रस्थान 11:8

झाइले मोशाइ म्रुँने बिइ, “क्हिए के लब्मैं ङ ङाँर खसि फ्योसि ‘क्हि नेरो क्हिए लिलि ल्हैदिबै ताँन् म्हिमैं त्होंह्‍याद्!’ बिब्मुँ। च लिउँइँ ङ त्होंह्‍याब्मुँ।” च्हौ बिसि मोशा बेल्‍ले ह्रिस खसि फारोउँइँले त्होंह्‍याइ।

मत्ती 8:34

तिलि छब्मैंए ताँ थेसि नाँसर्बै ताँन् म्‍हिमैं येशूने त्‍होबर खइ, धै खीलाइ म्रोंमा “ङिए ह्‍युलउँइँले ह्‍यामिंन्,” बिसि म्हिमैंइ खीने यो छ्युँ लइ।

मर्कूस 5:17

चु ताँ थेसि “चु क्‍ल्‍ह्‍योउँइँले ह्‍यामिंन्,” बिसि च म्हिमैंइ येशूने यो छ्युँ लइ।

दर्शन 3:9

थेद्, को-कोइ दुष्‍टए न्होंर टिब्मैंइ ‘ङ यहूदी ग’ बिम् दिलेया चमैं क्ह्रोंसेंन्बै यहूदी आङिं। च स्‍योर्गुमैंलाइ ङइ क्‍हेमैंए प्‍हले फ्‍योबर ल्‍हैदिब्‍मुँ। झाइले ङइ क्‍हेमैंलाइ म्हाँया लरिमना बिब चमैं ताँनइ था सेब्‍मुँ।