चेला चिब्मैंए केमैं 15:40 - परमेश्‍वरए ताँ तमु क्युइर

⁴⁰ पावलइ बिस्याँ खीने बालु ह्‍याबर सिलास त्हाँइ। झाइले बिश्‍वासीमैंइ “परमेश्‍वरए दयाम्हाँया क्हेमैंए फिर तरिगे!” बिसि चमैंलाइ पर्मेश्‍वरए योर पिंसि बिदा पिंइ।

चेला चिब्मैंए केमैं 15:40 ပူးပေါင်းရင်းမြစ်များ

चेला चिब्मैंए केमैं 11:23

झाइले बारनाबास चर खमा परमेश्‍वरए आशिक नेरो दयाम्हाँया चमैंए फिर तब् म्रोंसि सैं तोंइ, धै चमैं ताँनने “खों न्होंउँइँलेन् प्रभुए फिर क्ह्रोंसेंन्ले बिश्‍वास लसि खी आपिल्‍ले टिरिल् त्हुम्,” बिसि चमैंए सैं भोंमिंइ।

चेला चिब्मैंए केमैं 13:3

चमैं बर्त टिसि प्राथना लइ, धै चमैंए फिरि यो थेंसि चमैं कुल्मिंइ।

चेला चिब्मैंए केमैं 14:26

च क्ल्ह्‍योउँइँले चमैं क्यु झाजर क्रेसि सिरिया ह्‍युलर्बै एन्‍टिओखियार एखइ। चर्बै बिश्‍वासीमैंइ ओंसों पावल नेरो बारनाबास परमेश्‍वरए दयाम्हाँयार प्रभुए के लबर कुलल। तोगो च केमैं लल् खाँसि चमैं चर्न एखल।

चेला चिब्मैंए केमैं 15:22

च लिउँइँ कुल्मिंबै चेला चिब्मैं, एल्डरमैं नेरो ताँन् चर्चर्बै म्हिमैं क्ह्रिसि खेंमैंए न्होंउँइँले को-कोइ म्हिमैं त्हाँसि पावल नेरो बारनाबासने एन्‍टिओखियार कुलल् त्हुइ बिसि मैंइ, च म्हिमैं न्होंरि यहूदा बिबै बारसाबास नेरो सिलास त्हाँइ। प्रभुए फिर बिश्‍वास लब्मैं न्होंरि चमैं ङ्हिं अगुवामैं मुँल।

चेला चिब्मैंए केमैं 15:32

यहूदा नेरो सिलास अगमबक्‍तामैं तबइले चर्बै अलि-अङाँमैंलाइ परमेश्‍वरए ताँउँइँले ल्हें अर्थि बुद्धिए ताँमैं लोमिंसि चमैं प्रभुए फिर बिश्‍वास लबर भोंब् लमिंइ।

चेला चिब्मैंए केमैं 16:19

दिलेया चए क्ल्हेमैंइ खेंमैंए मुइ खबै घ्याँन् म्हयाब् म्रोंसि पावल नेरो सिलास क्हासि सहरए म्हाँजोरि चिबनाँब्मैं ङाँर चैंसि बोइ।

चेला चिब्मैंए केमैं 17:4

पावल नेरो सिलासए ताँ थेसि चमैंए न्‍होंर्बै को-कोइ यहूदीमैंइ चमैंइ बिबै ताँ क्वेंसि पावल नेरो सिलास ङाँइ ल्हैदिइ। धै परमेश्‍वर म्‍हाँदिबै ल्‍हें ग्रिकमैं नेरो ल्हें क्रथे मिंथे च्हमिरिमैं या चमैं ङाँइ ल्हैदिइ।

चेला चिब्मैंए केमैं 20:32

“तारे ङइ क्‍हेमैंलाइ परमेश्‍वरए जिम्‍मार सुम्‍पिदिइमुँ। खीए दयाम्हाँयाए बारेर्बै ताँइ क्‍हेमैंए सैं भोंब् लमिंल् खाँम्, झाइले खीए म्‍हिमैंए फिर पूरा आशिक पिंब्‍मुँ।

१ कोरिन्थी 15:10

दिलेया परमेश्‍वरए दयाम्हाँया योंसि ङ तिंजोरो कुल्मिंबै चेला चिब तइ। झाइले परमेश्‍वरजी ङए फिर लबै दयाम्हाँया फाक्‍कर्बै आतइमुँ, बरु ङइ अरू कुल्मिंबै चेला चिब्मैंइ भन्दा ल्हें के लइमुँ। दिलेया चु छाबै के ङ ह्रोंसैन लब आङिं, ङने मुँबै परमेश्‍वरए दयाम्हाँयाजी लब् ग।

२ कोरिन्थी 13:14

प्रभु येशू ख्रीष्‍टजी पिंबै दयाम्हाँया, परमेश्‍वर आबाजी लबै म्हाँया नेरो पबित्र प्ल्हउँइँले तबै संगति क्‍हेमैं ताँनने तरिगे।

२ तिमोथी 4:22

प्रभु खोंयोंन् बिलै क्‍हिने प्रे तरिगे। धै खीए दयाम्हाँया क्हेमैंइ योंरिगे।

तीतस 3:15

ङने चुर मुँबै थुमैं ताँनइ क्‍हिलाइ जय मसीह बिमिंइमुँ। प्रभु येशूए फिर बिश्‍वास लसि ङिलाइ म्हाँया लब्‍मैंलाज्यै या ङिए जय मसीह बिमिंन्। क्‍हेमैं ताँन्‍ने परमेश्‍वरए दयाम्हाँया तरिगे।