चेला चिब्मैंए केमैं 14:20 - परमेश्‍वरए ताँ तमु क्युइर

²⁰ दिलेया चेलामैं पावलए कारग्युले रारिमा च रेयाइ, धै सहरउँइँ ह्‍याइ। प्हँन्हाँग्धों पावल नेरो बारनाबास डर्बि सहरर ह्‍याइ।

चेला चिब्मैंए केमैं 14:20 ပူးပေါင်းရင်းမြစ်များ

चेला चिब्मैंए केमैं 11:26

बारनाबासइ शाऊल टार्ससर त्होसि एन्‍टिओखियार पखइ। तिदिं समन् चमैं बिश्‍वासीमैंने त्होब्‍ब्रें लसि ल्हें म्हिलाइ लोमिंइ। एन्‍टिओखियार्न धाँसे ओंसों ख्रीष्‍टए चेलामैंने ख्रीष्‍टियान बिबै मिं थेंइ।

चेला चिब्मैंए केमैं 11:29

छाबै ताँ थेसि चेलामैं ताँनइ ह्रों-ह्रोंसइ पिंल् खाँबै सैमैं रेसि यहूदीयार्बै बिश्‍वासीमैं ल्होबर पिमिंबै सैं लइ।

चेला चिब्मैंए केमैं 12:17

पत्रुसइ तोइ आबिद् बिसि योइ हस्त लइ, झाइले प्रभुजी च झेलउँइँले खैले बैरु तेमिंइ बिबै ताँ चमैंने बिइ। धै “चु ताँ याकूब नेरो अरू आघें-अलिमैंने या बिद् ओ,” बिसि च छाइले अर्को क्ल्ह्‍योर छ्युडिह्‍याइ।

चेला चिब्मैंए केमैं 14:22

चमैंइ च क्ल्ह्‍योर्बै चेलामैंए सैं भोंब् लमिंदै “खोंयोंन् बिलै परमेश्‍वरए ताँर बिश्‍वास लसि टिरिद्,” बिसि अर्थि पिंइ, धै “परमेश्‍वरए ग्याल्सर होंबै ल्हागिर ङ्योइ ल्हें दुःख सैदिल् त्हुम्,” बिबै ताँ या लोमिंइ।

चेला चिब्मैंए केमैं 14:28

धै चर चमैं चेलामैंने ल्हें त्हिंइ समा टिइ।

चेला चिब्मैंए केमैं 14:6

चमैंइ चु ताँ सेसि लुकोनिया ह्‍युलर्बै सहरमैं लुस्‍त्रा, डर्बि नेरो च खागुबै क्ल्ह्‍योजरे भौदिह्‍याइ।

चेला चिब्मैंए केमैं 16:1

पावल डर्बि नेरो लुस्‍त्रा बिबै सहररै या खइ। चर तिमोथी मिं मुँबै चेला घ्रि मुँल। चए आमा येशूए फिर बिश्‍वास लबै यहूदीस्यो मुँल, आबा बिस्याँ ग्रिक ह्रेंर्बै म्हि मुँल।

चेला चिब्मैंए केमैं 16:40

पावल नेरो सिलास झेलउँइँले बैरु त्होंसि लिडियाए धिंर ह्‍याइ। धै येशूए फिर बिश्‍वास लबै अलि-अङाँमैंने त्होसि चमैंए सैं भोंब् ने आङ्हिब् लमिंसि सहरउँइँले त्होंयाँइ।

चेला चिब्मैंए केमैं 20:1

चु खैला-बैला च्याँ तबै लिउँइँ पावलइ चर्बै चेलामैं हुइसि चमैंलाइ अर्थि पिंइ। धै चमैंने फ्रेसि माकेडोनिया ह्‍युलउँइँ ह्‍याइ।

२ कोरिन्थी 6:9

ङिलाइ खाबज्यै ङो आसे बिलेया ताँनइ ङो सेइमुँ। ङि सियाब् धों तलेया ङि अझै सोगोंन् मुँ। ङिलाइ सजैं पिंलेया तिंयाँ समा आसैइमुँ।