चेला चिब्मैंए केमैं 16:15 - परमेश्‍वरए ताँ तमु क्युइर

¹⁵ झाइले च नेरो चए धिंर्बै ताँनइ बप्‍तिस्मा किंइ। च लिउँइँ चइ ङिने यो छ्युँ लसि बिइ, “क्हेमैंइ ङ क्ह्रोंसेंन प्रभुए फिर बिश्‍वास लबै अङाँ बिसि मैंम् बिस्याँ ङए धिंर खसि टिमिंन् ओ।” छ बिसि ङिने कर ल्हैदिइ।

चेला चिब्मैंए केमैं 16:15 ပူးပေါင်းရင်းမြစ်များ

उत्पत्ति 19:3

दिलेया लोतइ चमैंने बेल्‍ले कर ल्हैदिमा चमैं चने बालु धिंर ह्‍याइ। धै लोतइ प्लेढा आझोंबै क्हें झोंसि चमैंए उँइँर थेंमिंमा चमैंइ चइ।

उत्पत्ति 33:11

क्हिए ल्हागिर्न पखबै चु क्होल्सैमैं गार आम्हाँदिल्‍ले किंन्, तलेबिस्याँ ङए फिर परमेश्‍वरए आशिक मुँबइले ङने ल्हेंन् मुँ।” छले याकूबइ किंलन् त्हुम् बिसि कर लमा एसावइ च क्होल्सैमैं किंइ।

मत्ती 10:41

खाबइ ‘चु म्‍हि अगमबक्‍ता ग,’ बिसि अगमबक्‍तालाइ मान लमुँ, चज्यै या अगमबक्‍ताइ योंबै इनाम योंब्मुँ। छलेन ठिक के लबै म्हिलाइ ठिक के लबै म्हिन् मैंसि मान लब्मैंइ ठिक के लबै म्हिइ योंबै इनाम योंब्मुँ।

मत्ती 3:6

झाइले चमैं ताँनइ “ङिइ पाप लइमुँ,” बिसि यूहन्‍नाउँइँले यर्दन स्‍योंर प्‍ल्हुँसि बप्‍तिस्‍मा किंइ।

लूका 14:23

“धबै धिं क्‍ल्‍हेइ के लबै म्हिने बिइ, ‘ङए धिं प्‍लिंबै ल्हागिर सहरर्बै घ्याँए रेजरे खन्तोंदोंन् ह्‍यासि चर्बै ताँन् म्हिमैं कर ल्‍हैदिसि पखो।

लूका 24:29

छतसि “म्‍हुँइँस तबर होंइ। तिंयाँ ङिने बालुन् टिमिंन्!” बिसि चमैंइ खीने कर ल्हैदिइ। छबिमा येशू चमैंने बालुन् टिबर धिं न्होंर होंइ।

चेला चिब्मैंए केमैं 11:14

चइ क्हिने परमेश्‍वरए ताँ बिमिंब्मुँ, धै च ताँउँइँले क्हि नेरो क्हिए ताँन् परवामैं जोगेब्मुँ,’ बिइ।

चेला चिब्मैंए केमैं 16:31

झाइले चमैंइ बिइ, “प्रभु येशूए फिर बिश्‍वास लद्। छलस्याँ क्हि नेरो क्हिए परवाज्यै मुक्‍ति योंब्मुँ।”

चेला चिब्मैंए केमैं 16:33

झाइले च म्‍हुँइँसर्न क्रथेइ पावल नेरो सिलास बोसि घामैं ख्रुमिंइ। धै च तोंदोंन् च नेरो चए ताँन् परवाइ बप्‍तिस्मा किंइ।

चेला चिब्मैंए केमैं 16:34

च लिउँइँ चमैं धिंर बोसि चब् चल् पिंइ, धै चए धिंर्बै ताँन् म्‍हिमैंइ परमेश्‍वरए फिर बिश्‍वास लबइले चए धिंर्बै परवाने च सैं तोंइ।

चेला चिब्मैंए केमैं 18:8

च्हों धिंर्बै चिब क्रिस्‍पस नेरो चए ताँन् परवाइ प्रभुए फिर बिश्‍वास लइ, धै कोरिन्‍थिमैं न्होंरै या ल्हें म्हिइ पावलए ताँ थेइरि बिश्‍वास लसि बप्‍तिस्मा किंइ।

चेला चिब्मैंए केमैं 8:12

दिलेया लिउँइँ परमेश्‍वरए ग्याल्सर्बै ताँमैं नेरो येशू ख्रीष्‍ट उँइँले खबै सैं तोंबै ताँमैं फिलिपइ बिमिंमा चर्बै म्हिमैंइ चए ताँ क्वेंइ, धै मुँयुँमैं, च्हमिरिमैं ताँनइ बप्‍तिस्मा किंइ।

चेला चिब्मैंए केमैं 8:38

झाइले हिचडइ “रथ न्हद्!” बिइ। धै फिलिप नेरो हिचड ङ्हिंना-ङ्हिंन् क्युर तसि फिलिपइ चलाइ बप्‍तिस्मा पिंइ।

