चेला चिब्मैंए केमैं 14:27 - परमेश्‍वरए ताँ तमु क्युइर

²⁷ झाइले चमैं एन्‍टिओखियार फेखसि चर्चर्बै म्हिमैं खागु लसि परमेश्‍वरजी खेंमैंउँइँले लबै ताँन् केमैं सुनेइ, धै परमेश्‍वरजी खैले अरू ह्रेंमैंए ल्हागिर प्रभुए फिर बिश्‍वास लबै म्रा थोंमिंइ बिबै ताँ या बिइ।

चेला चिब्मैंए केमैं 14:27 ပူးပေါင်းရင်းမြစ်များ

यूहन्‍ना 9:10

झाइले “क्हिए मि खैले म्रोंल् खाँब् तइ?” बिसि चमैंइ ङ्योएमा।

चेला चिब्मैंए केमैं 11:18

चु ताँ थेसि यरूशलेमर्बै बिश्‍वासीमैंइ पत्रुसलाइ छ्याब् ल्‍हैदिब् पिवाइ, धै “तारे अरू ह्रेंर्बै म्हिमैंज्यै या मुक्‍ति योंरिगे बिसि परमेश्‍वरजी चमैंलाइ सैं एबै मौका पिंना!” बिसि चमैंइ ताँ क्होइ। झाइले चमैंइ परमेश्‍वरए मिं क्वेइ।

चेला चिब्मैंए केमैं 15:12

चु ताँ थेसि चर मुँबै ताँन् म्हिमैं च्याँ तयाइ, धै अरू ह्रेंमैंए म्हाँजोर परमेश्‍वरजी खेंमैंउँइँले खैबै औदिबै चिनु मुँबै केमैं लइ बिसि बारनाबास नेरो पावलइ धबै बिमिंमा चमैंइ छेनाले थेइ।

रोमी 15:18

तलेबिस्याँ अरू सैए बारेर आङिं, दिलेया येशू ख्रीष्‍टजी ङए छ्हउँइँले लबै केए बारेर मत्‍त्रे प्‍हैंमुँ। ङए के नेरो प्रचारउँइँले,

१ कोरिन्थी 11:18

ओंसों बिलन् त्हुमा, क्‍हेमैं परमेश्‍वरए सेवार खागु तमा ह्रों-ह्रोंसए न्‍होंर्न सैं फो आक्ह्रि रो बिबै ताँ ङइ थेइमुँ। चु ताँए बारेर ङए सैंरै या दे दे छान् ङ्हाँइमुँ।

१ कोरिन्थी 14:23

छतसि बिश्‍वासीमैं खागु तमा क्‍हेमैं ताँनइ आक्होबै क्युइर पोंइबिस्‍याँ, चर परमेश्‍वरए फिर बिश्‍वास आलब्‍मैं अथवा च क्युइ आक्होब्मैं खइबिस्याँ चमैंइ क्‍हेमैंने सोबालमैं आबि रो वा?

१ कोरिन्थी 15:10

दिलेया परमेश्‍वरए दयाम्हाँया योंसि ङ तिंजोरो कुल्मिंबै चेला चिब तइ। झाइले परमेश्‍वरजी ङए फिर लबै दयाम्हाँया फाक्‍कर्बै आतइमुँ, बरु ङइ अरू कुल्मिंबै चेला चिब्मैंइ भन्दा ल्हें के लइमुँ। दिलेया चु छाबै के ङ ह्रोंसैन लब आङिं, ङने मुँबै परमेश्‍वरए दयाम्हाँयाजी लब् ग।

१ कोरिन्थी 16:9

बिरोध लब्मैं ल्‍हेन् मुँलेया चुर सैं तोंबै ताँ बिमिंबै थेबै मौका ङइ योंइमुँ।

१ कोरिन्थी 5:4

क्‍हेमैं ङ्योए प्रभु येशूए मिंर खागु तमा ङए सैं या क्‍हेमैंने बालु तमुँ। धै ङ्योए प्रभु येशूए शक्‍तिए के चर तब्मुँ।

२ कोरिन्थी 2:12

ख्रीष्‍ट येशूउँइँले खबै सैं तोंबै ताँ बिबर ङ त्रोआस बिबै नाँसर ह्‍यामा प्रभुजी ङलाइ चर खीए के लबै मौका पिंइ।

कलस्सी 4:3

ख्रीष्‍टए बारेर्बै ओंसों था आसेबै छ्याँबै ताँ बिप्रबइले ङ चुर झेलर टिल् त्‍हुइ। छतसि परमेश्‍वरजी ङिलाइ च ताँ बिप्रबै छ्याँबै मौका पिंरिगे बिसि ङिए ल्हागिरै या प्राथना लद्।