चेला चिब्मैंए केमैं 14:6 - परमेश्‍वरए ताँ तमु क्युइर

⁶ चमैंइ चु ताँ सेसि लुकोनिया ह्‍युलर्बै सहरमैं लुस्‍त्रा, डर्बि नेरो च खागुबै क्ल्ह्‍योजरे भौदिह्‍याइ।

चेला चिब्मैंए केमैं 14:6 ပူးပေါင်းရင်းမြစ်များ

मत्ती 10:23

छतसि म्हिमैंइ क्हेमैंलाइ क्ल्ह्‍यो घ्रिर ह्रुगुदिइ बिस्याँ च क्ल्ह्‍योउँइँले अर्को क्ल्ह्‍योउँइँ भौदिह्‍याद्। क्ह्रोंसेंन ङ क्हेमैंने बिमुँ, परमेश्‍वरउँइँले कुल्‍मिंबै म्हिए च्ह युब् भन्दा ओंसों क्‍हेमैंइ इस्राएलर्बै ताँन् क्ल्ह्‍योर खैलसेया स्युरल् खाँरिब् आरे।

चेला चिब्मैंए केमैं 14:11

चर्बै ल्हें म्हिइ पावलइ लबै के म्रोंसि चमैंइ खेंमैंए लुकोनिया क्युइर थेबै कैले बिइ, “देवतामैं म्हिए क्हो किंसि ङ्यो ङाँर तयुना।”

चेला चिब्मैंए केमैं 14:8

लुस्‍त्रा सहरर प्हले ओलेल् आखाँबै म्हि घ्रि मुँल। च फिब् ओंनोंबै डुँड मुँल, छतमा च खैमैंइ आप्रल।

चेला चिब्मैंए केमैं 15:36

दे त्हिंइ लिउँइँ पावलइ बारनाबासने बिइ, “ह्‍याले, ङ्योइ प्रभुए ताँ बिमिंबै सहरजरे ह‍यासि प्रभुए फिर बिश्‍वास लबै अलि-अङाँमैंने त्होले, धै चमैं खै तरिगे बिसि ङ्‍ह्‍योले।”

चेला चिब्मैंए केमैं 20:4

झाइले पावलने बालु बेरियाथें पुरसए च्ह सोपात्रोस, थेसलोनिकाथेंमैं अरिस्‍तार्खस नेरो सिकन्‍दस, डर्बिथें गायस, तिमोथी, नेरो एशियाथेंमैं तुखिकस नेरो त्रोफिमस ह्‍याइ।

चेला चिब्मैंए केमैं 9:24

दिलेया चमैंइ चलाइ सैल् म्हैबै ताँ शाऊलइ सेइ। चमैंइ चलाइ सैबै ल्हागिर त्हिंइ म्‍हुँइँस सहरर्बै म्रार चए छैं लसि टिमल।

२ तिमोथी 3:11

एन्‍टिओखिया, आइकोनियम नेरो लुस्‍त्रार ङइ खै-खैबै दुःखमैं सैदिइ बिसि क्हिइ सेइमुँ। दिलेया प्रभुजी च ताँन् दुःखउँइँले ङ जोगेमिंइ।