रोमी 16:23

ङ नेरो ताँन् बिश्‍वासीमैंलाइ मान लबै गायसज्यै या क्‍हेमैंलाइ जय मसीह मुँ बिमिंइमुँ। झाइले चु धिंर मुँबै बिश्‍वासीमैंइ क्‍हेमैंलाइ जय मसीह बिमिंइमुँ। छलेन चु सहरर्बै कोशाध्‍यक्ष इरास्‍तस नेरो ङ्योए अलि क्‍वार्टसज्‍यै या क्‍हेमैंलाइ जय मसीह बिमिंइमुँ।

२ कोरिन्थी 12:11

ङलाइ बुद्धि आरेबै म्हि तबर क्‍हेमैंन कर ल्‍हैदिइ। क्‍हेमैंइ अरूमैंए छ्याँबै बयन लसि चमैंलाइन “बेल्‍ले छ्याँबै कुल्मिंबै चेला चिब्मैं” बिमुँ, चमैंए उँइँरम् क्‍हेमैंइ ङए बारेर छ्याँबै बयन लल् त्‍हुमल। तलेबिस्याँ ङ तोइ आङिंलेया चमैं भन्दा ङ तोरै च्‍योंब् आरे।

२ कोरिन्थी 5:14

येशू ख्रीष्‍टजी ङ्योने म्हाँया लबइले ङ्यो खीए अधीनर मुँ, तलेबिस्याँ ताँन् म्‍हिमैंए ल्हागिर ख्रीष्‍ट सिमिंबइले ङ्यो ताँन् खीने बालुन् सिब् धोंन् तइ बिबै ताँ ङ्योइ सेइमुँ।

गलाती 6:10

छतसि मौका योंन् समा ङ्योइ ताँन् म्हिमैंलाइ ल्होबै केमैं लरिले, खासगरि बिश्‍वासी अलि-अङाँमैंलाइ ल्होले।

एफिसी 1:1

परमेश्‍वरए इच्‍छाउँइँले येशू ख्रीष्‍टजी कुल्मिंबै चेला चिब ङ पावलउँइँले एफिसस सहरर मुँबै बिश्‍वासीमैंलाइ जय मसीह मुँ।

फिलिप्पी 1:7

ङइ क्‍हेमैंलाइ खोंयोंन् बिलै ह्रोंसए सैंर थेंइमुँ। ङइ क्हेमैं ताँनए ल्हागिर छले मैंब ठिक मुँ, तलेबिस्याँ परमेश्‍वरजी दयाम्हाँया लसि खीउँइँले खबै सैं तोंबै ताँ जोगेबै के ङलाइ पिंइ, धै ङ झेलर मुँमा बैरु मुँमा क्हेमैं चु केर ङने बालुन् प्रल।

फिलेमोन 1:17

छतसि क्‍हिइ ङलाइ ह्रोंसने बालुन् के लबै थु धों ङ्हाँम् बिस्याँ ङलाइ धोंले चलाज्यै या म्हाँया लद्।

हिब्रू 13:2

आगुए ह्‍युलउँइँले खबै ङो आसेबै म्‍हिमैंलासे या प्ह्रेंमैं धोंले मान लद्, तलेबिस्याँ को-कोइइ छले स्‍याँ म्‍हिमैं मान लमा था आसेल्‍ले स्‍वर्गदूतमैंए मान लइमुँ।

१ पत्रुस 5:12

सिलास बिब भर लल् खाँबै अलि ग। चए योउँइँले ङइ चु च्‍युरिन्ठि प्ह्रिछ्या क्‍हेमैंए ल्हागिर प्ह्रिल् पिंइमुँ। परमेश्‍वरए क्ह्रोंसेंन्बै दयाम्हाँया चु प्ह्रिछ्यार ङइ ग्वाइ पिंदा ङ्हाँइमुँ। खीए दयाम्हाँयार्न क्हेमैं भोंसि तद् बिसि ङइ अर्थि पिंम्।

२ यूहन्‍ना 1:10

छतसि क्‍हेमैं ङाँर खबै म्हिमैंइ खीजी बिब् धोंले खीए ताँ आलोमिं बिस्याँ, छाबै म्हिमैंलाइ क्‍हेमैंए धिंर मान आलद्, जय मसीह या आलद्।

३ यूहन्‍ना 1:5

ओ ङए खोबै थु, क्हि ङाँर खबै बिश्‍वासी अलि-अङाँमैं स्याँमैं मुँलेया क्हिइ चमैंए सेवा लसि क्हिइ भर लल् खाँबै के लइमुँ।

३ यूहन्‍ना 1:8

छतसि ङ्योज्यै या क्ह्रोंसेंन्बै ताँ बिप्रबै केर ल्होमिंबै ल्हागिर छाबै म्‍हिमैंए सेवा ङ्योइ लल् त्‍हुम्।