चेला चिब्मैंए केमैं 15:1 - परमेश्‍वरए ताँ तमु क्युइर

¹ छले एन्टिओखियार टिरिमा यहूदीया ह्‍युलउँइँले को-कोइ म्हिमैं चर युसि येशूए फिर बिश्‍वासीमैंने, “मोशाए ठिमर प्ह्रिब् धोंले क्हमैंलाइ ज्युर चिनु आललै बिस्याँ क्हेमैंइ खोंयोंन् बिलै आखाँबै छ्ह योंल् आखाँ,” बिसि लोमिंबर होंइ।

चेला चिब्मैंए केमैं 15:1 ပူးပေါင်းရင်းမြစ်များ

यूहन्‍ना 7:22

मोशाइ क्‍हेमैंने ज्युर चिनु लबै छ्या पिंइमुँ। (दिलेया चु छ्या मोशाउँइँले तखब आङिं, मोशा भन्दा ओंसोंबै खेमैंउँइँले तखब ग।) दिलेया प्रिबै त्हिंइ तलेया क्हेमैंइ ह्रोंसए च्हमैंए ट्हुबिर चिनु लम्।

चेला चिब्मैंए केमैं 1:15

दे त्हे लिउँइँ येशूए फिर बिश्‍वास लबै प्रसे ङ्हिस्युदे म्हिमैं खागु तमा चमैंए म्हाँजोर पत्रुस रासि बिइ,

चेला चिब्मैंए केमैं 15:22

च लिउँइँ कुल्मिंबै चेला चिब्मैं, एल्डरमैं नेरो ताँन् चर्चर्बै म्हिमैं क्ह्रिसि खेंमैंए न्होंउँइँले को-कोइ म्हिमैं त्हाँसि पावल नेरो बारनाबासने एन्‍टिओखियार कुलल् त्हुइ बिसि मैंइ, च म्हिमैं न्होंरि यहूदा बिबै बारसाबास नेरो सिलास त्हाँइ। प्रभुए फिर बिश्‍वास लब्मैं न्होंरि चमैं ङ्हिं अगुवामैं मुँल।

चेला चिब्मैंए केमैं 15:23

झाइले बिश्‍वासीमैंइ पिमिंबै प्ह्रिछ्यार चु छाबै ताँमैं मुँल: “एन्‍टिओखिया, सिरिया नेरो किलिकियार मुँबै येशूए फिर बिश्‍वास लबै अरू ह्रेंर्बै अलि-अङाँमैंलाइ कुल्मिंबै चेला चिब्मैं नेरो एल्डरमैंउँइँले जय मसीह मुँ।

चेला चिब्मैंए केमैं 15:24

ङिए न्होंर्बै को-कोइ म्हिमैं चर ह्‍यासि स्योलिबै ताँमैं क्हेमैंलाइ लोमिंसि क्हेमैंए सैं ङ्हिरि लवासि दुःख पिंइ बिब ङिइ थेइमुँ। च म्हिमैं ङिंइ कुलब आङिं।

चेला चिब्मैंए केमैं 15:3

छतमा चर्चर्बै म्हिमैंइ चमैं छाइले बिदा लसि कुल्मिंइ। चमैं फोनिके नेरो सामरिया ह्‍युल तसि ह्‍यामा अरू ह्रेंमैंज्यै या येशूए फिर बिश्‍वास लबै ताँ चमैंने छेनाले बिमिंइ। चु ताँ थेसि चर्बै ताँन् अलि-अङाँमैं बेल्‍ले सैं तोंइ।

चेला चिब्मैंए केमैं 15:32

यहूदा नेरो सिलास अगमबक्‍तामैं तबइले चर्बै अलि-अङाँमैंलाइ परमेश्‍वरए ताँउँइँले ल्हें अर्थि बुद्धिए ताँमैं लोमिंसि चमैं प्रभुए फिर बिश्‍वास लबर भोंब् लमिंइ।

चेला चिब्मैंए केमैं 15:5

दिलेया फरिसीमैं न्होंर्बै प्रभुए फिर बिश्‍वास लबै को-कोइ म्हिमैं रासि बिइ, “ज्युर चिनु लसि चमैंइ मोशाए ठिमर प्ह्रिबै ताँ लद् बिसि अरू ह्रेंमैंलाज्यै या ल्‍हैदिल् त्‍हुम्।”

चेला चिब्मैंए केमैं 21:20

चु ताँ थेबै लिउँइँ चमैंइ परमेश्‍वरए मिं क्वेइ। धै च एल्डरमैंइ पावलने बिइ, “थेद् अलि, चुर यहूदीमैं न्होंरै या प्रभुए फिर बिश्‍वास लब्‍मैं ल्हेंन् मुँ। चमैंइ मोशाइ पिंबै ठिममैं या छेनाले म्हाँदिम्।

चेला चिब्मैंए केमैं 6:14

नासरतर्बै येशूइ चु मन्दिर नास लवासि मोशाइ ङ्योने पिंबै ठिममैं या फेर्दिवाम् रो बिब ङिइ थेइ!”

गलाती 2:1

च्युसे प्लिदिं लिउँइँ बारनाबास ने ङ यरूशलेमर ह्‍यामा ङइ तीतसलाज्यै या बोइ।

गलाती 5:6

तलेबिस्याँ ङ्यो ख्रीष्‍ट येशूने घ्रिन् तमा ज्युर चिनु ललेया आललेया तोइ फायदा आरे। बरु थेबै ताँ तो मुँ बिस्‍याँ, ङ्यो ख्रीष्‍टए फिर बिश्‍वास लब्मैंइ अरूमैंए फिर म्हाँया लसि चमैंए ल्हागिर छ्याँबै के लल् त्‍हुम्।

गलाती 6:12

क्हेमैंलाइ ज्युर चिनु लल् त्‍हुम् बिसि कर ल्‍हैदिब्मैं बैरुबै सै म्रोंसि प्हैंदा ङ्हाँब्मैं ग। “परमेश्‍वरउँइँले खटिदिबै ख्रीष्‍ट म्रुँ क्रूसर च्योसि सिइ,” बिबै ताँ बिप्रमा यहूदीमैंउँइँले खेंमैंलाइ तोइ दुःख आतरिगे बिब् मैंसि चमैंइ “ज्युर चिनु लल् त्‍हुम्” बिब् ग।

कलस्सी 2:16

छतसि चब-थुँब, चाड म्हाँदिब, औंसि नेरो प्रिबै त्हिंइ म्हाँदिबै बारेर क्‍हेमैंलाइ खाबज्‍यै छ्याब् आल्‍हैदिरिगे।

कलस्सी 2:8

छतसि न्ह क्रों मि क्रोंले टिद्! म्‍हिउँइँले खबै केर आफेबै स्योलिबै ताँइ क्‍हेमैं परमेश्‍वरए क्ह्रोंसेंन्बै घ्‍याँउँइँले फ्रेल् आखाँरिगे। छाबै स्योलिबै ताँमैं ख्रीष्‍टउँइँले खब आङिं, ह्‌युल ग्याल्स ओलेबै मोंमैंउँइँले नेरो म्‍हिमैंइ लबै रोसमैंउँइँले खब् ग।