चेला चिब्मैंए केमैं 15:10 - परमेश्‍वरए ताँ तमु क्युइर

¹⁰ छतसि नोलै आखाँबै खर्गु चेलामैंए प्हैंदार थेंमिंसि तले परमेश्‍वरए जाँच लमुँ? चु खर्गु ङ्योए खेमैंज्यै नोल् आखाँल, ङ्योज्यै या नोल् आखाँइमुँ।

चेला चिब्मैंए केमैं 15:10 ပူးပေါင်းရင်းမြစ်များ

प्रस्थान 17:2

छतमा चमैंइ मोशाने ह्रिस खसि बिइ, “ङिलाइ थुँबै क्यु पिंन्।” छबिमा मोशाइ चमैंने बिइ, “क्हेमैं तले ङने ह्रिस खमुँ? क्हेमैं तले याहवेहए जाँच लमुँ?”

मत्ती 23:4

चमैंइ नोलै आखाँब ल्हिबै ति फैसि म्हिमैं नोल् पिंम्, दिलेया खेंमैं बिस्‍याँ यो च्याफै टिरिम्।

मत्ती 4:7

येशूजी चने “‘क्‍हिइ याहवेह ह्रोंसए परमेश्‍वरए जाँच आलद्!’ बिसि छ्वेर प्‍ह्रिइमुँ,” बिइ।

चेला चिब्मैंए केमैं 5:9

छबिमा पत्रुसइ चने बिइ, “प्रभुए प्ल्हए जाँच लबर क्‍हेमैं ङ्हिंना-ङ्हिंन् क्ह्रिसि खैले मत लल? ङ्‍ह्‍योद्! क्हिए प्युँ पाब्मैं म्रार्न मुँ। चमैंइ क्हि या बैरु बोयाब्मुँ।”

गलाती 4:9

दिलेया तोगो क्‍हेमैंइ परमेश्‍वरलाइ ङो सेइमुँ - बिलन् त्हुमा: परमेश्‍वरजी क्‍हेमैंलाइ ङो सेइमुँ। परमेश्‍वर ङो सेसेया क्‍हेमैं तले ओंसोंन् म्हाँदिबै केर आफेबै सैमैंन् म्हाँदिसि धबै चु ह्‍युलर्बै छ्यामैंए न्होंर तदा ङ्हाँमुँ?

गलाती 5:1

ङ्यो केब्छैं-केब्स्‍योमैं आतबै ल्हागिर ख्रीष्‍टजी सै फोसि ङ्योलाइ ठिमउँइँले खामिंइ। छतसि सैं भोंब् लद्। क्‍हेमैं धबै केब्छैं-केब्स्‍योमैं आतद्!

हिब्रू 3:9

च क्ल्ह्‍योर प्लिच्यु बर्ष समा क्हेमैंए खेमैंइ ङइ लबै केमैं म्रोंसेया ङए सैं फो किंबै के लइ।

हिब्रू 9:9

चु ताँ तिंजरेबै ल्हागिर नमुना घ्रि ग। चुए मतलब भेटिमैं नेरो परमेश्‍वरए मिंर पिंबै र-क्‍युए ख्रोइ म्‍हिए सैंलाइ ख्रुसि चोखो लल् आखाँ।