चेला चिब्मैंए केमैं 14:21 - परमेश्‍वरए ताँ तमु क्युइर

²¹ चमैंइ च सहररै या सैं तोंबै ताँ बिमिंसि ल्हें चेलामैं बनेइ। झाइले चमैं ङ्हिं लुस्‍त्रा, आइकोनियन ततै एन्‍टिओखियार एइ।

चेला चिब्मैंए केमैं 14:21 ပူးပေါင်းရင်းမြစ်များ

मत्ती 28:19

छतसि क्‍हेमैं ह्‍युलर्बै ताँन् ह्रेंमैं ङाँर ह्‍यासि चेलामैं लदु, धै परमेश्‍वर आबा, परमेश्‍वर च्‍ह नेरो पबित्र प्ल्हए मिंर क्‍युर प्‍ल्हुँमिंसि बप्‍तिस्‍मा पिंन्।

चेला चिब्मैंए केमैं 13:14

पावल नेरो बारनाबास पर्गाउँइँले त्होंसि पिसिदिया बिबै ह्‍युलर्बै एन्‍टिओखिया सहरर फेनेइ, धै प्रिबै त्हिंइर यहूदीमैंए च्हों धिंर ह्‍यासि टिइ।

चेला चिब्मैंए केमैं 13:51

छलमा चमैंइ ह्रोंसए प्हलेर्बै त्हुला चमैंए बिरोधर खारसि आइकोनियन बिबै सहरर ह्‍याइ।

चेला चिब्मैंए केमैं 14:1

पावल नेरो बारनाबास आइकोनियन सहरर ह्‍यामा एन्‍टिओखिया सहरर तब् धोंलेन् चरै या तइ। चमैं येहूदिमैंए च्हों धिंर होंसि प्रभु येशूउँइँले खबै सैं तोंबै ताँ छेनाले बिमिंमा चर्बै ल्हें यहूदीमैं नेरो ग्रिकमैंइ येशूए फिर बिश्‍वास लइ।

चेला चिब्मैंए केमैं 14:15

“ओ म्हिमैं! क्‍हेमैंइ तले छाबै के लमुँ? ङि या क्हेमैं धोंबन् दुःख सुख भुँदिबै म्हिमैंन् ग। चु स्योलिबै के पिसि क्हेमैं परमेश्‍वरउँइँ सैं एखरिगे बिसि ङिइ खीउँइँले खबै सैं तोंबै ताँ बिमिंब् ग। मु, पृथ्‍बी, मा ङ्युँइ नेरो चर मुँबै तोन्दोंरि सैमैं बनेबै सोगों परमेश्‍वर खीन् ग।

चेला चिब्मैंए केमैं 14:19

च लिउँइँ एन्‍टिओखिया नेरो आइकोनियनउँइँले को-कोइ यहूदीमैं चर फेखइ, धै चमैंइ चर्बै म्हिमैं वाँसि पावललाइ युँमाइ ल्हिल् पिंइ, धै पावल सियाइ बिब् मैंसि सहर बैरु चैं बोइ।

चेला चिब्मैंए केमैं 14:26

च क्ल्ह्‍योउँइँले चमैं क्यु झाजर क्रेसि सिरिया ह्‍युलर्बै एन्‍टिओखियार एखइ। चर्बै बिश्‍वासीमैंइ ओंसों पावल नेरो बारनाबास परमेश्‍वरए दयाम्हाँयार प्रभुए के लबर कुलल। तोगो च केमैं लल् खाँसि चमैं चर्न एखल।

चेला चिब्मैंए केमैं 14:6

चमैंइ चु ताँ सेसि लुकोनिया ह्‍युलर्बै सहरमैं लुस्‍त्रा, डर्बि नेरो च खागुबै क्ल्ह्‍योजरे भौदिह्‍याइ।

चेला चिब्मैंए केमैं 14:7

चरै या चमैंइ सैं तोंबै ताँ बिप्रइ।

चेला चिब्मैंए केमैं 14:8

लुस्‍त्रा सहरर प्हले ओलेल् आखाँबै म्हि घ्रि मुँल। च फिब् ओंनोंबै डुँड मुँल, छतमा च खैमैंइ आप्रल।

चेला चिब्मैंए केमैं 15:36

दे त्हिंइ लिउँइँ पावलइ बारनाबासने बिइ, “ह्‍याले, ङ्योइ प्रभुए ताँ बिमिंबै सहरजरे ह‍यासि प्रभुए फिर बिश्‍वास लबै अलि-अङाँमैंने त्होले, धै चमैं खै तरिगे बिसि ङ्‍ह्‍योले।”

चेला चिब्मैंए केमैं 16:2

लुस्‍त्रा नेरो आइकोनियर्बै प्रभुए फिर बिश्‍वास लबै अलि-अङाँमैंए म्हाँजोर चला छ्याँबै बयन नेरो मिं चल्दिब मुँल।

चेला चिब्मैंए केमैं 2:47

झाइले परमेश्‍‍वरए मिं क्वेदै, ताँन् म्हिमैंउँइँले मान योंमल। धै प्रभुजी त्हिंइ ह्रोंसे जोगेमिंबै म्‍हिमैं चमैंए फिर थप्‍दिमिंब्रें लमल।

२ तिमोथी 3:11

एन्‍टिओखिया, आइकोनियम नेरो लुस्‍त्रार ङइ खै-खैबै दुःखमैं सैदिइ बिसि क्हिइ सेइमुँ। दिलेया प्रभुजी च ताँन् दुःखउँइँले ङ जोगेमिंइ।