चेला चिब्मैंए केमैं 16:22 - परमेश्‍वरए ताँ तमु क्युइर

²² छबिमा ल्हें म्‍हिमैं क्ह्रिसि पावल नेरो सिलासए फिर ह्‍वाखइ। सहरर्बै निसाफ लब्मैंइ चमैंए क्वें ट्होवासि भ्योंवाइ, धै चमैं प्हरेइ प्रुद् बिसि ल्हैदिइ।

चेला चिब्मैंए केमैं 16:22 ပူးပေါင်းရင်းမြစ်များ

मत्ती 10:17

म्‍हिमैंउँइँले न्हक्रों मि क्रोंले टिद् तलेबिस्याँ चमैंइ क्‍हेमैं क्‍हासि अड्डर उजुर लब्‍मुँ, धै च्हों धिंजगोर बोसि कोर्राइ प्रुब्‍मुँ।

मत्ती 27:26

छतसि पिलातसइ चमैंइ बिब् धोंलेन् बारब्‍बा पिमिंइ, येशूलाइ बिस्याँ कोराइ प्रुसि क्रूसर च्‍योवाबर सिपाइमैंए योर पिंवाइ।

लूका 12:11

“झाइले म्हिमैंइ क्‍हेमैंलाइ च्हों धिंर्बै चिब्मैं नेरो क्रथेमैं ङाँर क्हाबोमा ‘ङइ तो पोंब् ङ्‍हे? ङइ तो बिल् त्‍हुब् ङ्‍हे?’ बिसि न्हुँ आलद्।

चेला चिब्मैंए केमैं 16:37

दिलेया पावलइ पुलिसमैंने बिइ, “ङि रोमी नागरिकमैं मुँलेया चमैंइ तोइ छ्याब् आस्यालेया ताँन् म्हिमैंए उँइँर धोंसि झेलरै या च्युवाइ। तारे म्हिमैंइ आसेल्‍ले ङिलाइ तेल् म्हैल् वा? छ तल् आखाँ। चमैं खेंमैंन् खसि ङि तेइ बोरिगे।”

चेला चिब्मैंए केमैं 17:5

दिलेया कोइ यहूदीमैंइ ह्रिस लसि बजारर्बै बदमासमैं खागु लसि ल्हें म्हि रेसि सहरर खैला-बैला लबर होंइ, धै यासोनए धिंर खैच्हिजिले होंसि पावल नेरो सिलास म्हिमैंए उँइँर पखल् म्हैइ।

चेला चिब्मैंए केमैं 18:12

अखैया बिबै ह्‍युलर गलियोन बिबै म्हि रोमी क्रथे तमा यहूदीमैं ताँन् क्ह्रिसि पावलए बिरोध लइ, धै अदालतर बोइ।

चेला चिब्मैंए केमैं 5:40

छले चमैंइ गमलियलइ बिबै ताँ ङिंइ, दिलेया चमैंइ कुल्मिंबै चेला चिब्मैंलाइ न्होंर हुइसि धोंइ, धै चमैंने बिइ, “येशूए मिंर खोंयोंन् बिलै तोइ आपोंन्!” छ बिसि चमैं पिवाइ।

२ कोरिन्थी 6:5

धोंलै, टिंलै, झेलर च्युलै, हुल त्हुँसि दुःख पिंलै, गारो केमैं लल् त्‍हुलै, न्‍हरु च्‍हुइल् आयोंलै, चल्-थुँल् आयोंलै,

१ थेसलोनिकी 2:2

क्‍हेमैं ङाँर खब् भन्दा ओंसों फिलिप्‍पीमैंइ ङि म्हि आच्हिसि बेल्‍ले दुःख पिंब क्हेमैंइ सेइमुँ। छलेन क्‍हेमैंए सहररै या बिरोध लब्मैं ल्हें तनाबिलेया परमेश्‍वरजी ङिए सैं भोंब् लमिंबइले ङिइ क्‍हेमैंलाइ सैं तोंबै ताँ बिल् योंइ।

हिब्रू 11:36

कोइलाइ म्हिमैंइ सँउँलिइ फैसि झेलर च्युवाब, बिल्‍लि लब, कोर्राए प्रुब ताँन् सैदिल।

१ पत्रुस 2:24

ङ्यो पापए ल्हागिर सिसि आछ्याँबै के लब् पिसि छ्याँबै के लदै छ्ह थोरिगे बिसि ङ्योइ लबै पापए सजैं खीए ज्युर नोसि ख्रीष्‍ट क्रूसर सिमिंइ। खीजी चबै चोटउँइँलेन् क्‍हेमैं सयाइमुँ।