चेला चिब्मैंए केमैं 16:25 - परमेश्‍वरए ताँ तमु क्युइर

²⁵ दिलेया म्‍हुँइँस आधाजरे पावल नेरो सिलास प्राथना लदै परमेश्‍वरए क्वेमैं प्रिंरिमा झेल न्होंर मुँबै म्हिमैंइ थेरिल।

चेला चिब्मैंए केमैं 16:25 ပူးပေါင်းရင်းမြစ်များ

भजनमैं 119:55

ओ याहवेह म्हुँसरैया ङ क्हिलाइन मैंरिमुँ, धै क्हिए ठिमइ बिब् धोंलेन् ङइ लरिम्।

भजनमैं 119:62

क्हिजी लबै ठिक निसाफमैंए ल्हागिर म्हुँइँस आधरैया क्हिलाइ धन्यबाद पिंबर ङ रेम्।

भजनमैं 22:2

ओ ङए परमेश्‍वर, ङइ त्हिंइ ह्रोंसे क्हिए मिंन् किंइमुँ, म्हुँइँस ह्रोंसे या क्हिनेन् ग्वार ह्रिइमुँ छान् ललेया ङ छिं आङ्हाँइमुँ।

भजनमैं 34:1

खोंयोंन् बिलेया ङ याहवेहए मिं क्वेरिब्मुँ; ङए सुँर खोंयोंन् बिलै खीलाइन थेब् लबै ताँमैं तरिब्मुँ।

भजनमैं 42:8

दिलेया याहवेहए खोंयोंइ आनुबै म्हाँया त्हिंयाँर ङने तमुँ, धै म्हुँइँसर खीए मिंर भजनमैं प्रिंसि ङलाइ छ्ह पिंबै परमेश्‍वरने ङइ प्राथना लम्।

भजनमैं 50:15

धै दुःख तबै त्हेर ङने ग्वार ह्रिद्; ङइ क्हि दुःखउँइँले फ्रेमिंब्मुँ, झाइले क्हिइ ङए मिं थेब् लब्मुँ।”

भजनमैं 71:7

ल्हें म्हिए ल्हागिर ङ आछ्याँबै ताँ तल् खाँब्मुँ बिबै चिनु तइमुँ, दिलेया क्हि ङए भोंबै ग्वार योंबै क्‍ल्‍ह्‍यो तइमुँ।

भजनमैं 77:2

दुःख योंबै त्हेर ङइ प्रभु म्हैम्; ङइ आनारल्‍ले म्हुँइँस तिमिंन् ङए यो स्योंइ; परमेश्‍वरजी आल्होमिंन् समा ङ छिं आङ्हाँ।

भजनमैं 77:6

म्हुँइँसर ङइ ह्रोंसए क्वेमैं मैंइ; तले जा बिसि ङइ सैंर मैंल। धै ङए सैंइ चु ताँमैं ङ्योलु-च्युलु लइ:

भजनमैं 91:15

चइ ग्वार ह्रिमा ङइ चलाइ ज्वाफ पिंब्मुँ; चए दुःखर ङ चने बालु तब्मुँ; चए दुःखउँइँले ङइ फ्रेमिंब्मुँ, धै चलाइ थेब् लब्मुँ।

लूका 22:44

च त्‍हेर येशूए सैंर बेल्‍ले दुःख मुँल। छतमा यो छ्युँ लदै खीजी प्राथना लरिमा खीए छैब् थे-थेब कोए थब्लो धों तब सर तेरिल।

चेला चिब्मैंए केमैं 15:22

च लिउँइँ कुल्मिंबै चेला चिब्मैं, एल्डरमैं नेरो ताँन् चर्चर्बै म्हिमैं क्ह्रिसि खेंमैंए न्होंउँइँले को-कोइ म्हिमैं त्हाँसि पावल नेरो बारनाबासने एन्‍टिओखियार कुलल् त्हुइ बिसि मैंइ, च म्हिमैं न्होंरि यहूदा बिबै बारसाबास नेरो सिलास त्हाँइ। प्रभुए फिर बिश्‍वास लब्मैं न्होंरि चमैं ङ्हिं अगुवामैं मुँल।

चेला चिब्मैंए केमैं 16:19

दिलेया चए क्ल्हेमैंइ खेंमैंए मुइ खबै घ्याँन् म्हयाब् म्रोंसि पावल नेरो सिलास क्हासि सहरए म्हाँजोरि चिबनाँब्मैं ङाँर चैंसि बोइ।

