चेला चिब्मैंए केमैं 14:4 - परमेश्‍वरए ताँ तमु क्युइर

⁴ दिलेया सहरर्बै म्हिमैं आक्ह्रिबर होंइ, धै कोइ यहूदीमैंने त्हुँयाँइ, कोइ कुल्मिंबै चेला चिब्मैंने त्हुँइ।

चेला चिब्मैंए केमैं 14:4 ပူးပေါင်းရင်းမြစ်များ

लूका 2:34

झाइले शिमियोनइ चमैं फिर आशिक पिंदै मरियमने बिइ, “थेद्, इस्राएलीमैं न्होंरि ल्हें म्हि नास लबर नेरो ल्हें म्हि जोगेमिंबर चु कोलो कुलइमुँ। चु कोलो परमेश्‍वरजी कुलबै चिनु तब्मुँ, ल्हें म्हिइ चु कोलोए बिरोधर पोंब्मुँ।

यूहन्‍ना 7:43

येशूए बारेर्बै चु ताँइ लमा म्हिमैं न्‍होंर आक्ह्रिन् तयाइ।

चेला चिब्मैंए केमैं 13:2

चमैं बर्त टिसि प्राथना लसि परमेश्‍वरए मिं क्वेरिबै त्हेर पबित्र प्ल्हजी चमैंने बिइ, “ङए ल्हागिरि बारनाबास नेरो शाऊल ङइ खाब् केए ल्हागिरि त्हाँइमुँ च केए ल्हागिर्न स्यो लद्।”

चेला चिब्मैंए केमैं 13:45

छले च्हौ ल्हें म्हि खब् म्रोंसि बिश्‍वास आलबै यहूदीमैं बेल्‍ले ह्रिस खइ, धै पावलइ बिबै ताँ थोसि चलाइ आछ्याँन्ले स्यारइ।

चेला चिब्मैंए केमैं 13:50

दिलेया यहूदीमैंइ परमेश्‍वरलाइ म्हाँदिबै थेबै कुलर्बै च्हमिरिमैं नेरो च सहरर्बै चिब्मैं सुरिदिवामा चमैंइ पावल नेरो बारनाबासए बिरोध लसि चमैंलाइ खेंमैंए ह्‍युलउँइँले ल्हावाइ।

चेला चिब्मैंए केमैं 14:14

चु ताँ थेसि कुल्मिंबै चेला चिब्मैं बारनाबास नेरो पावलइ खेंमैंए क्वें ट्होसि ओरदै च म्हिए हुलर न्हेयासि छ बिइ,

चेला चिब्मैंए केमैं 14:19

च लिउँइँ एन्‍टिओखिया नेरो आइकोनियनउँइँले को-कोइ यहूदीमैं चर फेखइ, धै चमैंइ चर्बै म्हिमैं वाँसि पावललाइ युँमाइ ल्हिल् पिंइ, धै पावल सियाइ बिब् मैंसि सहर बैरु चैं बोइ।

चेला चिब्मैंए केमैं 14:2

दिलेया चमैंए ताँ आक्वेंबै यहूदीमैंइ बिस्याँ अरू ह्रेंमैं होंसिदिसि प्रभुए फिर बिश्‍वास लबै अलि-अङाँमैंए बिरोध लसि चमैंए सैं ककाँ क्युँक्युँ ङ्हाँन् लवाइ।

चेला चिब्मैंए केमैं 14:5

छतमा अरू ह्रेंमैं नेरो यहूदीमैं ङ्हिंना-ङ्हिंनइ खेंमैंए चिबनाँब्मैंने त्हुँसि पावल नेरो बारनाबास ह्रुगुदिब नेरो युँमाइ ल्हिबै मत लइ।

चेला चिब्मैंए केमैं 19:9

दिलेया को-कोइ सैं सारो लसि क्वेंल् आङिं। धै झन् मुक्‍ति योंबै घ्याँए बिरोध लसि ताँनए उँइँर चमैं पोंबर होंइ। छतमा पावल चमैंउँइँले फ्रेसि चेलामैं बोसि टुरान्‍नस बिबै स्कूलर म्हिमैंने छलफल लसि परमेश्‍वरए ताँ त्हिंइ ह्रोंसे लोमिंमल।

चेला चिब्मैंए केमैं 28:24

चइ बिबै ताँ थेसि को-कोइइ क्वेंइ, को-कोइइ आक्वें।

१ कोरिन्थी 9:5

पत्रुस, प्रभु येशूए अलिमैं नेरो अरू कुल्मिंबै चेला चिब्मैं धोंलेन् ङज्यै या प्रभु येशूए फिर बिश्‍वास लबै च्हमिरि ब्ह्‍या लसि प्रल् आयों रो वा?

१ थेसलोनिकी 2:14

ओ अलि-अङाँमैं, यहूदीया ह्‍युलर्बै बिश्‍वासीमैंइ योंब् धों तबै दुःख क्हेमैंज्यै योंइ। तलेबिस्याँ चमैंइ खेंमैंए यहूदी म्हिमैंउँइँलेन् दुःख योंब् धोंले क्हेमैंज्यै या ह्रोंसए ह्‍युलर्बै म्‍हिमैंउँइँले दुःख योंइ।