चेला चिब्मैंए केमैं 15:25 - परमेश्‍वरए ताँ तमु क्युइर

²⁵ छतसि ङि ताँनइ सल्‍ला लसि ङिंए ताँमैं क्हेमैं ङाँर बिमिंबर ङिए न्होंर्बै कोइ म्हिमैं त्हाँसि ङिए खोबै थुमैं बारनाबास नेरो पावलने क्हेमैं ङाँर कुलब छ्याँब ङ्हाँइ।

चेला चिब्मैंए केमैं 15:25 ပူးပေါင်းရင်းမြစ်များ

मत्ती 11:26

ओ आबा, क्हिजी छान् लब छ्याँब ङ्हाँइ।”

लूका 1:3

छतमा ङज्‍यै या चु ताँन् के ओंसों ओंनोंन् खैले तइ बिसि छेन्‍ले मैंसि क्‍हिए ल्हागिर ओंसोंउँइँले लिउँइँ समा तबै ताँमैं तों फ्यार्ले प्‍ह्रिब ठिक तलै ङ्हाँसि प्ह्रिइमुँ।

चेला चिब्मैंए केमैं 1:14

कोइ च्हमिरिमैं नेरो येशूए आमा मरियम, येशूए अलिमैंने बालु सैं घ्रि तसि खोंयोंन् बिलै प्राथना लरिमल।

चेला चिब्मैंए केमैं 15:2

छाबै ताँ थेसि चमैंने पावल नेरो बारनाबास आक्ह्रिमा चमैं बेल्‍ले प्होंइ। छतसि चर्बै बिश्‍वासीमैंइ पावल, बारनाबास नेरो अरू म्हिमैंने बिइ, “चु ताँए छ्याँन् मिंन् लबै ल्हागिर यरूशलेमर्बै कुल्मिंबै चेला चिब्मैं नेरो एल्डरमैं ङाँर ह्‍याद्।”

चेला चिब्मैंए केमैं 15:22

च लिउँइँ कुल्मिंबै चेला चिब्मैं, एल्डरमैं नेरो ताँन् चर्चर्बै म्हिमैं क्ह्रिसि खेंमैंए न्होंउँइँले को-कोइ म्हिमैं त्हाँसि पावल नेरो बारनाबासने एन्‍टिओखियार कुलल् त्हुइ बिसि मैंइ, च म्हिमैं न्होंरि यहूदा बिबै बारसाबास नेरो सिलास त्हाँइ। प्रभुए फिर बिश्‍वास लब्मैं न्होंरि चमैं ङ्हिं अगुवामैं मुँल।

चेला चिब्मैंए केमैं 15:35

पावल नेरो बारनाबास बिस्याँ दे त्हिंइ समा एन्टिओखियार टिसि अरू ल्हें म्हिने प्रभुए ताँ बिमिंदै लोमिंदै टिइ।

चेला चिब्मैंए केमैं 15:6

चु ताँ छेनाले क्होबर कुल्मिंबै चेला चिब्मैं नेरो एल्डरमैं खागु तइ।

चेला चिब्मैंए केमैं 2:1

पेन्‍तिकोसए त्हिंइर खमा, येशूए फिर बिश्‍वास लब्मैं ताँन् क्ल्ह्‍यो घ्रिर खागु तल।

चेला चिब्मैंए केमैं 2:46

चमैं त्हिंइ ह्रोंसे मन्दिरर खागु तमल, धै धिं-धिंर चमैं सैं घ्रिले प्रभु भोज चसि सैं तोंदै बालुन् चब् चब्रें लमल।

रोमी 16:12

झाइले प्रभुए के बेल्‍ले लबै अङाँमैं त्रुफेना नेरो त्रोफोसालाइ ङए जय मसीह मुँ बिमिंन्। झाइले प्रभुए ल्हागिर ल्हें के लबै खोबै परसिसलाइ ङए जय मसीह मुँ बिमिंन्।

१ कोरिन्थी 1:10

छतसि ओ अलि-अङाँमैं, ङ्योए प्रभु येशू ख्रीष्‍टए थेबै मिंर ङ क्हेमैंने यो छ्युँ लमुँ: क्‍हेमैं सैं फो क्ह्रिसि टिब्मैं तद्, क्हेमैंए सैं आक्ह्रिसि ह्रों-ह्रोंसए न्होंर्न फ्रेब् प्ह्राब् आतरिगे।

गलाती 2:9

याकूब, पत्रुस नेरो यूहन्‍ना बिश्‍वासीमैं न्होंर्बै चिब्मैं मुँल। परमेश्‍वरए दयाम्हाँया ङए फिर मुँबइले ङइ छ्याँबै के लइमुँ बिब् चमैंइ क्होसि ङ नेरो बारनाबासलाइ खेंमैंने संगतिर घ्रि तल् पिंइ। छले खेंमैंइ यहूदीमैं न्होंर, ङिइ अरू ह्रेंमैं न्होंर परमेश्‍वरए के लबै ल्हागिर चमैं ङिने सैं क्ह्रिइ।

एफिसी 6:21

ङ खैबै म्हि जा, ङइ तो के लमुँ बिबै ताँ ङइ खोबै अलि तुखिकसइ क्‍हेमैंने बिमिंब्मुँ। चइ प्रभुए ल्हागिर छेनाले के लम्।

कलस्सी 4:7

ङ्योए खोबै अलि तुखिकसइ ङए बारेर्बै ताँन् ताँ क्‍हेमैंने बिमिंब्‍मुँ। च प्रभुए केर ङ्योने बा-बालुन् प्रबै बिश्‍वास मुँबै म्हि ग।

कलस्सी 4:9

चने बालु क्‍हेमैंए नाँसर्बै ओनेसिमस बिबै म्‍हि या ङइ कुल्‍मिंइमुँ। च येशू ख्रीष्‍टर बिश्‍वास लबै खोबै अलि ग। चुर तरिबै ताँन् ताँमैं चमैंइ क्‍हेमैंने बिमिंब्‍मुँ।

फिलेमोन 1:16

तारे च क्हिए केब्छैं आङिं, केब्छैं भन्दा थेब क्‍हिइ खोबै अलि तरिगे। ङइ चलाइ बेल्‍ले म्हाँया लमुँ। बिलन् त्हुमा अझै क्हिए ल्हागिरि च क्हिए के लबै म्हि ग, झन् च भन्दै थेबै ताँ च प्रभुए फिर बिश्‍वास लबै खोबै अलि ग। छतमा क्हिज्यै या चलाइ बेल्‍ले म्हाँया लब्‍मुँ बिसि ङए सैंर ङ्हाँइमुँ।

२ पत्रुस 3:15

झाइले ङ्योए प्रभुजी म्‍हिमैंए पापमैं सैदिमा ङ्यो जोगेबै मौका पिंइमुँ बिसि सैंर मैंन्। चु ताँ ङ्योए खोबै आघें पावलज्यै या परमेश्‍वरजी पिंबै बुद्धिजी चु ताँमैं खीए प्ह्रिछ्यार क्‍हेमैंए ल्हागिर प्ह्रिइमुँ।