चेला चिब्मैंए केमैं 16:33

झाइले च म्‍हुँइँसर्न क्रथेइ पावल नेरो सिलास बोसि घामैं ख्रुमिंइ। धै च तोंदोंन् च नेरो चए ताँन् परवाइ बप्‍तिस्मा किंइ।

चेला चिब्मैंए केमैं 5:41

झाइले चमैंए सैंर, म्हिमैंइ म्हि आच्जिल् ललेया येशूए मिंरि सैदिल् खाँब्मैं ङ्यो तइ ङ्हाँसि सैं तोंदै चमैं थेबै म्हि च्होंउँइँले त्होंह्‍याइ।

रोमी 12:12

क्‍हेमैंइ थेंबै आशार सैं तोंन्ले टिरिद्। दुःख तमा सैं भोंब लद्। झाइले खोंयोंन् बिलै प्राथना लरिद्।

रोमी 5:3

च्‍हौ मत्‍त्रे आङिं, दुःख तलेया ङ्यो सैं तोंम्, तलेबिस्याँ दुःख तस्‍याँ ङ्योइ दुःख सैदिबै भों योंम् बिब ङ्योइ सेम्।

२ कोरिन्थी 6:10

न्हुँ खलेया ङि खोंयोंन् बिलै सैं तोंरिम्, ङ्हाँदुमैं तलेया ङिइ ल्हें म्‍हिमैंलाइ प्‍ल्होब लमिंम्, ङि तोइ आरेब् धों तलेया ख्रीष्‍टए फिर बिश्‍वास लबइले ङिइ तोन्दोंरि सै योंइमुँ।

एफिसी 5:19

क्हेमैं खागु तमा घ्रिइ घ्रिने ताँ पोंमा भजन नेरो पबित्र प्ल्हजी पिंबै क्वेमैंउँइँले ताँ लद्; धै क्‍हेमैंए सैं न्होंउँइँले प्रभु येशूए मिं थेब् लबर भजन क्वेमैं प्रिंन्।

फिलिप्पी 2:17

क्‍हेमैंइ लबै येशू ख्रीष्‍टए फिर्बै बिश्‍वास परमेश्‍वरए मिंर ख्रो पिंब् धों ग। छतसि क्हेमैंइ परमेश्‍वरए मिंर पिंबै सैमैंए फिर ङइ ह्रोंसलाइन् ख्रो पिंल् त्हुलेया, ङए सैं तोंब्मुँ। छले क्हेमैं ताँनने ङ बेल्‍ले तोंइमुँ।

कलस्सी 1:24

क्हेमैंए ल्हागिर दुःखन् योंरिलेया ङ सैं तोंइमुँ, तलेबिस्याँ ख्रीष्‍टए ज्युए ल्हागिर, खी क्वेंब्मैंए ल्हागिर ङज्यै या नोल् त्हुबै दुःख ङ‍ए ज्युर्न नोसि पूरा लम्।

हिब्रू 5:7

येशू ह्‍युलर मुँमा खीलाइ सिबउँइँले सोगों लमिंल् खाँबै परमेश्‍वरने बेल्‍ले क्रोदै थेबै कैले प्राथना लइ। खीजी छले सैं न्होंउँइँले यो छ्युँ लसि प्राथना लबइले परमेश्‍वरजी खीए प्राथना थेमिंइ।

याकूब 1:2

ओ ङए अलि-अङाँमैं, क्‍हेमैंए फिर ल्हें खालर्बै दुःख खमा बेल्‍ले सैं तोंन्।

याकूब 5:13

क्‍हेमैंए न्‍होंरि खाबलाज्यै या दुःख तइमुँ वा? चइ प्राथना लरिगे। खाबै या सैं तोंरिइमुँ वा? सैं तोंरिइमुँ बिस्याँ चइ प्रभुए मिंर क्वे प्रिंरिगे।

१ पत्रुस 4:14

क्‍हेमैंइ ख्रीष्‍टए फिर बिश्‍वास लबइले म्‍हिमैंइ क्‍हेमैंए आब्रु वास्‍याँ सैं तोंन्, तलेबिस्याँ छाबै त्हेर ताँन् भन्दा थेबै मान मुँबै परमेश्‍वरए पबित्र प्ल्ह क्‍हेमैंने तब्मुँ।